شىمكەنتتىڭ قالا كۇنى بەكىتىلدى - اتاۋلى كۇن|25 قازان 2018، 14:25
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شىمكەنتتىڭ قالا كۇنى بەكىتىلدى

شىمكەنت، baq.kz ٴتىلشىسى. شىمكەنتتە رەسمي تۇردە قالا كۇنى - 19 ماۋسىم بولىپ بەكىتىلدى. بۇگىنگى شىمكەنت قالاسى ٴماسليحاتىنىڭ كەزەكتەن تىس 40-سەسسياسى بارىسىندا دەپۋتاتتار وسىنداي شەشىم قابىلدادى.

شىمكەنت قالاسىنىڭ اكىمى عابيدوللا ٴابدىراحىموۆ:

«19 ماۋسىمدا مەملەكەت باسشىسى شىمكەنتكە رەسپۋبليكالىق ماڭىزى بار قالا مارتەبەسىن بەرۋ تۋرالى تاريحي شەشىم قابىلدادى. بۇل كۇن – شىمكەنت قالاسىنىڭ جاڭا تاريحي كەزەڭگە اياق باسقان، ٴۇشىنشى مەگاپوليستىڭ تۋعان كۇنى. سىزدەردىڭ قولداۋلارىڭىزدىڭ ارقاسىندا ەندى 19 ماۋسىمدا قالا كۇنىن تويلايتىن بولامىز» - دەپ اتاپ ٴوتتى.

ايتا كەتسەك، قر پرەزيدەنتى نۇرسۇلتان نازاربايەۆ 28-29 قىركۇيەك كۇندەرى شىمكەنت قالاسىنا ساپارى كەزىندە قالا اكتيۆىمەن كەزدەسكەن ەدى. سول كەزدە قالا اكىمى عابيدوللا ٴابدىراحىموۆ مەملەكەت باسشىسىنان.

«قانشا عاسىر وتسە دە قالامىزدىڭ رەسمي مارتەبەسىن، رەسمي كۇنىن ەشقاشان بەلگىلەنبەگەن. سوعان قالامىزدىڭ ەرەكشە مارتەبەسىن ٴوزىڭىز ارنايى جارلىقپەن بەكىتتىڭىز. 19 ماۋسىم. بىزدە قوعامدا قالاسىنىڭ كۇنى 19 ماۋسىم بولسا دەگەي وي-پىكىر ايتىلىپ جاتىر. ٴسىز قولداساڭىز، ٴبىز ماسليحاتپەن بىرگە بەكىتەمىز» دەپ شىمكەنتتىڭ قالا كۇنىن بەلگىلەۋگە رۇقسات سۇراعان بولاتىن.

ەسكە سالساق، وسى جىلدىڭ 19 ماۋسىمىندا قر پرەزيدەنتى ن. نازاربايەۆ قازاقستان رەسپۋبليكاسىنىڭ اكىمشىلىك-اۋماقتىق قۇرىلىسىنىڭ كەيبىر ماسەلەلەرى تۋرالى جارلىققا قول قويىپ;

«شىمكەنت قالاسى رەسپۋبليكالىق ماڭىزى بار قالالاردىڭ ساناتىنا جاتقىزىلسىن" دەپ قاۋلى ەتتى.

مەملەكەت باسشىسى جارلىققا جاريا تۇردە قول قويۋ راسىمىندە سويلەگەن سوزىندە شىمكەنت ميلليوننان استام تۇرعىنى بار استانا مەن الماتى قالالارىنىڭ قاتارىنا قوسىلعانىن ايتتى.

«قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» زاڭنىڭ 3-بابىنىڭ 1-تارماعىنا سايكەس بۇگىن مەن قول قوياتىن جارلىق شىمكەنتكە رەسپۋبليكالىق ماڭىزى بار قالا مارتەبەسىن بەرەدى. بۇل اكىمشىلىك بىرلىك ەلىمىزدەگى ون جەتىنشى ايماق بولادى. وبلىس ورتالىعى عاسىرلار بويى قازاق حاندىعىنىڭ جانە بۇكىل تۇركى الەمىنىڭ ساياسي ٴارى رۋحاني ورتالىعى بولعان تۇركىستان قالاسىنا كوشىرىلەدى، – دەدى قازاقستان پرەزيدەنتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي