BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

ريم پاپاسى، ٴىى ەليزاۆەتا، ترامپ قازاقستاندىقتاردى تاۋەلسىزدىك كۇنىمەن قۇتتىقتادى

فوتو: интернеттен

استانا، baq.kz. مەملەكەت باسشىسىنىڭ اتىنا ۇلتتىق مەرەكەمىز – قازاقستان رەسپۋبليكاسىنىڭ تاۋەلسىزدىك كۇنىنە وراي حاتتار مەن جەدەلحاتتار كەلىپ ٴتۇستى. بۇل تۋرالى اقوردانىڭ رەسمي سايتى حابارلادى.

نۇرسۇلتان نازاربايەۆتىڭ اتىنا قازاقستان رەسپۋبليكاسىنىڭ تاۋەلسىزدىك كۇنىنە وراي شەت مەملەكەتتەردىڭ باسشىلارىنان قۇتتىقتاۋ جەدەلحاتتارى مەن حاتتار كەلىپ ٴتۇستى.

امەريكا قۇراما شتاتتارىنىڭ پرەزيدەنتى جەكە ٴوزىنىڭ جانە بارشا امەريكا حالقىنىڭ اتىنان قازاقستان حالقىن تاۋەلسىزدىكتىڭ 27 جىلدىعىمەن قۇتتىقتادى.

«اقش قازاقستاننىڭ تاۋەلسىزدىگىن 1991 جىلى العاش رەت مويىنداعان ۋاقىتتان بەرى ەلدەرىمىز ۇنەمى ەكى جاقتى بايلانىستاردى نىعايتۋ جولىندا جۇمىس جۇرگىزىپ كەلەدى. ٴسىزدىڭ بيىلعى قاڭتارداعى ۆاشينگتونعا ساپارىڭىز وسى جىلدار ىشىندە ەلدەرىمىز اراسىندا قالىپتاسقان قارىم-قاتىناستارىمىزدى ىلگەرىلەتۋگە جانە نىعايتۋعا تىڭ سەرپىن بەردى»، – دەلىنگەن جەدەلحاتتا.

دونالد ترامپ نۇرسۇلتان نازاربايەۆتىڭ باسشىلىق ەتۋىمەن قازاقستاننىڭ يادرولىق قارۋدى تاراتپاۋ ٴىسىنىڭ كوشباسشىسىنا جانە بەيبىت ٴومىردىڭ جاقتاۋشىسىنا اينالعانىن اتاپ وتكەن.

«مەن بەرىك ىنتىماقتاستىعىمىز الداعى ۋاقىتتا دا جالعاسا بەرەدى دەپ ويلايمىن. سىزگە جانە قازاقستان حالقىنا كەلە جاتقان جاڭا جىلدا تابىس پەن باق-بەرەكە تىلەيمىن!»، – دەلىنگەن اقش پرەزيدەنتىنىڭ قۇتتىقتاۋ حاتىندا.

ۇلىبريتانيا پاتشايىمى ٴىى ەليزاۆەتا نۇرسۇلتان نازاربايەۆتى جانە قازاقستان حالقىن الداعى تاۋەلسىزدىك كۇنىمەن قۇتتىقتاپ، باق-بەرەكە جانە تابىس تىلەدى.

«ۇلتتىق مەرەكەلەرىڭىزگە وراي كەلە جاتقان جىلى قازاقستان حالقىنا اماندىق پەن باقىت تىلەي وتىرىپ، زور ٴىلتيپاتىمدى جەتكىزگىم كەلەدى»، – دەلىنگەن جەدەلحاتتا.

ساۋد ارابياسىنىڭ كورولى سالمان بەن ابدەل ٴازيز ٴال ساۋد جانە ساۋد ارابياسى كورولدىگىنىڭ تاق مۇراگەرى مۇحاممەد بەن سالمان بەن ابدەل ٴازيز ٴال ساۋد بارشا قازاقستان حالقىنىڭ وسىپ-وركەندەي بەرۋىنە تىلەكتەستىك ٴبىلدىرىپ، بارلىق سالاداعى ەكى جاقتى ىنتىماقتاستىقتى ودان ٴارى نىعايتۋعا نيەتتى ەكەنىن جەتكىزەدى.

ريم پاپاسى فرانسيسك نۇرسۇلتان نازاربايەۆتى تاۋەلسىزدىك كۇنىمەن قۇتتىقتاپ، بۇكىل قازاقستان حالقىنا بەيبىت ٴومىر مەن باق-بەرەكە تىلەگەن جىلى لەبىزىن جولداعان.

موروككو كورولى iv مۇحاممەد ٴوز جەدەلحاتىندا قازاقستان مەن موروككو اراسىنداعى قارىم-قاتىناستارعا جوعارى باعا بەرىپ، ەكى مەملەكەت حالىقتارىنىڭ يگىلىگى ٴۇشىن ىنتىماقتاستىقتى نىعايتۋعا باعىتتالعان جۇمىستاردى جالعاستىرۋعا نيەتتى ەكەنىن ٴبىلدىردى.

سونداي-اق، كۋبا رەسپۋبليكاسى مەملەكەتتىك كەڭەسىنىڭ جانە مينيسترلەر كەڭەسىنىڭ ٴتوراعاسى ميگەل دياس-كانەل نۇرسۇلتان نازاربايەۆتى جانە قازاقستان حالقىن تاۋەلسىزدىك قۇنىمەن قۇتتىقتاپ، باق-بەرەكە تىلەگەن جەدەلحاتىن جولدادى.

تۇرىكمەنستان پرەزيدەنتى گۋربانگۋلى بەردىمۇحامەدوۆ ٴوزىنىڭ حاتىندا: «قازاقستان تاۋەلسىزدىك جىلدارىندا مەملەكەتتىلىكتى نىعايتۋ، حالىقتىڭ ٴال-اۋقاتىن جانە ەلدىڭ حالىقارالىق ارەناداعى بەدەلىن ارتتىرۋ جولىندا زور جەتىستىكتەرگە قول جەتكىزدى. تۇرىكمەنستان مەن قازاقستاننىڭ ەكى جاقتى قاتىناستارى جوعارى دەڭگەيدە ەكەنى قۋانتادى. بۇل ەلدەرىمىز اراسىنداعى تابىستى ىنتىماقتاستىق پەن ٴوزارا تىعىز بايلانىستىڭ ٴتۇرلى باعىتتا دامىپ كەلە جاتقانىن كورسەتەدى»، – دەپ اتاپ وتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي