BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستان وبلىسىنىڭ باس شىرشاسى جاعىلدى

استانا، baq.kz. تۇركىستان قالاسىنداعى «ەسىم حان» الاڭىندا جاڭا جىلدىق شىرشا شامى جاعىلدى. سالتاناتتى شاراعا وبلىس اكىمى جانسەيىت تۇيمەبايەۆ قاتىسىپ، قالا تۇرعىندارىن كەلە جاتقان جاڭا جىل مەرەكەسىمەن قۇتتىقتادى.

«جاڭا جىل — وتباسىلىق مەرەكە. اسىرەسە، ٴبىزدىڭ بۇلدىرشىندەر ٴۇشىن بۇل مەيرامنىڭ ورنى ەرەكشە. بالالارىمىزدىڭ جارقىن كۇلكىسى مەن الاڭسىز بالالىق شاعىنا جەتەتىن باقىت جوق. وسىعان وراي، جۇرەككە جىلىلىق ۇيالاتقان مەرەكە قارساڭىندا باس شىرشانىڭ شامىن جاققالى تۇرمىز. ەندەشە جاڭا جىلدا حالقىمىز يگىلىككە، مەملەكەتىمىز مولشىلىققا، باقىت پەن شاتتىققا كەنەلە بەرسىن! بارشالارىڭىزدىڭ شاڭىراقتارىڭىزعا شاتتىق، وتباسىلارىڭىزعا اماندىق، ىستەرىڭىزگە بەرەكە تىلەيمىن. جاڭا جىل بارشامىز ٴۇشىن بەرەكەلى، مەرەكەلى جىل بولسىن!»، – دەدى جانسەيىت قانسەيىت ۇلى.

شارادا بابالار، ەرتەگى كەيىپكەرلەرى جانە اياز اتا مەن اقشاقارلار مەرەكەلىك شەرۋ ۇيىمداستىرىپ، ساحنالىق كورىنىستەر قويدى. سونداي-اق، قالالىق مادەنيەت ٴۇيىنىڭ ونەرپازدارى كونسەرتتىك باعدارلاماسىن ۇسىندى. مەرەكەلىك شارانىڭ سوڭى وتشاشۋعا ۇلاستى.

ايتا كەتەيىك، ەسىمحان الاڭىنا قۇرىلعان شىرشانىڭ ۇزىندىعى 20 مەتر. شىرشانى بەزەندىرۋگە 3300-گە جۋىق شار قولدانىلعان. ال، 8 مەترلىك كىشى شىرشالار 300 دانا شارمەن اسپەتتەلگەن. الاڭدى ٴتۇرلى تۇستەرمەن كومكەرۋ ٴۇشىن ۇزىندىعى 4270 مەترلىك ديودتى جارىقشام (گيرلياندا) تارتىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي