BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەن سەكىلدى مۇعالىمدەر كوپ – «قازاقستاننىڭ ەڭبەك ەرى»

فوتو: Бауыржан Жуасбаев

استانا، baq.kz ٴتىلشىسى. بۇگىن اقوردادا قر پرەزيدەنتى نۇرسۇلتان نازاربايەۆ جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعىمەن شىمكەنت قالاسىنداعى «ا.س.پۋشكين اتىنداعى №1 مەكتەپ-گيمنازياسى» كمم ٴمۇعالىمى الينا سولوۆەۆانى ماراپاتتادى. پەداگوگ مەملەكەت باسشىسىنىڭ قولىنان «التىن جۇلدىز» بەن «وتان» وردەنىن الدى.

«ٴسىزدىڭ قولىڭىزدان وسى ناگرادانى الۋ مەن ٴۇشىن ۇلكەن قۇرمەت. «قازاقستاننىڭ ەڭبەك ەرى» بۇل ناگرادا ٴوز ٴىسىن ادال اتقاراتىن، ٴوز ەلىنە بەرىلگەن، تاربيە سالاسىنا بارىن بەرەتىن بارلىق پەداگوگتىڭ ناگراداسى دەپ سانايمىن. ٴسىزدىڭ قولداۋىڭىزدى سەزەمىز. ٴبىز مۇنى ٴبىلىم سالاسىنا بولگەن قارجىدان، نازارىڭىزدان بىلەمىز. جولداۋىڭىزدا «پەداگوگتار مارتەبەسى تۋرالى زاڭ ازىرلەۋدى» تاپسىردىڭىز. سىزگە شەكسىز ريزامىز. ٴبىزدى قاناتتاندىراسىز، شابىتتاندىراسىز. سوعان لايىق بولۋ ٴۇشىن ٴبىز ٴبارىن جاسايمىز»، - دەدى ۇستاز.

مەملەكەت باسشىسى «قازاقستاننىڭ ەڭبەك ەرىنە» بارلىق پەداگوگتى قاناتتاندىراتىنىن جەتكىزدى.

«ٴبىلىم سالاسىنا باستى نازار اۋدارىپ وتىرمىز. بۇل – ٴبىزدىڭ بولاشاعىمىز. ونسىز العا جىلجۋعا بولمايدى. ٴسىز سەكىلدى مۇعالىمدەر كوپ بولسا، ەلىمىز دە مىقتى بولادى»، - دەدى نۇرسۇلتان نازارابەۆ.

الينا سولوۆەۆا ٴوزى سەكىلدى مۇعالىمدەردىڭ كوپ ەكەنىن ايتتى.

ەسكە سالا كەتسەك، بۇگىن اقوردادا قر پرەزيدەنتى نۇرسۇلتان نازاربايەۆ 2018 جىلعى مەملەكەتتىك ناگرادالاردى تاپسىرعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي