BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوستانايداعى استانا تويى

فوتو: автор

قوستاناي جۇرتشىلىعى استانانىڭ تۋعان كۇنىن بارىنشا سان-سالتاناتىمەن تويلاۋدا. بۇگىن قالانىڭ بارلىق شاعىن اۋدانىندا مەرەكەلىك شارالار ۇيىمداستىرىلدى. ونىڭ سوڭى وبلىس ورتالىعىندا جەرگىلىكتى ونەر جۇلدىزدارىنىڭ باسىن بىرىكتىرگەن ۇلكەن كونسەرتكە ۇلاستى، دەپ حابارلايدى baq.kz اگەنتتىگىنىڭ قوستانايداعى ٴتىلشىسى.

توبىل وڭىرىندەگى استانا كۇنىنە ارنالعان مەرەكەلەردىڭ شەرۋى بيىل بىرنەشە كۇنگە سوزىلماق. ٴبىرىنشى كۇنگى مەيرامعا ارنالعان شارالاردىڭ شىمىلدىعىن سپورتتىق جارىستار اشتى.

«استانا قازىرگى تاڭدا ساۋلەتى مەن داۋلەتى تاسىعان كەرەمەت شاھارعا اينالدى. ونىڭ وسىناۋ بار بولعانى 19 جىلدىڭ ىشىندە الەم مويىنداعان ساۋلەتتى شاھارلاردىڭ قاتارىنا قوسىلۋىنا ەلباسىنىڭ دا سىڭىرگەن ەڭبەگى زور. ونىڭ ٴاربىر كىرپىشىندە سول كىسىنىڭ قولتاڭباسى جاتىر. كەزىندە الماتىدان باتپاقتىڭ ورتاسىندا جاتقان اقمولاعا ەل استاناسىن اۋىستىرامىز دەگەندە ۇرەيلەنە قاراعانداردىڭ وزدەرى بۇگىن سول ەلوردانىڭ كوشەسىن الشاڭداپ باسىپ جۇرگەنى جاسىرىن ەمەس. استانا وسى ۋاقىتقا دەيىن تالاي مارتە الەمدىك دارەجەدەگى ماڭىزدى باسقوسۋلار مەن شارالاردىڭ ۇيىتقىسى بولدى. سولاردىڭ جارقىن دالەلى رەتىندە ٴقازىر ٴوتىپ جاتقان «ەكسپو» كورمەسىن اتاۋعا بولادى»،– دەيدى قوستاناي قالاسىنىڭ تۇرعىنى باعداد احمەتبەكوۆ.

ال، مەرەكەنىڭ سوڭى 8 شىلدەدە قورىتىندىلانباق. سول كۇنى جاقىندا عانا ەل يگىلىگىنە بەرىلگەن «تاۋەلسىزدىكتىڭ 25 جىلدىعى» ساياباعىندا حالىقارالىق دارەجەدە «سابان توي» وتپەك. وعان تاتارستان رەسپۋبليكاسىنىڭ پرەزيدەنتى رۋستام ميننيحانوۆ، ٴبىر توپ بيزنەس وكىلدەرى قاتىسادى دەپ كۇتىلۋدە. سول ارادا وبلىس ەكونوميكاسىنا ينۆەستيسيا قۇياتىن بىرنەشە قۇجاتقا قول قويىلىپ قالۋى دا مۇمكىن.

جالپى «استانا كۇنىن» مەرەكەلەۋگە كەلگەن قوستانايلىقتاردىڭ جۇزدەرى جارقىن. كوڭىلدەرى كوتەرىڭكى. تىلەيتىن ٴبىر عانا تىلەكتەرى – ەلىمىزگە بەيبىتشىلىك پەن تاتۋلىق.

«مەن بۇگىن وسىناۋ مەرەكەگە وتباسىممەن ارنايى كەلدىم. بۇل مەيرام ٴبىزدىڭ جانۇيا ٴۇشىن ورنى بولەك. ال، استانا – ٴقازىر سان تاعدىردى توعىستىرعان سارىارقا توسىندەگى ناعىز ارمان قالا. ونىڭ جىلدان-جىلعا قارىشتاپ دامۋى ٴسىز بەن ٴبىزدىڭ كوز الدىمىزدا ٴوتىپ جاتىر. سوندىقتان، مەن ەلوردامىزدى الەمدەگى اتاعى جەر جاراتىن ساۋلەتتى شاھارلاردىڭ قاتارىنا جاتقىزامىن. بارشاڭىزدى وسىناۋ مەرەكەمەن شىن جۇرەكتەن قۇتتىقتايمىن»، – دەيدى قوستانايداعى مەيرامعا ارنايى كەلگەن سۆەتلانا كۋشەكبايەۆا.

سۋرەتتەر اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي