BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلجان ٴبىرتانوۆ جاڭا جىلدى قالاي قارسى الاتىنىن ايتتى ەكسكليۋزيۆ

استانا، baq.kz ٴتىلشىسى. قر دەنساۋلىق ساقتاۋ ٴمينيسترى ەلجان ٴبىرتانوۆ 2019 جىلدى قالاي قارسى الاتىنىن ايتىپ بەردى.

«جاڭا جىلدا ٴبىز ۇيدە بولامىز. بۇنىڭ سەبەبى، ٴبىرىنشى قاڭتاردان باستاپ مەديسينالىق قىزمەت، دارى-دارمەكپەن قامتاماسىز ەتۋ، ٴبارىن باقىلاۋ ٴۇشىن ٴبىز ەلدە بولامىز. ەلدە، ٴوز ۇيىمدە، بالالارىممەن قارسى الامىن»، - دەدى ٴبىرتانوۆ ۇكىمەت كۋلۋارىندا بەرگەن سۇحباتىندا.

مينيستر دەنساۋلىق ساقتاۋ مينيسترلىگى جاڭاجىلدىق كەش ۇيىمداستىراتىنىن دا ايتتى.

«مەن ەلدەگى بارشا ارىپتەستەرىمدى – دارىگەرلەردى، ٴتۇرلى دەڭگەيدەگى مەديسينالىق قىزمەتكەرلەردى، مەدبيكەلەردى، زەرتحاناشىلاردى، اكىمشىلىك بولىمدەردە جۇمىس ىستەيتىن قىزمەتكەرلەردى، ياعني قارجىگەرلەر، ٴىت ماماندار مەن زاڭگەرلەردى كەلە جاتقان جاڭا جىلمەن قۇتتىقتاعىم كەلەدى. سەبەبى بۇل مامانداردىڭ بىرلەسكەن جۇمىسى ٴار ادامنىڭ كۇندەلىكتى پروبلەمالارىن شەشۋگە باعىتتالعان. ٴقازىر ادامداردى مەديسينالىق قىزمەتتەردىڭ ساپاسى مەن قولجەتىمدىلىگى مازالايتىنى راس. ادام ەمحانا نە اۋرۋحاناعا كەلىپ، ساپالى قىزمەت العىسى كەلەدى. سوندىقتان مەن ٴوز ارىپتەستەرىمە ٴوز ىسىنە دەگەن ىقىلاس پەن تاباندىلىقتى تىلەيمىن. ٴار مەديسينالىق قىزمەتكەردىڭ مىندەتى جانە ارمانى – پاسيەنتتى ساپالى تۇردە ەمدەۋ. باسقا مىندەت جوق. ال بۇعان مەديسينالىق قىزمەتكەردىڭ جەتۋ جولى، كۇردەلى شەشىمدەردى قابىلداۋى، ٴتۇرلى جاعدايلاردا جۇمىس ىستەۋى - باسقا ماسەلە. بۇنى ادامدار ٴاردايىم دۇرىس ٴتۇسىنىپ، دۇرىس باعالاي بەرمەيدى. ارينە، وسىنداي جاعدايدا قانداي دا ٴبىر تۇسىنىسپەۋشىلىك، جانجالدار بولادى. ٴبىز بارلىعىمىز ٴبىر ماقسات ٴۇشىن – ازاماتتارىمىزدىڭ، بالالارىمىزدىڭ، قارتتارىمىزدىڭ دەنساۋلىعى ٴۇشىن جۇمىس ىستەيمىز. مەن ٴوز ارىپتەستەرىمە شىدامدىلىق، تاباندىلىق پەن ارينە مىقتى دەنساۋلىق تىلەيمىن. وزدەرىن، دەنساۋلىقتارىن ۇمىتىپ كەتپەسىن»، - دەپ تىلەدى ەلجان ٴبىرتانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي