BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان استاناسىنىڭ اۋىسقانىنا – 20 جىل

وسىدان تۋرا 20 جىل بۇرىن 1997 جىلدىڭ 10 جەلتوقسانى كۇنى سول كەزدەگى اقمولا قالاسى رەسمي تۇردە ەلىمىزدىڭ ەلورداسى اتاندى. تاريحقا ٴسال شەگىنىس جاساساق، استانامىزدى الماتىدان سارىارقا تورىنە كوشىرۋ تۋرالى سىندارلى شەشىمدى 1994 جىلدىڭ 6 شىلدەسىندە قازاقستان رەسپۋبليكاسىنىڭ جوعارعى كەڭەسى قابىلداعان بولاتىن.

سول ٴبىر كۇنى پارلامەنتتىڭ سەسسياسىندا دەپۋتاتتار الدىندا ٴسوز سويلەگەن ەلباسى نۇرسۇلتان نازاربايەۆ استانامىزدى الماتىدان رەسپۋبليكانىڭ ورتالىق ٴوڭىرى اقمولاعا كوشىرۋدىڭ قيسىندىلىعىن اتاپ ٴوتىپ، ەلوردانى تاڭداۋ 32 ولشەم بويىنشا جۇرگىزىلگەنىن تاپتىشتەپ دالەلدەپ بەرگەن ەدى. وسىدان كەيىن دەپۋتاتتار اراسىندا وتكەن تارتىستى پىكىرتالاستان كەيىن حالىق قالاۋلىلارى مەملەكەتتىك ىستە جانە شەتكەرى قالاعا كوشۋ ماسەلەسىندە جەكە باستىڭ مۇددەسىنە ورىن جوق ەكەندىگىن جەتە ٴتۇسىنىپ، قايراتكەرلىك تانىتا ٴبىلدى. ناتيجەسىندە جوعارعى كەڭەستىڭ «قازاقستان رەسپۋبليكاسىنىڭ پرەزيدەنتى ن.ٴا.نازاربايەۆتىڭ مەملەكەت استاناسىن اقمولا قالاسىنا اۋىستىرۋ تۋرالى ۇسىنىسىنا كەلىسىم بەرىلسىن» دەگەن شەشىمى قابىلداندى. وسىلايشا ەلىمىزدىڭ ەگەمەن تاريحىنداعى ايتۋلى وقيعا جۇزەگە اسىرىلدى. ال اراعا ەكى جىل سالىپ 1996 جىلدىڭ 6 شىلدەسىندە قازاقستان ۇكىمەتى «قازاقستان رەسپۋبليكاسىنىڭ استاناسىن كوشىرۋ تۋرالى» تاريحي قاۋلى قابىلدادى. ٴبىر جىلدان كەيىن 1997 جىلدىڭ 20 قازانىندا قر پرەزيدەنتىنىڭ «اقمولا قالاسىن قازاقستان رەسپۋبليكاسىنىڭ استاناسى دەپ جاريالاۋ تۋرالى» اسا ماڭىزدى جارلىعى جارىق كوردى. وسى قۇجاتقا سايكەس اقمولا قازاقستاننىڭ استاناسى قۇقىعىن 1997 جىلدىڭ 10 جەلتوقسانىنان باستاپ يەلەندى جانە جاڭا استانانىڭ رەسمي تۇساۋكەسەر تويى 1998 جىلدىڭ 10 ماۋسىمىنا بەلگىلەندى. 1997 جىلعى 8 قاراشادا اقمولانىڭ ورتالىعىندا جاڭا استاناعا باستى مەملەكەتتىك سيمۆولداردىڭ جەتكىزىلۋى سالتاناتتى جاعدايدا ٴوتتى. وسى كۇندەرى جاڭا استاناعا پرەزيدەنت اكىمشىلىگى، ۇكىمەت، جەتەكشى مينيسترلىكتەر مەن ۆەدومستۆولار قىزمەتكەرلەرىنىڭ العاشقى توبى دا كەلدى. بۇل جايىندا ەلباسى نۇرسۇلتان نازاربايەۆ ٴوزىنىڭ «ەۋرازيا جۇرەگىندەگى» دەگەن كىتابىندا: «مەن اقمولاعا كەتىپ بارا جاتقان پرەزيدەنت اكىمشىلىگىنىڭ قىزمەتكەرلەرىنە اق جول تىلەدىم. ٴوز سوزىمدە استانانى كوشىرۋدىڭ ٴبىر ماڭىزدى قىرىنا توقتالدىم. استانانىڭ قونىس اۋدارۋىنا بايلانىستى ٴىس جۇزىندە بيلىكتىڭ ٴوزىن رەفورمالاۋدىڭ جاڭا كەزەڭى باستالدى. جاڭا ەلوردادا مەملەكەتتىك قىزمەتشىلەردىڭ تىڭ تولقىنىن قالىپتاستىراتىن بولامىز. بۇل جۇمىستى ورتالىق مەملەكەتتىك ورگاندار قىزمەتكەرلەرىنەن باستايمىز. باستاپقى كەزدە قيىنشىلىق بولمايتىنىنا كەپىلدىك بەرە المايتىنىمدى ايتتىم»، - دەپ جازعان ەدى. 1997 جىلدىڭ 10 جەلتوقسانىندا قر پرەزيدەنتى، ۇكىمەت پەن پارلامەنتتىڭ باسشىلارى قازاقستان استاناسى تۋرالى ەل حالقىنا ۇندەۋگە قول قويىپ، ول باسپاسوزدە جاريالاندى. وندا بايتاق ەلدىڭ ورتالىعىندا وسى كۇننەن باستاپ جانە عاسىرلار بويى حالىق تاعدىرى ٴۇشىن تۇبەگەيلى ماڭىزدى شەشىمدەر قابىلداناتىنى ايتىلدى. سونداي-اق ٴدال وسى كۇنى مەملەكەت باسشىسى نۇرسۇلتان نازاربايەۆ قالا اكىمى قىزمەتىنە ادىلبەك جاقسىبەكوۆتى تاعايىندادى. بۇگىندە استانا حالىقارالىق ماڭىزى بار ٴتۇرلى فورۋمدار، كونگرەستەر مەن وزگە دە ٴىس-شارالار وتەتىن ەۋرازيا كەڭىستىگىنىڭ ورتالىعىنا اينالدى. ەلوردادا الەمدىك جانە ٴداستۇرلى دىندەر ليدەرلەرىنىڭ سەزدەرى، استانا ەكونوميكالىق فورۋمى جانە وزگە دە ماڭىزدى حالىقارالىق وقيعالار تۇراقتى تۇردە ٴوتىپ كەلەدى. استانادا ەقىۇ-نىڭ تاريحي ٴسامميتى، شىۇ مەن يىۇ-نىڭ مەرەيتويلىق سامميتتەرى بولدى. 2011 جىلدىڭ باسىندا رەسپۋبليكانىڭ ەلورداسى vii قىسقى ازيا ويىندارىنىڭ قاتىسۋشىلارى مەن قوناقتارىن قابىلدادى. ال بيىل «eحرو-2017» حالىقارالىق كورمەسىن جوعارى دەڭگەيدە ۇيىمداستىردى. قازىرگى ۋاقىتتا 1 ميلليون تۇرعىنى بار ەلوردا «الماتى»، «سارىارقا» جانە «ەسىل» اۋدانىنان تۇرادى. 1999 جىلى يۋنەسكو شەشىمىمەن «الەم قالاسى» اتاعىن السا، 2000 جىلدان باستاپ استانالار مەن ٴىرى قالالاردىڭ حالىقارالىق اسسامبلەياسىنىڭ مۇشەسى سانالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي