BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستاندىقتار تۇڭعىش پرەزيدەنت كۇنىن اتاپ ٴوتتى

تۇركىستان، baq.kz. تۇركىستان قالاسىندا قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان مەرەكەلىك ٴىس-شارا ٴوتتى.

وعان ٴتۇرلى سالادا قىزمەت اتقاراتىن وبلىس تۇرعىندارى، ٴماسليحات دەپۋتاتتارى، باسقارما باسشىلارى، قوعامدىق ۇيىمدار مەن زيالى قاۋىم وكىلدەرى قاتىستى. الدىمەن ق.ا.ياساۋي اتىنداعى حقتۋ-دىڭ فويەسىندە قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان كورمە ۇيىمداستىرىلدى. كورمەدە ەلباسىمىزدىڭ قوعامدىق جانە ساياسي قىزمەتىنەن سىر شەرتەتىن قۇندى فوتوسۋرەتتەر مەن دەرەكتەر قويىلعان.

ودان كەيىن جيىلعان كوپشىلىك سالتاناتتى جيىندى تاماشالادى. باسقوسۋدا تۇركىستان وبلىسىنىڭ اكىمى جانسەيىت تۇيمەبايەۆ جۇرتشىلىقتى مەرەكەمەن قۇتتىقتاپ، ەلباسىنىڭ باتىل باستامالارى مەن " ۇلى دالانىڭ جەتى قىرى" ماقالاسى جونىندە بايانداما جاسادى.

«بارشاڭىزدى قازاقستان رەسپۋبليكاسىنىڭ تۇڭعىش پرەزيدەنتى كۇنىمەن شىن جۇرەكتەن قۇتتىقتايمىن. بيىل بۇل مەرەكەنى جاڭا وبلىس ورتالىعىندا، ياعني، تۇركىستان قالاسىندا العاش رەت اتاپ وتۋدەمىز. بۇل دا تاريحي ٴسات. تۇركىستانىمىز كوركەيىپ، كيەلى شاھاردىڭ جىلناماسى جارقىن وقيعالارمەن تولىعىپ جاتىر. بۇگىندە قازاقستان ەلباسىمىزدىڭ سارابدال ساياساتىنىڭ ناتيجەسىندە بەيبىتشىلىك پەن كەلىسىمنىڭ، بىرلىك پەن تاتۋلىقتىڭ مەكەنىنە اينالدى. ۇلت كوشباسشىسىنىڭ كورەگەندىگى مەن ساياسي قايراتكەرلىگىن بۇكىل ەل بىلەدى جانە قۇرمەتتەيدى. مىنە، ەلدىڭ ىستىق ىقىلاسىنىڭ ناتيجەسىندە بىرنەشە جىلدان بەرى قازاقستان رەسپۋبليكاسىنىڭ تۇڭعىش پرەزيدەنتى كۇنى اتالىپ ٴوتىپ ٴجۇر. بۇل ەل پەرزەنتىنە، ۇلت كوشباسشىسىنا بەرىلگەن ٴادىل باعا جانە لايىقتى قۇرمەت!»، — دەگەن وبلىس اكىمى ٴبىر توپ ازاماتقا «استانا 20 جىل» مەرەكەلىك مەدالى مەن وبلىس اكىمىنىڭ العىس حاتىن تاپسىردى.

سالتاناتتى شارا مەرەكەلىك كونسەرتپەن ورنەكتەلدى. ساحنا تورىندە ش.قالداياقوۆ اتىنداعى وبلىستىق فيلارمونيا مەن وبلىستىق وپەرا جانە بالەت تەاترىنىڭ ونەرپازدارى ونەر كورسەتتى.

سونىمەن بىرگە، «تۇمار»، «بي سۇلتان»، «بولاشاق» توپتارى ونەر كورسەتسە، ق.قاسىموۆا، ا.ابىلدايەۆا، ج.تۇرعانبەك، ت.المەنوۆ جانە وزگە دە جەزتاڭداي انشىلەر وتان تاقىرىبىنداعى اندەردى شىرقاپ، جۇرتشىلىققا كوتەرىڭكى كوڭىل-كۇي سىيلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي