BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوكشەتاۋلىق ستۋدەنتتەر اسكەري ونەر كورسەتتى

فوتو: автордан

كوكشەتاۋداعى تاۋەلسiزدiك الاڭىندا وتان قورعاۋشىلار كۇنىنە ارنالعان سالتاناتتى شەرۋدە ستۋدەنتتەر دە اسكەري ونەر كورسەتتى، دەپ حابارلايدى baq.kz ايماقتاعى ٴتىلشىسى.

وتان قورعاۋشىلاردى قۇتتىقتاعان وبلىس اكىمىنىڭ ورىنباسارى اينا ٴمىسىرالىموۆا ولارعا كۇن سايىن اتقارىپ جاتقان قاجىرلى ەڭبەكتەرى ٴۇشىن العىسىن ٴبىلدىردى.

«ايشىقتى مەرەكەدە وتانىمىزدىڭ تىنىشتىعىن، مەملەكەتتىڭ، قوعامنىڭ، ٴاربىر قازاقستاندىقتاردىڭ قاۋىپسىزدىگىن قورعاپ جۇرگەن ەرلەرىمىز ۇلىقتالادى. قازىرگى كۇنى اسكەرىمىز جاڭارىپ، ونىڭ كۇش-قۋاتى جىلدان جىلعا نىعايىپ، ايماقتاعى تۇراقتىلىق كەپىلىنە اينالدى. بۇگىندە اتالارىمىز بەن اكەلەرىمىزدىڭ ەرلىك پەن باتىرلىققا ورىلگەن جولىن اقمولالىق جاۋىنگەر جاستارىمىز ابىرويمەن جالعاستىرۋدا. بەيبىت زاماندا وتان الدىنداعى اسكەري بورىشىن وتەپ جۇرگەن بارشا ازاماتتار مەن ولاردىڭ جاقىندارىنا زور دەنساۋلىق، باستاعان ٴاربىر ىستەرىڭىزگە ساتتىلىك، تاۋەلسىز ەلىمىزدىڭ كەمەل كەلەشەگى ٴۇشىن جاڭا تابىستارعا جەتۋلەرىڭىزگە تىلەكتەسپىن!»، – دەدى ول ٴوزىنىڭ قۇتتىقتاۋ سوزىندە.

بۇدان ٴارى سالتاناتتى مارش وينالىپ، ساپ تۇزەگەن اسكەريلەردىڭ شەرۋى باستالدى. اسكەري ساپ تۇزەۋگە وبلىستىق توتەنشە جاعدايلار دەپارتامەنتى، كوكشەتاۋ تەحنيكالىق ينستيتۋتىنىڭ كۋرسانتتارى، 5510-شى اسكەري بولىمشەسىنىڭ اسكەري قىزمەتكەرلەرى، ٴبىلىم بەرۋ ۇيىمدارىنىڭ اسكەري-پاتريوتتىق كلۋبى، اباي مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ اسكەري كافەدراسىندا دايىندىق كۋرسىن ٴوتىپ جۇرگەن قازاقستان اسكەرىنىڭ بولاشاق وفيسەرلەرى قاتىستى.

«سايدىڭ تاسىنداي ىرىكتەلگەن ساردارلار مەن ساربازداردىڭ بىر-بىرىمەن يىق تىرەستىرە اتتاعان ادىمدارىنان اسكەري ٴومىردىڭ قانشالىقتى تەمىردەي ٴتارتىپتى قاجەت ەتەتىندىگى اڭعارىلادى. جانايدار مۋسين اتىنداعى كوكشەتاۋ جوعارى پەداگوگيكالىق كوللەدجىنىڭ «توميريس» رۋحاني-پاتريوتتىق جانە «ايبىن» اسكەري-پاتريوتتىق كلۋبتارىنىڭ، كوكشەتاۋ قالاسىنىڭ جوعارى كوللەدجى، كراسنىي يارداعى №3 اگروتەحنيكالىق كوللەدجى، كوكشەتاۋ قالاسىنىڭ №1 سەرۆيستىك-تەحنيكالىق كوللەدجى ستۋدەنتتەرىنىڭ كورسەتىلىمدەرى جۇرتشىلىقتىڭ كوڭىلىنەن شىقتى»، - دەيدى «ايبىن» كلۋبىنىڭ جەتەكشىسى، لەيتەنانت ورىنبەك ساعيدوللا.

شارا بارىسىندا ٴبىر توپ اسكەري قىزمەتكەرگە وبلىس اكىمىنىڭ العىس حاتتارى سالتاناتتى جاعدايدا تابىس ەتىلدى. بۇل كۇنگى ونەر ۇجىمدارىنىڭ دايىنداعان مەرەكەلىك ٴان شاشۋى دا تەمىردەي تارتىپكە كوندىگىپ، ەلى مەن جەرىنىڭ تىنىشتىعىن كۇزەتىپ جۇرگەن وتان قورعاۋشىلارىمىزدىڭ قۇرمەتىنە ارنالدى.

«شەرۋدىڭ اسەرلى دە ادەمى تۇستارى كوپ بولدى.قولدارىنا كوك تۋدى ۇستاعان جەتكىنشەكتەر ەلىمىزدىڭ بولاشاعى جارقىن ەكەنىن جان-جۇرەگىمەن سەزگەندەي بولدى. اسىرەسە الاڭدا ٴانۇراندى قوسىلا شىرقاعانى كىم-كىمدى دە ادەمى اسەرگە بولەگەنى انىق»، - دەپ ٴوز ويىمەن ٴبولىستى قالا تۇرعىنى ەربول قۇسايىنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي