BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوستانايلىقتار ٴتيىمدى جولمەن باسپانا الۋدىڭ جولدارى تۋرالى ايتىپ بەردى

قر تۇڭعىش پرەزيدەنتى كۇنىندە 216 قوستانايلىققا «اەروپورت» شاعىن اۋدانىنداعى پاتەرلەردىڭ كىلتى تاپسىرىلدى.

ولاردىڭ ٴبارى – «تۇرعىن ٴۇي قۇرىلىس جيناق بانكى» اق سالىمشىلارى. تۇرعىن ۇيلەر «نۇرلى جەر» باعدارلاماسى ارقىلى سالىندى. باسپانا قۇنى – 1 شارشى مەتر ٴۇشىن 140 000 تەڭگە.

باعدارلاما شارتتارى بويىنشا باسپانالى بولسام دەگەن تۇرعىنداردىڭ تۇرعىن ٴۇي قۇرىلىس جيناق بانكىندەگى ەسەپشوتىندا 20% مولشەرىندەگى باستاپقى جارنا بولۋى ٴتيىس. ال بانك ولارعا 5% مولشەرلەمەمەن نەسيە ۇسىندى.

وسى شارتتاردى نەگىزگە الساق، قۇنى 5،5 ملن تەڭگە تۇراتىن 1 بولمەلى پاتەر الۋ ٴۇشىن بانكتەگى دەپوزيتىڭىزگە 1،1 ملن تەڭگە جيناساڭىز جەتكىلىكتى.

گۇلميرا تۇرلىبەكوۆا ٴدال وسىلاي جاساپتى. ول ٴبىر بولمەلى پاتەر الۋعا جەتكىلىكتى قاراجاتتى ٴبىر جارىم جىل ىشىندە جيناعان. ەندى ول بۇل ۇيدە قىزى ەكەۋى تۇرماق.

«قىسقا مەرزىمدە تۇرعىن ٴۇي قۇرىلىس جيناق بانكىنىڭ باستاپقى جارناسىن جيناعاندا پاتەر الۋدىڭ ەشقانداي قيىندىعى جوق ەكەنىن ٴتۇسىندىم. ەڭ باستىسى – ەڭبەك ەتىپ، ٴوز ماقساتىڭا قاراي سەنىمدى قادام باسۋ. نەسيەنى 12 جىلعا رەسىمدەدىم. ٴوز ٴۇيىم ٴۇشىن اي سايىن 48 مىڭ تەڭگە عانا تولەيمىن. جالدامالى پاتەرگە وسىنشالىقى قاراجات كەتىرگەنىمدى ەسەپتەسەم، بۇل الدەقايدا ٴتيىمدى»، - دەدى قونىس يەسى.

تۇرعىن ٴۇي قۇرىلىس جيناق بانكى باسقارما ٴتورايىمىنىڭ ورىنباسارى نۇرلان اقشانوۆ ايتىپ وتكەندەي، وسى جىلى بانكتىڭ 34 مىڭ سالىمشىسى باسپانا تويىن تويلااتى. ونىڭ 7 مىڭى «نۇرلى جەر» باعدارلاماسى ارقىلى پاتەرگە يە بولعان.

«بۇل باعدارلاما ٴتيىمدى. «نۇرلى جەردە» تۇرعىن ٴۇيدىڭ قولجەتىمدى باعالارى قاراستىرىلعان جانە بانك 5 پايىزدىق مولشەرلەمەمەن نەسيە بەرەدى. مۇنداي تولەم قازاقستان بويىنشا جوق. سوندىقتان، پاتەر كىلتىنە يە بولعاندارعا نەسيە سالماعى اۋىر تۇسپەيدى دەپ ويلايمىن. ەندى ولاردى بالالارىنا دەپوزيت اشۋعا شاقىرامىن، ويتكەنى، ولار بولاشاقتا پاتەر الۋدىڭ اۋىرتپالىعىن كورمەۋى ٴتيىس»، - دەدى ن.اقشانوۆ.

قوستاناي وبلىسىنىڭ اكىمى ارحيمەد مۇحامبەتوۆ قۇرىلىس يندۋسترياسىنداعى تۇرعىن ٴۇي قۇرىلىس جيناق بانكى ٴرولىن اتاپ ٴوتتى.

«مەندەگى مالىمەت بويىنشا، فيليالداعى سالىمشىلاردىڭ ۇلەسى 1 جىلدا 30 پروسەنتكە ۇلعايعان. قازىرگى ۋاقىتتا وبلىستا 54 مىڭ تۇرعىن پاتەر الۋ ٴۇشىن قاراجات جيناپ جاتىر. ولاردىڭ 10 مىڭىنىڭ ەسەپشوتتارىندا 1 ميلليوننان استام سالىم بار. ياعني، ولار «نۇرلى جەر» باعدارلاماسى بويىنشا ٴۇي الۋعا دايىن. سونىڭ ناتيجەسىندە ٴبىز ٴوڭىردىڭ قۇرىلىس يندۋسترياسىن دامىتۋعا، تۇرعىن ٴۇي قۇرىلىسىنا ينۆەستيسيا سالۋعا مۇمكىندىك الىپ وتىرمىز»، - دەپ اتاپ ٴوتتى ايماق باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي