BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق ديپلوماتتارعا مەملەكەتتىك ناگرادالار تابىستالدى

استانا، baq.kz. سىرتقى ىستەر مينيسترلىگىندە قازاقستان رەسپۋبليكاسىنىڭ تاۋەلسىزدىك كۇنىن مەرەكەلەۋ ٴراسىمى ٴوتتى.

«الەمنىڭ كەيبىر ايماقتارىنداعى وقيعالاردى باقىلاۋدا ٴبىز ەلىمىزدىڭ تاۋەلسىزدىگىن ودان ٴارى باعالاپ، قاۋىپسىزدىكتى نىعايتۋعا جانە وتانىمىزدىڭ وركەندەۋىنە قولايلى جاعداي تۋعىزۋعا بار كۇش-جىگەرىمىزدى جۇمساۋىمىز قاجەت»، - دەدى ٴوز سوزىندە سىرتقى ىستەر ٴمينيسترى قايرات ٴابدىراحمانوۆ.

سىرتقى ىستەر ٴمينيسترى پرەزيدەنت نۇرسۇلتان نازاربايەۆتىڭ ەگەمەن جانە تاۋەلسىز قازاقستاندى قۇرۋداعى ايرىقشا رولىنە ەرەكشە نازار اۋدارىپ، ەلباسىنىڭ دانا جانە كورەگەن ساياساتىنىڭ ارقاسىندا ٴبىزدىڭ ەلىمىزدىڭ تابىستارى الەمنىڭ بارلىق جەرلەرىندە بەلگىلى.

«بيىل ەلىمىزدىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە جۇمىسىنىڭ ەكى جىلدىق كەزەڭى اياقتالادى. بۇل ٴسوزسىز پرەزيدەنت ن.نازاربايەۆتىڭ باسشىلىعىمەن تاۋەلسىز قازاقستاندىق ديپلوماتيانىڭ جەتىستىگى بولىپ تابىلادى»، - دەدى مينيستر. ونىڭ ايتۋىنشا، قازاقستاننىڭ بۇۇ قاۋىپسىزدىك كەڭەسىنە مۇشە بولۋىنىڭ ەكى جىلدىق كەزەڭىندە مەملەكەت باسشىسىنىڭ، بىرىنشىدەن ورتالىق ازيا ايماعىندا تۇراقتىلىق پەن قاۋىپسىزدىكتى نىعايتۋعا، حالىقارالىق لاڭكەستىككە قارسى، قارۋسىزدانۋ مەن يادرولىق قارۋدى تاراتپاۋعا باعىتتالعان بەيبىتشىل باستامالارىن ىلگەرىلەتۋگە ٴبىزدىڭ ەل قول جەتكىزدى.

ٴوتىپ بارا جاتقان جىل ەلىمىزدە وتكىزىلەتىن ٴتۇرلى حالىقارالىق ٴىس-شارالارعا تولى بولدى. تاريحي اقتاۋ ٴسامميتىنىڭ ٴوتۋى ەرەكشە اتاپ ٴوتىلدى. ونىڭ ناتيجەسىندە كاسپيي تەڭىزىنىڭ قۇقىقتىق مارتەبەسى تۋرالى كونۆەنسيا جاسالىپ، بۇل سۋ رەزەرۆۋارىن بىرەگەي مارتەبەسىن بەيبىتشىلىك پەن ٴوزارا ٴتيىمدى ىنتىماقتاستىق ايماعى رەتىندە بىرىكتىردى.

مينيستر سونداي-اق ورتالىق ازيا ليدەرلەرىنىڭ العاشقى كونسۋلتاتيۆتى كەزدەسۋىن، سيريا جونىندە استانا پروسەسىنىڭ جالعاسۋىن، «استانا» حالىقارالىق قارجى ورتالىعىنىڭ ىسكە قوسىلۋىن، الەمدىك جانە ٴداستۇرلى دىندەر ليدەرلەرىنىڭ سەزىن، ۇجىمدىق قاۋىپسىزدىك تۋرالى شارت ۇيىمى جانە تمد سامميتتەرىن، استانا ەكونوميكالىق فورۋمىن جانە باسقا دا ەلەۋلى حالىقارالىق ٴىس-شارالاردىڭ وتكىزىلۋىن اتاپ ٴوتتى.

ق. ٴابدىراحمانوۆ سىرتقى ىستەر مينيسترلىگىنىڭ ۇجىمىنا ەلدىڭ سىرتقى ساياساتىنىڭ باسىمدىقتارىن جۇزەگە اسىرۋعا قوسقان ۇلەسى ٴۇشىن العىسىن ٴبىلدىردى.

مەملەكەت باسشىسى نۇرسۇلتان نازاربايەۆتىڭ جارلىعىمەن قازاقستان ديپلوماتياسىنىڭ ٴبىرقاتار ارداگەرلەرى مەن قىزمەتكەرلەرى مەملەكەتتىك ناگرادالارمەن ماراپاتتالدى: «پاراسات» وردەنىمەن - ٴسىم ەرەكشە تاپسىرمالار جونىندەگى ەلشىسى ايىمدوس بوزجىگىتوۆ جانە قر ديپلوماتيالىق قىزمەتىنىڭ ارداگەرى ٴمادينا جاربوسىنوۆا; ٴىى دارەجەلى «دوستىق» وردەنىمەن - ٴسىم ەرەكشە تاپسىرمالار جونىندەگى ەلشىسى الماز حامزايەۆ جانە قر ديپلوماتيالىق قىزمەتىنىڭ ارداگەرلەرى اقمارال ارىستانبەكوۆا جانە قايرات ابۋسەيىتوۆ; «قۇرمەت» وردەنىمەن - ٴسىم جاۋاپتى حاتشىسى ەرمەك كوشەربايەۆ، قازاقستاننىڭ گەرمانياداعى ەلشىسى بولات ٴنۇسىپوۆ، قر ديپلوماتيالىق قىزمەتىنىڭ ارداگەرى قايرات يساعاليەۆ جانە ٴسىم جالپىازيالىق ىنتىماقتاستىق دەپارتامەنتى ديرەكتورىنىڭ ورىنباسارى رۋسلان احمەت ماراپاتتالدى.

سونىمەن قاتار، مينيسترلىكتىڭ ٴبىرقاتار قىزمەتكەرلەرى «ەرەن ەڭبەگى ٴۇشىن» مەن «استانا 20 جىل» مەدالدارىمەن جانە قازاقستان رەسپۋبليكاسىنىڭ قۇرمەت گراموتاسىمەن ماراپاتتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي