BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كۇزەت قىزمەتكەرلەرى كونستيتۋسيا كۇنىن مەرەكەلەدى

قازاقستان رەسپۋبليكاسىنىڭ كونستيتۋسياسى كۇنىنە وراي ىشكى ىستەر ورگاندارى قىزمەتكەرلەرى اراسىندا سالاۋاتتى ٴومىر سالتىن قالىپتاستىرۋ جانە ولاردىڭ دەنە دايىندىعىنىڭ دەڭگەيىن ارتتىرۋ ماقساتىندا استانا قالاسى مامانداندىرىلعان كۇزەت قىزمەتى باسقارماسى 3-پوليسيا باتالونىنىڭ ۇيىمداستىرۋىمەن باسشى قۇرام اراسىندا ٴبىرشاما ٴىس-شارالار ٴوتتى، دەپ حابارلايدى baq.kz اقپارات اگەنتتىگى.

كۇزەت قىزمەتكەرلەرى فورماسىن فۋتبولكاعا اۋىستىردى

اۋەلى №76 مەكتەپتە كۇزەت قىزمەتكەرلەرى اراسىندا شاعىن فۋتبولدان جارىس ٴوتتى. جارىستىڭ اشىلۋ راسىمىندە مامانداندىرىلعان كۇزەت قىزمەتى باسقارماسىنىڭ باستىعى پوليسيا پولكوۆنيگى بەكەەۆ وڭال بوتاي ۇلى قۇتتىقتاۋ ٴسوز سويلەپ، سəتتىلىك تىلەدى.

تارتىستى وتكەن جارىستا جۇلدەلى 1-ورىندى جانە اۋىسپالى كۋبوكتى – استانا قالاسى مكقب-نىڭ كومانداسى جەڭىپ الدى.

جۇلدەلى 2-ورىندى 3-پوليسيا باتالونى كومانداسى ۇتسا، 3-ورىندى 1-پوليسيا باتالونى قۇراما كومانداسى يەلەندى.

2-پوليسيا باتالونى كومانداسى جارىسقا بەلسەندى قاتىسقانى ٴۇشىن ارنايى گروماتامەن ماراپاتتالدى.

سونداي-اق، جارىس ۇزدىكتەرى دە انىقتالدى. «ۇزدىك شابۋىلشى» بولىپ كازانوۆ اسقار، «ۇزدىك قورعاۋشى» قاراۋىلبەكوۆ ماديار، «ۇزدىك قاقپاشى» سəتيەۆ تانات، «ۇزدىك ويىنشى» وماروۆ ورالبەك دەپ تانىلىپ، ديپلوممەن جانە باعالى سىيلىقپەن ماراپاتتالدى.

سونىمەن قاتار استانا باسقارما باستىعىنىڭ ورىنباسارى پوليسيا مايورى ورالبەك ٴتاۋباقابىل ۇلى وماروۆ وتكىزىلگەن سپورتتىق ٴىس-شاراعا قولداۋ كورسەتىپ، ات سالىسقانى ٴۇشىن اتالمىش مەكتەكتەپتىڭ ديرەكتورى سافۋرا سەيدۋاليقىزىنا جəنە پوليسيا اعا لەيتەنانتى ومىربەك بەكمۇراتقا ديپلوم تابىستاپ، كوماندالار مەن جانكۇيەرلەرگە شەكسىز العىسىن ٴبىلدىردى.

كولىكتەرىن ۆەليكتەرگە اۋىستىرعان كۇزەت قىزمەتكەرلەرى

مۇنان سوڭ مامانداندىرىلعان كۇزەت قىزمەتى باسقارماسىنىڭ قىزمەتكەرلەرى استانالىق ترياتلون باعىندا 2-پوليسيا باتالونىنىڭ ۇيىمداستىرىلۋىمەن ۆەلوجاراسى وتكىزدى. العاش وتكىزىلىپ وتىرعان جارىستىڭ اشىلۋ سالتاناتىندا كۇزەت پوليسياسىنىڭ باستىعىنىڭ ورىنباسارى پوليسيا مايورى ورالبەك ٴتاۋباقابىل ۇلى قاتىسۋشىلارعا سəتتىلىك تىلەپ، اتا زاڭ مەرەكەسىمەن قۇتتىقتادى.

«بۇگىنگى ۆەلوجارىستىڭ ماقساتى- سالاۋاتتى ٴومىر سالتىن ناسيحاتتاۋ. ٴبىز وسى ىسىمىزبەن وزگەلەرگە ۇلگى كورسەتىپ، سپورتپەن شۇعىلدانۋدىڭ ماڭىزدىلىعىن ارتتىرامىز دەگەن سەنىمدەمىز. مىقتى دەنساۋلىق پەن دايىندىق ٴبىزدىڭ نەگىزگى جۇمىسىمىز»، - دەدى پوليسيا مايورى.

وتە قىزىقتى وتكەن جارىستا 40 جاستان جوعارى سانات بويىنشا 1000 مەتر قاشىقتىقتا 3-ورىندى بەگاليەۆ تابيعات، 2-ورىندى بوسكەەۆ رۋسلان، 1-ورىندى اسىلبايەۆ جاندوس يەلەندى.

40 جاسقا دەيىنگى سانات بويىنشا 2000 مەتر قاشىقتىقتا 3-ورىندى بەكسۇلتانوۆ سابيت، 2-ورىندى مۇرزاتبەك جاندوس، 1-ورىندى وماروۆ ورالبەك جەڭىپ الدى.

ال 30 جاسقا دەيىنگى سانات بويىنشا 3000 مەتر قاشىقتىقتا 3-ورىندى əكىمبەكوۆ دۋلات، 2-ورىندى پەردەبەك احات، 1-ورىندى احىنوۆ مۇحيتدينحان مىسە تۇتتى.

قىزدار اراسىندا 1000 مەتر قاشىقتىقتا 3-ورىندى احمەتوۆا كوركەم، 2-ورىندى ديۋسەبايەۆا جاميليا، 1-ورىندى احمەتوۆا اجار ەنشىلەدى.

جالپى كوماندالىق ەسەپتە 3-پب قۇراما كومانداسى 3-ورىنعا، 2-پب قۇراما كومانداسى 2-ورىنعا، باسقارما اپپاراتى كومانداسى 1-ورىنعا تابان تىرەدى.

كونستيتۋسيا كۇنى – ۇلىق مەرەكە

سايىس سوڭى استانا قالاسى مامانداندىرىلعان كۇزەت قىزمەتى باسقارماسىنىڭ ساپتىق الاڭىنداعى مەرەكەلىك سالتاناتتى جيىنعا جالعاستى. جيىن باراسىندا ىشكى ىستەر ورگاندارىنا جاڭادان قابىلدانعان جاس قىزمەتكەرلەردەن انت قابىلداۋ ٴراسىمى وتكىزىلدى. كۇزەت پوليسياسى باسقارماسىنىڭ باستىعى پوليسيا پولكوۆنيگى وڭال بوتاي ۇلى پوليسەيلەرگە سەرتكە بەرىك، انتقا ادال بولىپ، ناقتى قىزمەت ەتۋگە شاقىردى.

مەرەكەلىك شارادا پوليسەيلەرگە ديپلومدار مەن گروماتالار جانە العىس حاتتار سالتاناتتى تۇردە تابىستالدى. باسقارما باستىعى اتاۋلى كۇنمەن قۇتتىقتاي كەلە، بۇگىنگى تاڭدا قىزمەتكەرلەرگە قاي جاعىنان بولماسىن بارلىق جاعداي جاسالۋدا، ۇنەمى قولداۋ كورسەتىلىپ كەلەدى دەدى ٴوز سوزىندە. وسىنىڭ ٴبارى اتا زاڭنىڭ ارقاسى ەكەنىن اتاپ ايتتى. شارا سوڭىندا پوليسيا قىزمەتكەرلەرى سالتاناتتى شەرۋمەن ٴجۇرىپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي