BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كونستيتۋسيا كۇنىنە وراي قازالى جانە سىرداريا اۋداندارىندا مەكتەپ پەن سپورت كەشەنى  اشىلدى

قازالى اۋدانىنىڭ ورتالىعىندا، ايتەكە بي كەنتىندە جاڭا وقۋ جىلىنىڭ قارساڭىندا 300 ورىندىق مەكتەپتىڭ اشىلۋى بولدى. مەكتەپ قۇرىلىسى وتكەن جىلى باستالعان. ەكى قاباتتى عيمارات ٴدارىسحانالار، جاتتىعۋ زالى، كىتاپحانا، كونفەرەنس زالى، اسحانا، قاجەتتى قوسالقى بولمەلەر مەن ينجەنەرلىك كوممۋنيكاسيالارمەن جابدىقتالعان، دەپ حابارلايدى baq.kz اقپارات اگەنتتىگى.

وبلىس اكىمىنىڭ ورىنباسارى سەرىك قوجانيازوۆ اۋىل تۇرعىندارىن كونستيتۋسيا كۇنىمەن جانە جاڭا وقۋ جىلىنىڭ باستالۋىمەن قۇتتىقتادى.

«وزدەرىڭىز بىلەتىندەي، مەملەكەت باسشىسى الدىمىزعا 2020 جىلعا دەيىن ورىندالۋى ٴتيىس باستى 3 مىندەت قويعان بولاتىن: ٴۇش اۋىسىمدىق، اپاتتىق مەكتەپتەردى جويۋ مەن 3-6 جاستاعى بۇلدىرشىندەردى بالاباقشامەن قامتۋ. الدىمەن، ٴۇش اۋىسىمدىق مەكتەپتەردى تۇبەگەيلى جويۋعا قول جەتكىزدىك. سودان سوڭ، وبلىس بويىنشا 3-6 جاس ارالىعىنداعى بۇلدىرشىندەردى مەكتەپكە دەيىنگى تاربيەمەن قامتاماسىز ەتۋدى مەرزىمىنەن بۇرىن 100 پايىزعا ورىندادىق. مۇندا مەملەكەتتىك-جەكەشىلىك ارىپتەستىكتى دامىتۋدىڭ ۇلەسى باسىم ەكەنىن ايتۋ قاجەت. سونداي-اق، 2016 جىلى ەكونوميكالىق كۇردەلى احۋالعا قاراماستان ٴبىز اپاتتىق جاعدايداعى مەكتەپتەر ماسەلەسىن شەشۋدى باسىمدىق رەتىندە ايقىندادىق»، - دەدى س.قوجانيازوۆ.

ايتا كەتەيىك، 5 جىل بۇرىن قازالى اۋدانىندا 9 اپاتتىق جاعدايداعى مەكتەپ بولدى. ٴقازىر ولاردىڭ ورنىنا جاڭا عيماراتتار سالىنعان. وتكەن جىلدىڭ وزىندە اۋداندا بەس ٴبىلىم ۇياسى پايدالانۋعا بەرىلدى.

سونىمەن قاتار، بۇگىن سىرداريا اۋدانى اقجارما اۋىلدىق وكرۋگىندە وبلىس اكىمىنىڭ ورىنباسارى رۋسلان رۇستەموۆتىڭ قاتىسۋىمەن 120 ورىندىق سپورت كەشەنىنىڭ اشىلۋى بولدى.

«وبلىستىڭ دەنە شىنىقتىرۋ جانە سپورت سالاسىنىڭ ماتەريالدىق-تەحنيكالىق بازاسى جىل سايىن نىعايىپ كەلەدى. سوڭعى جىلدارى وبلىستا 9 سپورت كەشەنى پايدالانۋعا بەرىلدى. سونداي-اق، بىلتىر وبلىستىق بيۋدجەتتەن 7 ەلدى مەكەندە سپورت كەشەندەرىنىڭ قۇرىلىسى باستالعان بولاتىن»، - دەدى وبلىس اكىمىنىڭ ورىنباسارى رۋسلان رۇستەموۆ.

ەسكە سالساق، مادەنيەت، تۇگىسكەن، اقجارما، ەڭبەكشى، جانقوجا باتىر اۋىلدارىندا جانە سەكسەۋىل مەن تورەتام ەلدىمەكەندەرىندەگى سپورت كەشەندەرىنىڭ قۇرىلىسى ٴجۇرىپ جاتىر، ونىڭ 6-ى ىسكە قوسىلدى.

ودان بولەك، قىزىلوردا وبلىسىندا 5 جىلدىڭ ىشىندە 200-گە جۋىق الەۋمەتتىك نىسان، ونىڭ ىشىندە 45 ٴبىلىم وشاعى، ونىڭ ٴ37-سى اپاتتىق مەكتەپتەردىڭ ورنىنا سالىنعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي