BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ ومىرگە شاعىمداناتىندارعا «ەڭبەك ەرىن» ۇلگى ەتتى

فوتو: Бауыржан Жуасбаев

استانا، baq.kz ٴتىلشىسى. بۇگىن اقوردادا قر پرەزيدەنتى نۇرسۇلتان نازاربايەۆ جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعىمەن «اقتوبە قالاسى سال اۋرۋىنا شالدىققان ازاماتتاردى قولداۋ ورتالىعى» قوعامدىق بىرلەستىگىنىڭ ٴتورايىمى قۇرالاي بايمەنوۆانى ماراپاتتادى.

«بارشاڭىزدى ەلىمىز ٴۇشىن ەڭ ماڭىزدى كۇن – تاۋەلسىزدىك كۇنىمەن قۇتتىقتاعىم كەلەدى. قوعامعا قوسقان ۇلەسىمدى جوعارى باعالاعانى ٴۇشىن وتانىما العىس ايتامىن. ٴاربىر قازاقستاندىق سەكىلدى مەن دە حالىقارالىق احۋالدىڭ سوڭىنان جۇرەمىن. وسىعان بايلانىستى بەيبىتشىلىك، تۇراقتىلىق ٴۇشىن، بالالاردى تاربيەلەي الاتىنىمىز ٴۇشىن جانە ەرتەڭگە سەنىممەن قاراي الاتىنىمىز ٴۇشىن نۇرسۇلتان ٴابىش ۇلى سىزگە ۇلكەن انالىق العىسىمدى ايتقىم كەلەدى. حالىقتىڭ الەۋمەتتىك حال-جايىن ارتتىرۋعا جۇمىس ىستەي بەەرمىن. كوپ راحمەت سىزگە!»، - دەدى قۇرالاي بايمەنوۆا.

نۇرسۇلتان نازاربايەۆ قوعامدىق بىرلەستىك ٴتورايىمىن قازاقستاندىقتارعا ۇلگى ەتىپ، «ومىرگە، قيىندىققا شاعىمداناتىندار، ۇيرەنىڭدەر» دەدى.

«تاعدىر تاۋقىمەتىن تارتقان قايسار قىز ٴبارىن جەڭىپ، ٴوز باسىنداعى ونەگەلى ومىرىمەن ەلگە ۇلگى بولدى. ٴوزىنىڭ مۇگەدەكتىگىنە قاراماي، كونبەي، جۇمىس ىستەپ، بۇگىندە ول كوپتەگەن جوبالاردى قولعا الىپ، مۇمكىندىگى شەكتەۋلى جاندارعا ۇنەمى قولداۋ كورسەتىپ كەلەدى. مەن ٴوزىم بارىپ كوردىم. ىستەگەن جۇمىستارىنىڭ بارلىعىنا تاڭقالۋعا بولادى»، - دەدى مەملەكەت باسشىسى.

ەسكە سالا كەتسەك، بۇگىن اقوردادا قر پرەزيدەنتى نۇرسۇلتان نازاربايەۆ 2018 جىلعى مەملەكەتتىك ناگرادالاردى تاپسىرعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي