BAQ.kz - Қазақстан жаңалықтары USD 377.11 BAQ.kz - Қазақстан жаңалықтары EUR 424.21 BAQ.kz - Қазақстан жаңалықтары RUB 5.91
استانا:

نازاربايەۆ تاۋەلسىزدىك كۇنىنە ارنالعان سالتاناتتى جيىنعا قاتىستى

فوتو: Ақорда

استانا، baq.kz. مەملەكەت باسشىسى جيىنعا قاتىسۋشىلاردى جانە بارشا قازاقستان حالقىن ۇلتتىق مەرەكەمىز – تاۋەلسىزدىك كۇنىمەن قۇتتىقتادى.

قازاقستان پرەزيدەنتى تاۋەلسىزدىكتىڭ 27 جىلى ىشىندە مەملەكەتىمىز ٴوزىنىڭ دامۋ جولىندا زور جەتىستىكتەرگە جەتكەنىن اتاپ ٴوتتى.

ەلباسى ەگەمەن ەلىمىزدىڭ قۇرىلۋ تاريحىندا قازاقستاننىڭ جاس استاناسىنىڭ ماڭىزدى ٴرول اتقارعانىنا ايرىقشا توقتالدى.

– ەۋرازيانىڭ جۇرەگىندە ورنالاسقان جاڭا ەلوردا جاڭعىرعان قازاقستاننىڭ سيمۆولى سانالادى. بيىل استانامىزدىڭ 20 جىلدىعىن ەلىمىزدىڭ بارلىق وڭىرىمەن بىرگە جوعارى دەڭگەيدە اتاپ وتتىك، – دەدى نۇرسۇلتان نازاربايەۆ.

مەملەكەت باسشىسى قازاقستاندا جۇرگىزىلگەن اۋقىمدى نارىقتىق رەفورمالار ميلليوننان استام ازاماتتارىمىزدىڭ كاسىپكەرلىك قابىلەتتەرىن ەكونوميكاعا جۇمىلدىرۋعا جول اشقانىن ايتتى.

– ەكونوميكانى جۇيەلى يندۋستريالاندىرۋ وڭدەۋ ونەركاسىبىنىڭ ۇلەسىن ايتارلىقتاي ارتتىرۋعا سەپتىگىن تيگىزدى. بۇگىندە مۇنداعى ٴونىم كولەمى شامامەن 9،5 تريلليون تەڭگەنى قۇراپ وتىر، – دەدى قازاقستان پرەزيدەنتى.

سونداي-اق، ەلباسى كولىك-لوگيستيكا ينفراقۇرىلىمىنا تارتىلعان ينۆەستيسيانىڭ ارقاسىندا قازاقستان قۇرلىقتىق ماڭىزى بار ترانزيتتىك حابقا اينالعانىن اتاپ ٴوتتى.

سونىمەن قاتار، نۇرسۇلتان نازاربايەۆ تاۋەلسىزدىك جىلدارى تابىسى ەڭ تومەنگى كۇنكورىس دەڭگەيىنەن تومەن تۇرعىندار سانى 15 ەسە ازايىپ، ال ناقتى ەڭبەكاقى 4 ەسە ارتقانىن ايتتى.

– ەگەمەن قازاقستاننىڭ باستى جەتىستىكتەرىنىڭ ٴبىرى – حالقىمىزدىڭ سانى 18 ميلليوننان اسىپ، تۇرعىنداردىڭ ورتاشا ٴومىر ٴسۇرۋ ۇزاقتىعى 72،5 جاسقا جەتۋى. وسى ماڭىزدى جەڭىستەرىمىز بەن يگى ناتيجەلەرىمىز ٴبىز تاڭداعان باعىتتىڭ دۇرىس ەكەنىن راستاپ وتىر، – دەدى مەملەكەت باسشىسى.

قازاقستان پرەزيدەنتى 2018 جىلى ەلىمىزدىڭ سىرتقى ساياساتتا دا، جاڭعىرۋ باعدارلامالارىن ىسكە اسىرۋ اياسىندا دا قول جەتكىزگەن باستى جەتىستىكتەرىنە توقتالدى.

– ٴبىزدىڭ جاۋاپتى ٴارى سىندارلى سىرتقى ساياساتىمىز الەمدىك ارەناداعى ٴوز ورنىمىزدى ايتارلىقتاي نىقتاي تۇسۋگە مۇمكىندىك بەردى. قازاقستاننىڭ جەمىستى بىتىمگەرلىك قىزمەتى استاناداعى سيرياارالىق كەلىسسوزدەردىڭ ناتيجەلى بولۋىنا سەپتىگىن تيگىزدى، – دەدى ەلباسى.

سونداي-اق، نۇرسۇلتان نازاربايەۆ «استانا» حالىقارالىق قارجى ورتالىعىن، «استانا حاب» ٴىت-ستارتاپتاردىڭ حالىقارالىق تەحنوپاركىن جانە «جاسىل» تەحنولوگيالار مەن ينۆەستيسيالىق جوبالاردىڭ حالىقارالىق ورتالىعىن ىسكە قوسۋ جونىندەگى جۇمىستاردىڭ ناتيجەلەرىنە نازار اۋداردى.

– قوعامداعى بىرلىك پەن كەلىسىم ٴبىزدىڭ بارلىق جەتىستىگىمىزدىڭ باستاۋىندا تۇرعانىن ٴاردايىم ەستە ۇستاۋىمىز كەرەك. ەتنوسارالىق جانە كونفەسسياارالىق دامۋدىڭ قازاقستاندىق مودەلى بۇگىندە حالىقارالىق برەندكە اينالدى، – دەدى مەملەكەت باسشىسى.

قازاقستان پرەزيدەنتى ەلىمىزدەگى كەيىنگى باستامالاردىڭ ٴبارى تۇرعىندارىمىزدىڭ تۇرمىس ساپاسىن جاقسارتۋعا، قوعامدىق قاۋىپسىزدىكتى جوعارى دەڭگەيدە قامتاماسىز ەتۋگە جانە ٴال-اۋقاتىمىزدى ارتتىرۋعا باعىتتالعانىن اتاپ ٴوتتى.

– الەۋمەتتىك سالانى كەشەندى جاڭعىرتۋ – ٴبىزدىڭ ماڭىزدى باعىتىمىز. تاۋەلسىزدىك جىلدارى ميلليونعا جۋىق ازاماتىمىز باسپانالى بولدى. ٴبىز جۋىرداعى 5 جىل ىشىندە 70 ميلليون شارشى مەتردەن استام تۇرعىن ٴۇي سالامىز. بۇل شامامەن تاعى ەكى ميلليونعا جۋىق قازاقستاندىق باسپانالى بولادى دەگەن ٴسوز، – دەدى ەلباسى.

سوڭىندا نۇرسۇلتان نازاربايەۆ تاۋەلسىز ەل تۇرعىندارىنىڭ قازىرگى بۋىنى ۋاقىت تالابىنا ساي بولىپ، قازاقستانداعى ٴاربىر وتباسىنىڭ يگىلىگى مەن بەرەكەسىن نىعايتۋعا ۇلەس قوساتىنىنا سەنىم ٴبىلدىردى.

مەملەكەت باسشىسىنىڭ سويلەگەن ٴسوزىنىڭ تولىق ٴماتىنىن مىنا جەردەن وقي الاسىزدار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي