BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەكتەبىم-ماقتانىشىم

مەكتەپ - ٴبىلىم تىرەگى، ۇستاز- ونىڭ جۇرەگى» دەگەندەي ٴبىلىم مەن تاربيەنى بالا بويىنا «ينەمەن قۇدىق قازعانداي» ەتىپ ٴسىڭىرتىپ، ولاردىڭ بويىنا بىلىممەن قاتار وتانشىلدىق رۋحتى دارىتىپ، ٴتالىم- تاربيەنىڭ قاينار بۇلاعىمەن سۋسىنداتىپ، ادامگەرشىلىك، مەيىرىمدىلىك، ىزگىلىك شۋاعىن سەۋىپ، جۇزدەن جۇيرىكتەردى ايانباي شىعارا بىلگەن قاسيەتتى ٴبىلىم ورداسىنداعى سانالى عۇمىرىن جاس ۇرپاققا ارناعان ۇلاعاتتى ۇستازدارىمىز دەسەك ەش ارتىق ايتپاس ەدىك. 1990 جىلداردا وسكەمەن قالاسىندا ساناۋلى عانا تازا قازاق مەكتەبى بولاتىن. ەگەمەندىك العان سوڭ، قالاعا اۋىلداردان حالىق كوپتەپ كوشىپ كەلە باستادى. سول كەزدەرى توقىماشىلار قالاشىعىنا جاڭا ۇيلەر سالىنىپ، بالا سانىنىڭ كوبەيۋىنە بايلانىستى قازاق مەكتەبىنىڭ جەتىسپەۋى ماسەلەسى تۋىندادى. ورالحان بوكەي اتىنداعى №44 قازاق ورتا مەكتەبى 1993 جىلى وسكەمەن قالاسىنىڭ توقىماشىلار قالاشىعىنداعى بۇرىنعى №33 ورىس مەكتەبىنىڭ عيماراتىندا اشىلعان ەدى. قاپىدا ۇزىلگەن قىسقا عۇمىرىندا قازاق ادەبيەتىنىڭ كلاسسيكالىق ۇلگىلەرى قاتارىنا قوسىلعان، نەبىر جاۋھار تۋىندىلار قالدىرىپ كەت- كەن قۋاتتى دارىن يەسى، اسقاق تا ايگىلى قالامگەر جازۋشى، ٴور قاراتاي ەلىنىڭ تۋماسى ورالحان بوكەي ەسىمى وسكەمەن قالاسىنداعى ٴبىزدىڭ مەكتەبىمىزگە 1994 جىلى رەسمي تۇردە بەرىلگەن ەدى. وسىدان باستاپ تابانى كۇرەكتەي 22 جىل ٴوتتى. اتقارىلعان ٴىس-شارالار، توگىلگەن تەر مەن ولشەۋسىز ەڭبەك قانشاما؟! تاريح قويناۋىنا ۇڭىلسەڭىز، سانامالاپ ايتۋ ٴۇشىن ۋاقىت تا، اق قاعاز دا جەتپەس، ٴسىرا! مەكتەپ جۇيەسىن وڭتايلاندىرۋ، ٴبىر ىزگە سالۋ ٴۇشىن ەڭ الدىمەن وقۋشىلار اراسىندا ٴبىرىڭعاي تالاپ قويىپ، جاۋاپكەرشىلىككە شاقىرۋ، اسقاق تۇلعالى ورالحان بوكەي اتىنداعى مەكتەپتىڭ ۇلگىلى وقۋشىسى اتىنا ساي بولۋعا تاربيەلەۋ ماقساتىندا مەكتەپ اكىمشىلىگىنىڭ باسشىلىعىمەن 1999 جىلى مەكتەپ وقۋشىلارىنا ٴبىرىڭعاي كلاسسيكالىق كيىم ۇلگىسى، ياعني ۇلدارعا قارا كوستيۋم، قارا شالبار، اق كويلەك، قىزدارعا اق جەيدە، قارا يۋبكا قابىلداندى جانە مەكتەپ ومىرىندە بالاعا نەگىزگى تاربيە بەرۋ ماقساتىندا اتا زاڭ، ٴبىلىم تۋرالى زاڭ جانە مەكتەپ جارعىسىنا ساي پەداگوگيكالىق كەڭەستىڭ شەشىمىمەن 2000 جىلى ۇلدار مەن قىزداردىڭ كودەكسى قابىلداندى. ٴاربىر وقۋشىنى ورالحانداي ۇلتجاندى بولۋعا، بولاشاقتا وت- انىنا، حالقىنا ادال قىزمەت اتقارىپ، مەملەكەتىمىزدىڭ كوركەيۋىنە ۇلەس قوسىپ، جاقسى ازامات بولۋعا، تۋعان ەلىن، ٴبىلىم مەن تاربيە الىپ جۇرگەن ورداسىن سىيلاپ، ناعىز ازامات پەن ازاماتشا ەكەنىن كورسەتۋ ماقساتىندا 2000 جىلى قىركۇيەك ايىندا مەكتەپ رامىزدەرى: تاڭبا، تۋ، ٴانۇران جانە وقۋشىلار مەن مۇعالىمدەرگە ارنالعان توسبەلگى قابىلداندى. رامىزدەردىڭ اۆتورى مەكتەپ ديرەكتورى - تۇمەنبايەۆ تاڭاتقان قاليبەك ۇلى. مەكتەپتىڭ ٴانۇرانى ٴار دۇيسەنبىدە مەكتەپ جيىنىندا، مەكتەپىشىلىك ٴىس-شارالاردا ايتىلادى. مەكتەبىمىزدە وقۋشىلاردى جۇيەلى تۇردە پاتريوتتىق تاربيەگە با- ۋلۋ ماقساتىندا 2000 جىلدان باستاپ وقۋشىلارىمىزدىڭ رۋحاني بايۋ ورتالىعى «ٴتورت تاعان» اتتى مەكتەپ مۇراجايى ٴوز جۇمىسىن جاساپ كەلەدى. مۇراجاي ٴتورت بولىمنەن تۇرادى. ولار: «تالانتىنا تابىندىرعان قالامگەر» (ورالحان بوكەي باعىتى)، «وتان ٴۇشىن وت كەشكەندەر»، «مەكتەپ-بىلىم ورداسى» جانە ەتنوگرافيالىق باعىت. بارلىق بولىمدەر بويىنشا جىل سايىن وقۋشىلاردىڭ، مۇعالىمدەردىڭ جانە اتا-انالاردىڭ كومەگىمەن جادىگەرلەر تولىقتىرىلىپ وتىرادى. ٴاربىر ىستەلگەن ٴىستىڭ وشپەس ٴبىر بەلگىسى، ارتىندا قالدىراتىن ٴىزى بولۋى كەرەك. وسى ماقساتتا مەكتەپ ۇجىمىنىڭ كۇشىمەن، وقۋشىلارىمىزدىڭ شىعارماشىلىعىمەن ۇلى جەڭىستىڭ 60 جىلدىعىنا ارناپ «جەڭىس دەپ سوققان جۇرەكتەر»، ۇلى جەڭىستىڭ 65 جىلدىعىنا «ەرلىك- ۇرپاققا مۇرا» اتتى ەستەلىك- كىتاپتار، سونداي-اق ەلىمىزدىڭ بولاشاعى كەلەر ۇرپاققا ۇلگى بولار ادامگەرشىلىك پەن يماندىلىقتى بويىنا سىڭىرگەن، كىشىگە ۇلگى كورسەتەر اعا، ۇلكەنگە قۇرمەت كورسەتەر ٴىنى بولا بىلگەن قازاقتىڭ ٴبىرتۋار ناعىز پاتريوت ازاماتى - وراجانوۆ ماناپ وراجان ۇلى تۋرالى «ونەگەلى ٴومىر» اتتى ەستەلىك كىتاپ، مەك- تەپ ومىرىنەن سىر شەرتەتىن، ٴوزىنىڭ سان جىلعى تاجىريبەسىن تاراتۋ ماقساتىندا دۇنيەگە كەلگەن «مەكتەبىم-ماقتانىشىم» اتتى كىتاپتار جارىق كوردى. قازىرگى تاڭدا بۇل كىتاپتار مۇراجاي تورىنەن ورىن الىپ، ماڭگىلىك ەرلىكتى، ۇستازدىق ۇلگىسىن پاش ەتىپ تۇر. مەكتەبىمىزدەگى ٴبىلىم مەن تاربيەدەگى جەتىستىكتەر مەن جاڭالىقتاردى اتا-انالارعا حاباردار ەتىپ، اتا-انالار مەن مەكتەپ اراسىنداعى بايلانىستى نىعايتۋ، وقۋشىلاردىڭ شىعارماشىلىق قابىلەتتەرىن دامى- تۋ، قوعامدىق ۇيىمدارمەن، سوعىس جانە تىل ارداگەرلەرىمەن، قالانىڭ قۇرمەتتى ازاماتتارىمەن، ىشكى ىستەر ت.ب. ۇيىمدارمەن بايلانىس جاساۋ ماقساتىندا العاشقى اتاۋى «باستاۋ» بولىپ، كەيىننەن ۇلى جازۋ- شى ورالحان بوكەي ەسىمىمەن، تۋعان جەرىمەن بايلانىستىرا وتىرىپ، 2000 جىلدان باستاپ تارالىمى 1000 دانا بولىپ، «ٴور التاي» دەگەن اتپەن مەكتەپ گازەتى جارىق كورە باستادى. «مەكتەپ- ٴبىلىم تىرەگى» دەگەندەي جاس ۇرپاقتى ٴبىلىمدى دە ونەگەلى، رۋحتى ەتىپ تاربيەلەۋ ماقساتىندا 2000 جىلدىڭ 11 تامىزى كۇنى №2572 وسكەمەن قالاسىنىڭ اكىمشىلىگى جانە قالالىق ٴبىلىم بەرۋ باسقارماسىنىڭ شەشىمىمەن مەكتەبىمىزگە «ليسەي» مارتەبەسى بەرىلىپ، «مەكتەپ-ليسەيى» اتاندىق. ال 2016 جىلدان باستاپ تازا «ليسەي» مارتەبەسىن الدىق. ليسەي - دارىندى بالالارعا ارنالعان جاڭا تيپتەگى مەكتەپ. ٴبىراق ٴالى كۇنگە دەيىن ليسەيگە ارنالعان تالاپتاردى ماتالار كومبيناتى اۋدانىندا مەملەكەتتىك تىلدە وقىتاتىن مەكتەپتەر جەتىسپەيدى. وسىنىڭ سالدارىنان مەكتەپتە دارىندى وقۋشىلارمەن جانە ٴار سىنىپپەن ٴتۇرلى ٴىس-شارالار، ۇيىرمە جۇمىستارىن جۇرگىزەتىن كابي- نەتتەر جەتىسپەيدى. 2012 جىل- دان باستاپ جاراتىلىستانۋ- ماتەماتيكالىق باعىتتا جۇمىس جۇرگىزۋدەمىز. بۇل باعىتتا وقۋشىلاردى ماتەماتيكا، فيزيكا، حيميا، گەوگرافيا، بيولوگيا پاندەرى بويىنشا تەرەڭدەتىپ وقىتىپ جانە جوعارعى تەحنيكالىق وقۋ ورىندارىنا تۇسۋگە دايىندايمىز. جاراتىلىست انۋ-ماتەماتيكا باعىتى بولعاندىقتان وقۋشىلاردى قازىرگى زامانعا لايىقتى تەحنيكالىق ماماندىقتار بويىنشا وقۋ ورىندارىنا دايىندايمىز. وسى نەگىزدە 2014 جىلى 19 ٴساۋىر كۇنى قالامىزداعى مازمۇندى جانە وقىتۋ تەحنولوگياسىن جاڭارتۋ نەگىزىندە ورتا ٴبىلىم بەرۋدىڭ ساپاسىن ەلەۋلى ارتتىرۋ ماقساتىندا وسكەمەن قالاسى اكىمدىگىنىڭ «ورالحان بوكەي اتىنداعى № 44 ليسەيى» «د.سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ» رەكتورى، فيزيكا-ماتەما- تيكا عىلىمدارىنىڭ دوكتورى، پروفەسسور، قر ۇلتتىق ينجەنەرلىك اكادەمياسىنىڭ اكادەميگى، قر ۇلتتىق عىلىم اكادەمياسىنىڭ كوررەسپوندەنت-مۇشەسى تەمىربەكوۆ نۇرلان مۇقان ۇلىمەن ىنتىماقتاستىق مەموراندۋمىنا قول قويدىق. 2010-2011 وقۋ جىلىندا مەكتەبىمىزدىڭ ليسەي مارتەبەسىنىڭ 10 جىلدىق، 2012-2013 جىلى اقيىق جازۋشى ورالحان بوكەيدىڭ 70 جىلدىق جانە مەكتەپتىڭ 20 جىلدىق مەرەيتويىن اتاپ وتتىك. ەلباسىمىز ن.ٴا.نازاربايەۆ ەلىمىزدەگى جاڭا ستراتەگيالىق مودەرنيزاسيانى جۇزەگە اسىرۋ، ەڭ الدىمەن ادامداردىڭ ٴبىلىمى مەن دەنساۋلىعىنا بايلانىستى ەكەنىن اتاپ وتكەن بولاتىن. سوندىقتان دا ٴبىلىمدى دە سانالى تاربيە العان ۇرپاق تاربيەلەۋدەگى ٴمۇعالىمنىڭ ورنى ايرىقشا جانە مىندەتى دە جوعارى بولىپ تابىلادى. سوندىقتان ٴبىزدىڭ الدىعا قويعان ۇلكەن ماقسات- باسەكەگە قابىلەتتى تۇعىرعا ەلىمىزدى كوتەرەتىن بولاشاق يەسىن-جاڭا تۇلعانى تاربيەلەپ، قالىپتاستىرۋ دەپ بىلەمىز. وسى ماقساتتا مەكتەپ تۇلەكتەرىنىڭ ىشىندە 2003 جىل- دان باستاپ ٴبىرىڭعاي ۇلتتىق تەستىلەۋدىڭ قورىتىندىسى بويىنشا 10 جىل ىشىندە مەكتەپ تۇلەكتەرى اراسىنان 88 وقۋشى «التىن بەلگى»، 37 وقۋشى «ۇزدىك كۋالىك» يەگەرلەرى اتاندى. مەكتەپ تۇلەكتەرى سوڭعى جىلدارى 98% دەيىن مەملەكەتتىك گرانت جەڭىمپازدارى بولدى. مەكتەپ كاسىبي قىزمەتتە جوعارى جەتىستىكتەرى ٴۇشىن جانە عىلىمي-ادىستەمەلىك جۇمىسىنا بەلسەنە قاتىسقاندارى ٴۇشىن «ساپا بەلگىسى-2008» ديپلو- مىمەن ماراپاتتالدى. 2009 جىلى مەكتەپ-ليسەيى قالا مەكتەپتەرىنىڭ اراسىندا ٴبىرىڭعاي ۇلتتىق تەستىلەۋدىڭ قورىتىندىسى بويىنشا ور- تاشا بالل 99،8% الىپ، قازاقستان رەسپۋبليكاسىنىڭ 100 ۇزدىك مەكتەپ قاتارىنا ەندى. 27 وقۋشى قازاقستان رەسپۋبليكاسىنىڭ پرەزيدەنتىنىڭ «بولاشاق» باعدارلاماسى ستيپەندياسىنىڭ يەگەرلەرى اتاندى. وقۋشىلاردىڭ عىلىمي – زەرتتەۋ جۇمىسىن ۇيىمداستىرۋ بويىنشا «زەردە» عىلىمي قوعامى قالا بويىنشا الدىڭعى ورىندا تۇر. ونىڭ دالەلى، 2008 جىل- دان باستاپ 22 وقۋشى اقش، كورەيا سياقتى الپاۋىت مەملەكەتتەرگە بارىپ، حالىقارالىق عىلىمي جوبا بايقاۋىنان جۇلدەلى ورىنداردى يەلەنىپ، ۇبت-دان بوساتىلىپ، 125 بالدىق كورسەتكىشكە يە بولدى. مەكتەپ-ليسەيى ۇجىمى 2007-2008 وقۋ جىلىندا وبلىس اكىمىنىڭ سىيلىعىنا ارنالعان “ەڭ ۇزدىك قالا مەكتەبى” بايقاۋىنا قاتىسىپ، باس جۇلدەنى جەڭىپ السا، 2010-2011 جىلى جۇلدەلى ٴى ورىندى يەلەنىپ، قارجىلاي سىيلىقتى يەلەنگەن بولاتىن. سونىمەن قاتار 2011 جىلى رەسپۋبليكالىق «ٴبىلىم ۇياسى» بايقاۋىنا قاتىسىپ، ماقتاۋ قاعازىن الدى. ال 2015-2016 وقۋ جىلى ٴبىز ٴۇشىن ناعىز تولاعاي تابىس پەن جەڭىستىڭ جىلى بولدى دەسەك ارتىق ايتپاسپىز. ولاي دەيتىنىمىز، اتالمىش وقۋ جىلىندا ٴبىزدىڭ ليسەي تۇلەكتەرى ۇبت ناتيجەسى بويىنشا 117،5% ورتاق بالدى كورسەتىپ، قالا بويىنشا 1-ورىندى يەلەندىك. سو- نىمەن قاتار «ۇزدىك اۋلا-2016» بايقاۋىنان «باس جۇلدە» مەن باعالى سىيلىق، «ۇزدىك يننوۆاسيالىق مەكتەپ» بايقاۋىنان «باس جۇلدە» مەن بارلىق زاماناۋي ۇلگىدەگى يننوۆاسيالىق كابينەتتى سىيعا الساق، «ۇزدىك مەكتەپ-2016» بايقاۋىنان تاعى دا «باس جۇلدە» يەلەنىپ، وب- لىس اكىمىنىڭ 18 000 000 ملن سەرتيفيكاتىن جەڭىپ الدىق. قوعامنىڭ بولاشاق ازاماتتارىن جاقسى قاسيەتتەرگە تاربيەلەي بىلسەك - ٴىسىمىزدىڭ جەمىستى، بولاشاعىمىزدىڭ جارقىن بولعانى دەپ بىلەمىز.

ليسەي ديرەكتورى تۇمەنبايەۆ تاڭاتقان قاليبەك ۇلى،

قر ٴبىلىم بەرۋ ٴىسىنىڭ قۇرمەتتى قىزمەتكەرى.

قر ٴبىلىم بەرۋ ٴىسىنىڭ ۇزدىگى «قۇرمەت» وردەنىنىڭ يەگەرى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي