BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باس پروكۋراتۋرانىڭ ارالاسۋىمەن 191 جۇمىسشىعا جالاقى تولەندى


استانا. 6 قاڭتار. baq.kz-پروكۋراتۋرا ورگاندارى ىسكە ارالاسقان سوڭ باتىس قازاقستان وبلىسىنداعى «مەتالل بۇيىمدارى» سپپ» جشس كاسىپورنىنىڭ 191 جۇمىسشىسىنا جالپى سوماسى 19 ملن. تەڭگە كولەمىندە ٴتيىستى ەڭبەكاقى قارىزى تولەندى، دەپ حابارلايدى bnەws.kz ٴتىلشىسى قر باس پروكۋراتۋراسىنىڭ الەۋمەتتىك-ەكونوميكالىق سالاداعى زاڭنىڭ ورىندالۋىن قاداعالاۋ جونىندەگى دەپارتامەنتىنە سىلتەمە جاساي وتىرىپ.


«2011 جىلدان بەرى پروكۋراتۋرا اتالمىش كاسىپورىنداعى قىزمەتكەرلەرگە جالاقىنىڭ كەشىگىپ تولەنەتىنى جايلى بىرنەشە فاكتىنى انىقتادى. ۋاكىلەتتى ورگاندار بۇرىن دا بىرنەشە رەت ٴتيىستى شارالاردى قولعا العان بولاتىن. الايدا، 2012 جىلدىڭ شىلدە ايىندا كاسىپورىن ٴوز جۇمىسشىلارىنا تاعى دا ەڭبەكاقى تولەمەگەنى بەلگىلى بولدى. ۋاكىلەتتى ورگاندار ەسكەرتۋ جاساعانىنا قاراماستان، جالاقى بەلگىلەنگەن مەرزىم ىشىندە تولەنبەگەن»، - دەلىنگەن حابارلامادا.
سوندىقتان، ورال قالاسىنىڭ پروكۋراتۋراسى اتالمىش كاسىپورىنعا تەكسەرۋ جۇرگىزگەن.
«انىقتالعانىنداي، «مەتالل بۇيىمدارى» جشس-نىڭ 2012 جىلعى 1-قاڭتار مەن 14-قاراشا ارالىعىنداعى تابىسى 556،9 ملن تەڭگەنى قۇراعان، الايدا قىزمەتكەرلەردىڭ جالاقىسىن تولەۋگە تەك 60،2 ملن تەڭگە قارجى جۇمسالعان. قالعان قاراجات ەڭبەكاقىنى تولەۋگە ەمەس، باسقا ماقساتتارعا (قۇرال-جابدىق ساتىپ الۋ، شيكىزات الۋ، نەسيەنى جابۋعا) جۇمسالعان»، - دەپ اتاپ كورسەتىلگەن حابارلامادا.
ياعني، كاسىپورىننىڭ جىل بويى جالاقى تولەۋگە قارجىسى جەتسە دە، قىزمەتكەرلەرگە ەڭبەكاقى تولەمەگەن. ورال قالاسىنىڭ پروكۋراتۋراسى ىسكە ارالاسقان سوڭ، ەڭبەكاقىسىن الماعان ادامداردىڭ بارلىعىنا تولىقتاي جالاقى تولەندى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي