BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن — قر تۇڭعىش پرەزيدەنتى كۇنى

فوتو: Бауыржан Жуасбаев

استانا، baq.kz. بۇگىن قازاقستان رەسپۋبليكاسىنىڭ تۇڭعىش پرەزيدەنتى كۇنى. قازاقستاندىقتار بۇل مەرەكەنى بيىل التىنشى رەت اتاپ وتەدى. بۇدان التى جىل بۇرىن ەل پارلامەنتى تاۋەلسىز قازاقستان تاريحىندا 1991 جىلى 1 جەلتوقساندا وتكەن العاشقى پرەزيدەنت سايلاۋىنا بايلانىستى وسىنداي شەشىم قابىلداعان بولاتىن.

2011 جىلعى 14 جەلتوقساندا مەملەكەت باسشىسى «قازاقستان رەسپۋبليكاسىنداعى مەرەكەلەر تۋرالى» قازاقستان رەسپۋبليكاسىنىڭ زاڭىنا تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى. وندا 1 جەلتوقساندا اتالىپ وتىلەتىن جاڭا مەملەكەتتىك مەرەكە - قازاقستان رەسپۋبليكاسىنىڭ تۇڭعىش پرەزيدەنتى كۇنىن بەلگىلەگەن بولاتىن.

1991 جىلعى 1 جەلتوقساندا بۇكىلحالىقتىق سايلاۋ ناتيجەسىندە ەلىمىز ٴوزىنىڭ تۇڭعىش پرەزيدەنتىن سايلادى جانە وسى كۇننەن تاۋەلسىزدىك تاريحى باستالدى.

قازاقستان مەملەكەتتىلىگىنىڭ نەگىزىن قالاۋشى - ەلىمىزدىڭ تۇڭعىش پرەزيدەنتى ن. ٴا. نازاربايەۆ حالىقتى جارقىن ىستەرگە جۇمىلدىرۋ، قوعامداعى تاتۋلىق پەن كەلىسىمدى نىعايتۋ، بۇكىل حالىقارالىق قوعامداستىقتىڭ ريزاشىلىعى مەن قۇرمەتىنە يە بولعان جاھاندىق جانە وڭىرلىك بەيبىت باستامالاردىڭ اۆتورى رەتىندە ەلدىڭ سىرتقى ساياسي باعىتىن ٴدال ايقىنداۋ ىسىنە وراسان زور ۇلەس قوستى. مەملەكەت باسشىسىنىڭ جان-جاقتى سارالانعان ىشكى جانە سىرتقى ساياساتىنىڭ ارقاسىندا ەلىمىز ساياسي جانە الەۋمەتتىك-ەكونوميكالىق سىلكىنىستەرگە ۇشىراماي، دەربەس دامۋدىڭ وتپەلى كەزەڭىندەگى قيىندىقتار مەن سىناقتاردى ەڭسەرىپ، ىلگەرىلەۋ مەن وركەندەۋ جولىنا شىقتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي