BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ەلباسى بىزگە باسپانا كىلتىمەن قاتار باقىتتىڭ كىلتىن ۇسىندى»

2015 جىلى قازان ايىندا سىر وڭىرىنە جۇمىس ساپارىمەن كەلگەن ەلباسى ن.نازاربايەۆ تا اۋەجايدان تۇسە سالا، اراي-2 مولتەك اۋدانىنداعى پايدالانۋعا بەرىلگەلى تۇرعان جاڭا كوپقاباتتى تۇرعىن ۇيلەرگە بارىپ، قونىس يەلەرىنىڭ قۋانىشىمەن بولىسكەن بولاتىن. وسى اسەرلى ٴسات شالحار دەمەس ۇلىنىڭ وتباسى تاريحىندا التىن ارىپتەرمەن جازىلىپ قالدى. سەبەبى، ەلباسى جاس وتباسىنىڭ جاڭا پاتەرىندە بولىپ، داستارحانىنان ٴدام تاتتى، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

شالحار دەمەس ۇلىنىڭ ەسىنەن سول ٴبىر قۋانىشتى كۇن ەش كەتپەيدى.

«قاشان ٴوز پاتەرىمىز بولادى ەكەن» دەپ ارمانداپ جۇرگەندە، مەملەكەت باسشىسىنىڭ «بيۋدجەت قىزمەتكەرلەرى، ونىڭ ىشىندە مۇعالىمدەر مەن دارىگەرلەر باسپانا جاعدايىمەن قيىنشىلىق كورمەيدى» دەگەن ٴسوزى ٴبىزدىڭ ٴۇمىت وتىمىزدى جاقتى. سول ۇمىتپەن ارمانىمىزعا قول جەتكىزدىك. ەڭ قۋانىشتىسى، ەلباسى ٴبىزدىڭ ۇيدە قوناقتا بولدى. بۇل كۇن – ٴبىز ٴۇشىن، وتباسىمىز ٴۇشىن قۋانىشتى دا باقىتتى كۇن. وسى ٴساتتى ەشقاشان ۇمىتپايمىن. جولداسىم ەكەۋمىز ٴبىلىم سالاسىندا قىزمەت ەتەمىز. سول كەزدە ۇستازدار وتباسى ٴۇش بالا تاربيەلەپ وتىر ەدىك جانە ٴتورتىنشىسىن كۇتىپ جۇرگەنبىز. ون جىل بويى ٴۇي كەزەگىن كۇتىپ، پاتەردەن-پاتەر جالداپ، قيىن كۇن كەشىپ جۇرگەن ٴبىز ٴبىر عاجايىپ ٴتۇس كورگەندەي بولدىق. ەلباسى بىزگە باسپانا كىلتىمەن قاتار باقىتتىڭ كىلتىن ۇسىنعانداي. سابيلەرىمنىڭ باسىنان سيپاپ، اق تىلەگىن ارنادى»، – دەپ اعىنان جارىلدى شالحار دەمەس ۇلى.

شالحاردىڭ جارى ايزادا بۇرحانوۆا «ەڭ باستىسى – بالالارىمىز دا، ٴبىز دە ەلباسىنىڭ باتاسىن الدىق» دەيدى اعىنان جارىلىپ.

«ٴوز ٴۇيىم، كەڭ سارايداي بوز ٴۇيىم» دەمەكشى، ٴوز باسپاناڭ بولعانعا نە جەتسىن. ٴۇش بولمەلى پاتەرىمىز ۇنادى. مىنە، ەكى جىلداي بولىپ قالدى وسىندا تۇرىپ جاتقانىمىزعا. ەندى ٴبىز وزىمىزدەي جاستاردىڭ مەملەكەتتىك باعدارلامالاردى پايدالانىپ، باسپاناعا يە بولۋىن تىلەيمىز»، – دەيدى ايزادا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي