BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى كۇنىنە وراي وتكەن ەرەكشە شارا

وڭتۇستىك قازاقستان وبلىسىنىڭ ورتالىعى شىمكەنت قالاسىنداعى «قازاقستان حالقى اسسامبلەياسى» عيماراتىندا تۇڭعىش پرەزيدەنتى كۇنىنە ارنالعان 1000 ادامنىڭ قاتىسۋىمەن مەرەكەلىك ٴىس-شارا ۇيىمداستىرىلدى، دەپ حابارلايدى baq.kz اقپارات اگەنتتىگى.

شاراعا قاتىسقان وبلىس اكىمى جانسەيىت تۇيمەبايەۆ «قازاقستان حالقى اسسامبلەياسى» عيماراتىنىڭ فويەسىندە ۇيىمداستىرىلعان «ەلباسى جولداۋى جىلناماسى» اتتى فوتو جانە كىتاپ كورمەسىن ارالاپ كوردى.

مۇنان سوڭ ٴوڭىر باسشىسى نازاربايەۆ زياتكەرلىك مەكتەبىنىڭ شاكىرتتەرى ۇيىمداستىرعان «ٴبىز ەلباسىمەن بىرگەمىز» اتتى فلەشموبىن تاماشالادى.

سالتاناتتى جيىن «قازاقستان رەسپۋبليكاسىنىڭ تۇڭعىش پرەزيدەنتى كۇنى» اتتى ارنايى دايىندالعان بەينەباياننىڭ كورسەتىلىمىمەن باستالدى. ٴوز كەزەگىندە ٴسوز العان ٴوڭىر باسشىسى جينالعانداردى اتاۋلى مەرەكەمەن قۇتتىقتاپ، 16 ازاماتتى العىس حاتپەن مارپاتتادى.

«سىزدەردى 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنىمەن شىن جۇرەكتەن قۇتتىقتايمىن! بۇل بارشا قازاقستاندىقتار ٴۇشىن شىن مانىندەگى جالپى حالىقتىق مەرەكەگە اينالعان كۇن. بۇگىن پرەزيدەنتىمىزدىڭ ابىرويلى سىرتقى ساياساتىنىڭ ناتيجەسىندە تاۋەلسىز قازاقستان 70-تەن استام حالىقارالىق، ايماقتىق جانە ۆەدومستۆوارالىق ۇيىمدارعا مۇشە بولىپ وتىر. سەنىممەن تاپسىرىلعان ٴىرى حالىقارالىق ۇيىمداردىڭ ٴتوراعالىعىن اتقىرىپ، ماڭىزدى ٴىس-شارالاردى ۇلكەن دەڭگەيدە جۇزەگە اسىرۋدا» - دەدى جانسەيىت قانسەيىت ۇلى.

بۇگىندە وبلىس حالقى بىرلىك پەن ىنتىماقتىڭ، ۇلتارالىق جانە ۇلتىشىلىك تاتۋلىقتىڭ ارقاسىندا تۇڭعىش پرەزيدەنتىمىزدىڭ «قازاقستان - 2050» ستراتەگياسىنىڭ، «100 ناقتى قادام» ۇلت جوسپارىنىڭ تالاپتارى مەن مىندەتتەرىن ورىنداۋدا ناقتىلى تابىستارعا قول جەتكىزۋدە.

ەلباسىمىزدىڭ «رۋحاني جاڭعىرۋ»، ياعني قوعامدىق سانانى جاڭعىرتۋ مىندەتتەرىن جۇزەگە اسىرۋعا وڭتۇستىكقازاقستاندىقتار دا ٴوز ۇلەستەرىن قوسۋدا. بۇگىنگى كۇنگە كاسىپكەرلەر مەن دەمەۋشىلەر تاراپىنان جالپى 30 ملرد. 350 ملن. تەڭگەنى قۇرايتىن 529 وڭىرلىك جوبا قولعا الىندى.

سالتاناتتى جيىن بارىسىندا «شاتتىق»، «شامسينۇر» بي انسامبلدەرى «رۋحاني جاڭعىرۋ» حورەوگرافيالىق كومپوزيسياسىن ورىندادى. ش.قالداياقوۆ اتىنداعى وبلىستىق فيلارمونيا انشىلەرى «ەلباسى – ەلدىڭ تۇتقاسى»، ەلباسىنىڭ ٴسۇيىپ تىڭدايتىن اندەرىنەن پوپۋري ورىنداپ، كورەرمەندەرگە ەرەكشە كوڭىل كۇي سىيلادى.

جيىن بارىسىندا ۇلت ليدەرى ن.ٴا.نازاربايەۆتىڭ «بالالىق شاعىمنىڭ اسپانى» اتتى فيلمىنەن ٴۇزىندى كورسەتىلدى. ال ارىس قالاسىنداعى اسكەري گارنيزونىنىڭ حور ۇجىمى «نۇر اعا» ٴانىن ورىندادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي