BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نۇرسۇلتان نازاربايەۆ قازاقستاندىقتاردى كونستيتۋسيا كۇنىمەن قۇتتىقتادى

قر پرەزيدەنتى نۇرسۇلتان نازاربايەۆ قازاقستاندىقتاردى كونستيتۋسيا كۇنىمەن قۇتتىقتادى، دەپ حابارلايدى اقوردانىڭ ٴباسپاسوز قىزمەتى.

قىمباتتى وتانداستار!

بارشاڭىزدى حالقىمىز ٴۇشىن ماڭىزى زور مەرەكە – كونستيتۋسيا كۇنىمەن قۇتتىقتايمىن!

وسىدان 22 جىل بۇرىن جالپىحالىقتىق رەفەرەندۋمدا قابىلدانعان اتا زاڭىمىز قازاقستان رەسپۋبليكاسىنىڭ زايىرلى، قۇقىقتىق جانە ٴبىرتۇتاس مەملەكەت رەتىندەگى بازالىق نەگىزىن قالادى.

كونستيتۋسيا تاۋەلسىزدىگىمىزدىڭ بەرىك تىرەگىنە، تابىستى دامۋىمىزدىڭ جانە قازاقستاننىڭ حالىقارالىق دەڭگەيدەگى بيىك بەدەلىنىڭ كەپىلىنە اينالدى.

ول ەلىمىزدىڭ باستى قۇندىلىقتارى رەتىندە قوعامدىق-ساياسي بىرلىكتى، كەلىسىم مەن تۇراقتىلىقتى قالىپتاستىردى.

ساياسي جۇيەنىڭ تيىمدىلىگىن ارتتىرۋ جانە مەملەكەتتىگىمىزدىڭ مىزعىماستىعىن قامتاماسىز ەتۋ باعىتىندا ەلىمىزدە جۇرگىزىلگەن كونستيتۋسيالىق رەفورما جاڭا جاھاندىق وزگەرىستەرگە جاۋاپ بەرەدى.

كونستيتۋسيامىز قازاقستاننىڭ الەمنىڭ وزىق 30 ەلىنىڭ قاتارىنا قوسىلۋى جولىندا جاڭعىرۋ ۇدەرىسىن ودان ٴارى ىسكە اسىرۋدىڭ، دەموكراتيالىق باستامالارىمىزدى نىعايتۋدىڭ، ازاماتتاردىڭ ٴال-اۋقاتىن كوتەرۋدىڭ جانە قوعامدى بىرىكتىرۋدىڭ ماڭىزدى فاكتورى بولىپ سانالادى.

بارشا قازاقستاندىقتارعا شىن كوڭىلدەن بەيبىت ٴومىر، تابىس جانە قۇت-بەرەكە تىلەيمىن!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي