BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شىمكەنتتە تۇڭعىش پرەزيدەنت كۇنىنە وراي ٴماجىلىس ٴوتتى

فوتو: Автор

شىمكەنت، baq.kz ٴتىلشىسى. شىمكەنت قالاسىنداعى «قازاقستان حالقى اسسامبلەياسى» عيماراتىندا 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنى مەرەكەسىنە وراي دوڭگەلەك ۇستەل ٴماجىلىسى ٴوتتى.

جيىنعا شىمكەنت قالالىق اسسامبلەيا حاتشىلىعىنىڭ جانە قالالىق «نۇر وتان» پارتياسىنىڭ، قالالىق وتباسى، بالالار جانە جاستار ىستەرى جونىندەگى باسقارماسىنىڭ باسشىلىعى، ەتنومادەني بىرلەستىكتەردىڭ ٴتوراعالارى، زيالى قاۋىم وكىلدەرى مەن عالىمدار، جاس وتان» جاستار قاناتى مەن «جاڭعىرۋ جولى» جاستار قوزعالىسىنىڭ بەلسەندىلەرى قاتىستى. وندا ەلباسى نۇرسۇلتان نازاربايەۆتىڭ كورەگەندىگىنىڭ ارقاسىندا قول جەتكىزگەن تابىستار، تاۋەلسىزدىك جىلدارىنداعى تاعدىرشەشتى قادامدار تۋرالى ايتىلدى.

- 1 جەلتوقسان – قازاقستاندىقتار ٴۇشىن ەرەكشە كۇن. ٴدال وسى كۇنى قازاقستان حالقى تاريحي تاڭداۋ جاساپ، تاۋەلسىز ەلدىڭ تۇڭعىش پرەزيدەنتىن سايلادى. از ۋاقىتتىڭ ىشىندە قازاقستان تاڭداي قاقتىرارلىق تابىستارىمەن الەمگە تانىلدى. ەلدەگى ەكونوميكالىق-الەۋمەتتىك جانە ساياسي رەفورمالار، حالىقارالىق جانە وڭىرلىك باستامالار، جاھاندىق جاسامپاز ىستەرىمىزدىڭ بارلىعى نۇرسۇلتان نازاربايەۆتىڭ ەسىمىمەن تىكەلەي بايلانىستى. جەتىستىكتەرىمىزدىڭ بارلىعى ەلباسى ۇستانعان بىرلىك پەن تۇراقتىلىق، ۇلتارالىق كەلىسىم ساياساتىنىڭ ارقاسىندا جۇزەگە اسقانىنا ەرەكشە نازار اۋدارۋىمىز ٴتيىس، - دەدى جيىندا ٴسوز العان شىمكەنت قالالىق قازاقستان حالقى اسسامبلەياسى ٴتوراعاسىنىڭ ورىنباسارى ٴمۇراتالى قالمۇراتوۆ.

جيىندا «نۇر وتان» پارتياسى شىمكەنت قالالىق فيليالى ٴتوراعاسىنىڭ ورىنباسارى باحادىر نارىمبەتوۆ قۇجات اياسىندا جۇزەگە اساتىن جۇمىستارعا كوپشىلىكتىڭ نازارىن اۋداردى.

- ەلباسىمىز قازاقستان حالقى اسسامبلەياسى اتتى دۇنيەجۇزىنىڭ بىردە-بىر ەلىندە كەزدەسپەيتىن بىرەگەي ينستيتۋت قۇرۋدىڭ جانە ونى جۇزەگە اسىرۋدىڭ نەگىزگى باستاماشىسى بولدى. سونداي-اق، «نۇر وتان» پارتياسى دا ەڭ العاش قۇرىلعان كۇنىنەن باستاپ پرەزيدەنتىمىزدىڭ باستى كومەكشىسىنە اينالدى. سوندىقتان، ٴبىز بۇگىن ەلباسىنىڭ جاڭا باستامالارىن ىسكە اسىرۋعا، بەرەكە-بىرلىكتى نىعايتۋعا قاتىستى ماسەلەلەردى بىرلەسە قاراپ، ٴوزارا مەموراندۋمعا قول قويدىق. بۇل – ٴبىزدىڭ «قازاقستان-2050» ستراتەگياسىن، ەلباسىنىڭ سوڭعى جولداۋلارى مەن «بولاشاققا باعدار: رۋحاني جاڭعىرۋ» جانە « ۇلى دالانىڭ جەتى قىرى» اتتى باعدارلامالىق ماقالالارىنداعى باستامالاردى ٴتيىمدى جۇزەگە اسىرۋدا بىرلەسكەن جۇمىستارىمىزدىڭ باستى قۇجاتى بولادى، - دەدى ب.نارىمبەتوۆ.

2019 جىل «جاستار جىلى» دەپ جاريالاندى. وسىعان وراي، بايانداما جاساعان قالالىق وتباسى، بالالار جانە جاستار ساياساتى باسقارماسىنىڭ باسشىسى جاندوس قالتايەۆ جاستار مەن وتباسى ينستيتۋتىن كەشەندى قولداۋ باعىتىنداعى جۇمىستاردى جۇمىلا جۇزەگە اسىرۋدىڭ ماڭىزدىلىعىن ايتتى.

- ٴاربىرىمىز تاريحىمىزدى، تاۋەلسىزدىگىمىزدىڭ تاريحىن زەرتتەپ، ەلباسىنىڭ سىندارلى ساياساتى ارقىلى جەتكەن جەتىستىكتەرگە جەتكەنىمىزدى مىندەتتى تۇردە ايتىپ كەتۋىمىز كەرەك. بۇل تۋرالى بولاشاقتا دا جازىلاتىن بولادى. ەلباسىنىڭ بيىلعى جولداۋىندا، تاۋەلسىز قازاقستان تاريحىندا تۇڭعىش رەت «2019 جىل –جاستار جىلى» جاريالاندى. ەندى ونىڭ ماڭىزدى ٴوتۋى مىنا بىزدەرگە، ياعني جاستارعا بايلانىستى، - دەدى جاندوس قالتايەۆ.

پرەزيدەنت وتكەن جىلى «نۇر وتان» پارتياسى ساياسي بيۋروسىنىڭ وتىرىسىندا پارتيا مەن قحا-نىڭ بىرلەسىپ جۇمىس ىستەۋى جونىندە ارنايى تاپسىرما بەرگەن بولاتىن. وسىعان وراي، «نۇر وتان» پارتياسى شىمكەنت قالالىق فيليالى مەن قالالىق قازاقستان حالقى اسسامبلەياسى جانە وتباسى، بالالار جانە جاستار ساياساتى باسقارماسىنىڭ باسشىلارى 2019 جىلعا ارنالعان بىرلەسكەن ٴىس-شارالار جوسپارىن بەكىتىپ، ٴوزارا ىنتىماقتاستىق جونىندە مەموراندۋمعا قول قويدى.

ٴارى قاراي ەركىن پىكىر الماسۋمەن جالعاسقان جيىن ەلباسىنىڭ ٴومىر جولى تۋرالى بەينەفيلمدى تاماشالاۋمەن اياقتالدى.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي