BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسىنىڭ ەل كورمەگەن ٴمۇسىنى

فوتو: автор

قاراعاندى، baq.kz ٴتىلشىسى. قازاقستاننىڭ تۇڭعىش پرەزيدەنتى ن.نازاربايەۆتىڭ قۇرمەتىنە تۇرعىزىلعان ەسكەرتكىشتەر، مۇسىندەر مەن مونۋمەنتتەر ەلىمىزدە از ەمەس. وسىنداي ساۋلەت تۋىندىلارىنىڭ ٴبىرى قاراعاندى مەملەكەتتىك تەحنيكالىق ۋنيۆەرسيتەتىندەگى ەلباسى مۇراجايىندا تۇر.

ٴمۇسىنشى، قازاقستاننىڭ ەڭبەك سىڭىرگەن قايراتكەرى اناتوليي بيلىك ٴومىرىنىڭ سوڭعى جىلدارىندا پرەزيدەنت نۇرسۇلتان نازاربايەۆتىڭ ٴمۇسىنىن جاساۋعا كىرىسكەن. الايدا شەبەر ەلباسىنىڭ قۇرمەتىنە جاساعان تۋىندىسىن اياقتاي الماعان. ول 2015 جىلى 87 جاسىندا ومىردەن ٴوتتى. اناتوليي بيلىكتىڭ وتباسى شەبەردىڭ قولىنان شىققان تۋىندىنى قاراعاندى مەملەكەتتىك تەحنيكالىق ۋنيۆەرسيتەتىندەگى ەلباسى مۇراجايىنا سىيعا تارتقان ەكەن. تۇڭعىش پرەزيدەنت ٴبىلىم العان ۋنيۆەرسيتەتتىڭ تورىندە تۇرعان نۇرسۇلتان ٴابىش ۇلىنىڭ ەسكەرتكىشىنىڭ بيىكتىگى 1،5 مەتر، ەلباسى قولىنا «استانانىڭ اتىن اۋىستىرۋ جايلى» قاۋلىنى ۇستاپ تۇر.

فوتو: اۆتور

«جەرلەسىمىز، اتاقتى ٴمۇسىنشى اناتوليي بيلىك ٴۇش جىل بۇرىن ومىردەن ٴوتتى. ونىڭ ۇلى شەبەرحانانى رەتكە كەلتىرە ٴجۇرىپ، اكەسىنىڭ قولىنان شىققان ن.نازاربايەۆتىڭ ٴمۇسىنىن ٴبىزدىڭ مۇراجايعا سىيلادى. شەبەر بۇل جۇمىسىن ەشكىمگە كورسەتپەگەن، ونى ٴتىپتى اياقتاپ تا ۇلگەرمەگەن. اناتوليي پەتروۆيچتىڭ تۋىندىسى ٴبىزدىڭ مۇراجايدان لايىقتى ورنىن تاپتى دەپ ويلايمىن»، - دەيدى مۇراجايدىڭ مەڭگەرۋشىسى دامەش جاساروۆا.

مۇراجاي قىزمەتكەرىنىڭ ايتۋىنشا، پرەزيدەنتتىڭ ٴمۇسىنى كەلۋشىلەردىڭ نازارىن بىردەن وزىنە اۋدارتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي