BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازارلارىڭىزعا: ۇبت قالاي وزگەرەدى؟

فوتو: www.youtube.com

قازاقستان رەسپۋبليكاسى ٴبىلىم جانە عىلىم مينيسترلىگى ۇلتتىق ٴبىرىڭعاي تەستىلەۋ جانە مەكتەپ ٴبىتىرۋ ەمتيحاندارى جونىندە ورتالىق كوممۋنيكاسيالار قىزمەتىندە ٴباسپاسوز ٴماسليxاتىن وتكىزدى. ٴباسپاسوز ٴماسليحاتىندا ايتىلعان ماسەلەلەر تۋرالى تولىق مالىمەت بەرگەندى ٴجون كوردىم.

1. مەكتەپ ٴبىتىرۋ ەمتيحان تۋرالى

مەكتەپ ٴبىتىرۋ ەمتيحانىن 5 پاننەن تاپسىرادى. ەمتيحان 29 مامىر مەن 9 ماۋسىم اراسىندا جۇگىزىلەدى. 1) قازاق ٴتىلى مەن ادەبيەتىنەن ەركىن تاقىرىپتا 250 سوزدەن تۇراتىن ەسسە جازادى. جازۋ ۋاقىتى 3 ساعات. ەسسە ادەبي تاقىرىپتاردا بەرىلەدى، ول شاعىن كولەمدەگى پروزالىق شىعارمالار نەمەسە وقۋشىنىڭ ٴوزىنىڭ جەكە ويىن بىلدىرەتىن ەركىن تاقىرىپتا جازىلادى. 2) الگەبرا جانە اناليز باستامالارى پانىنەن بەس تاپسىرمادان تۇراتىن باقىلاۋ جۇمىسى (جازباشا ەمتيحان). وعان بەس استرونوميالىق ساعات بەرىلىپ وتىر. تاپسىرمالارى ماتەماتيكالىق فاكتىلەردى، تۇسىنىكتەردى، تاسىلدەردى، ەسەپ شىعارۋ جانە لوگيكالىق تاپسىرمالاردى شەشۋگە ارنالادى. 3) قازاقستان تاريحى پانىنەن 3 سۇراقتان تۇراتىن اۋىزشا ەمتيحان. ەكى سۇراق قازاقستان تاريxىنىڭ تەورياسىن قامتيتىن بولسا، ٴۇشىنشى سۇراق شىعارماشىلىق سۇراق بولادى. ول كەزدە كارتامەن، ت.ب. مەن جۇمىس ىستەۋ كەرەك. 4) ورىس تىلىنەن تەست. وعان 80 مينۋت بەرىلەدى. 40 سۇراققا 40 ۇپاي بەرىلەدى. مۇندا 10 سۇراق تىڭدالىم، 20 سۇراق گرامماتيكا، 10 سۇراق وقىلىم. 5) تاڭداۋ ٴپانى. تاڭداۋ پانىنەن 30 تەست، ونىڭ جارتىسىندا ٴبىر جاۋابى، جارتىسىندا ەكى نەمەسە ٴۇش جاۋابى دۇرىس. جالپى 60 بالل. ەسكەرتۋ. تەست ارقىلى تاپسىراتىن ەكى ٴپان ٴبىر كۇندە بولادى. سۇراقتاردى دايىنداۋ ۇلتتىق ٴبىرىڭعاي تەستىلەۋ ورتالىعى جۇرگىزەدى. التىن بەلگى وسى ەمتيحان ناتيجەسىندە انىقتالادى.

2. ۇلتتىق ٴبىرىڭعاي تەست

بۇل تالاپكەرلەردىڭ جوعارى وقۋ ورىندارىنا ٴتۇسۋى جانە مەملەكەتتىك گرانتتى ٴبولۋ ٴۇشىن جۇرگىزىلەدى. بۇل 20-شى ماۋسىم مەن ٴ1-شى شىلدە ارالىعىندا رەسپۋبليكا بويىنشا 165 تەستىلەۋ بەكەتتەرىندە وتكىزىلەدى. وقۋشى بەس پاننەن ەكى كۇن تاپسىرادى. ٴبىرىنشى كۇنى مىندەتتى ٴۇش ٴپان، ەكىنشى كۇنى ەكى تاڭداۋ پانىنەن تاپسىرادى. مىندەتتى پاندەر: 1) وقۋ ساۋاتتىلىعى. 2) ماتەماتيكالىق ساۋاتتىلىق. 3) قازاقستان تاريحى. بۇلاردىڭ بارلىعى جەكە-جەكە 20 تەستتەن تۇرادى جالپى 60 تەست، جالپى ۇپاي 60 بالل. ال تاڭداۋ ٴپانى ەكى ٴپان، ٴارقايسىسى 30 تەستتەن تۇرادى، جالپى 60 تەست، مۇنىڭ ىشىندە جارتىسى - ٴبىر جاۋابى دۇرىس، جارتىسىنىڭ ەكى نەمەسە ٴۇش جاۋابى دۇرىس تەست نەمەسە سايكەستەندىرۋ سۇراقتارى. جالپى ۇپايى - 80 بالل. ەسكەرتۋ. كوللەدج بىتىرگەندەر تەك ەكى تاڭداۋ ٴپانىن عانا تاپسىرادى. وسى تەستەر ناتيجەسىندە وقۋشى جوعارى وقۋ ورنىنا تۇسە الادى. ۇلتتىق تەستىڭ جالپى بالى 140 بالل! بارشا تۇلەكتەرگە ساتتىلىك تىلەيمىز! دايىندىعى مىقتى وقۋشىعا ٴارقانداي ەمتيحان كەدەرگى كەلتىرمەيدى.

اياتجان احمەتجان، رەسپبۋليكالىق "kazbilim" ورتالىعى ديرەكتورى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي