BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن تاۋەلسىز قازاقستاننىڭ ۇلتتىق ۆاليۋتاسى – تەڭگە كۇنى

بۇگىن تاۋەلسىز قازاقستاننىڭ ازاتتىعىنىڭ ٴبىر ايعاعى بولار ۇلتتىق ۆاليۋتامىز – تەڭگە كۇنى. سونىمەن قاتار قر قارجى سالاسى قىزمەتكەرلەرىنىڭ كاسىبي مەرەكەسى، دەپ حابارلايدى baq.kz اقپارات اگەنتتىگى.

تاۋەلسىزدىگىن العان ازات قازاقستان 1992 جىلدىڭ 27 تامىزى كۇنى ۇلتتىق بانك تەڭگە كۋپيۋراسىنىڭ ۇلگىلەرىن بەكىتتى. سودان كەيىن قازاق ۆاليۋتاسىن ومىرگە كەلتىرگەن سۋرەتشىلەر تيمۋر سۇلەيمەنوۆ، مەڭدىباي الين، اعىمسالى دۇزەلحانوۆ، قايروللا ابجالەلوۆتەر انگلياعا اتتاندى.

1992 جىلى تەڭگە ديزاينىنداعى پورترەتتەر بەكىتىلدى. تەڭگە ۇلىبريتانيادا باسىلىپ شىقتى.

1993 جىلدىڭ 12 قاراشاسى كۇنى ەلباسى نۇرسۇلتان نازاربايەۆ «قازاقستان رەسپۋبليكاسىندا ۇلتتىق ۆاليۋتا ەنگىزۋ تۋرالى» جارلىققا قول قويدى.

1993 جىلدىڭ 15 قاراشاسىندا تاۋەلسىز قازاقستان رەسپۋبليكاسىنىڭ ٴتول ۆاليۋتاسى اينالىمعا ەندى.

ەسكى اقشانى قازاقستاندىق تەڭگەگە ايىرباستاۋ 1993 جىلى 15 قاراشادا ساعات 8.00-دە باستالىپ، 20 قاراشادا ساعات 20.00-دە اياقتالدى. ۇلتتىق بانك باستاپقىدا 1 تەڭگەنى سول كەزدەگى مىڭ رۋبلگە باعالاعان بولاتىن. دەگەنمەن، ەلىمىزدىڭ ساياسي، الەۋمەتتىك ماسەلەلەرى جانە مەملەكەتارالىق قاتىناستار ەسكەرىلىپ 1 تەڭگە 500 سومعا بەكىتىلدى.

تەڭگە ٴبىرىنشى اينالىمعا كىرگەن كۇنى 1 دوللار 4،75 تەڭگە بولىپ بەكىتىلدى.

1994 جىلى قاعاز تيىنداردىڭ ورنىنا جەزدەن جاسالىنعان 2،5،10، 20 جانە 50 نومينالدى مونەتالار شىقتى. ۇلتتىق ۆاليۋتا بانكنوت جانە مونەتا تۇرىندە اينالىسقا ەنگىزىلدى.

ٴقازىر بانكنوت - ۇلتتىق بانكتىڭ الماتى قالاسىنداعى بانكنوت فابريكاسىندا، ال مونەتا - وسكەمەندەگى تەڭگە سارايىندا شىعارىلادى.

مەملەكەت باسشىسىنىڭ جارلىعىمەن 1997 جىلدان بەرى 15 قاراشا ٴتول ۆاليۋتامىزدىڭ تۋعان كۇنى ٴارى قارجىگەرلەر كۇنى بولىپ بەلگىلەندى. 2006 جىلى 15 قاراشادا جاڭا ۇلگىدەگى بانكنوتتار اينالىسقا ەنگىزىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي