BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەلگىلى تەلەجۇرگىزۋشىلەر حالىق كوپ جينالعان جەرلەردەن تىكەلەي ەفيرگە شىقتى

استانا كۇنى مەرەكەسىنە وراي «قازاقستان» ۇلتتىق ارناسىنىڭ ەڭ تانىمال جۇرگىزۋشىلەرى قىمبات دوسجان، دانيار مەڭىلبەك، نۇرلان قويانبايەۆ، دانا نۇرجىگىت، نارتاي ارالباي ۇلى، لəيلə سۇلتانقىزى، اينۇر ومار حالىقپەن بىرگە مەرەكەلىك شارالارعا قاتىسىپ، تىكەلەي ەفيرگە شىقتى، دەپ حابارلايدى baq.kz.

«قازاقستان» تەلەارناسىنىڭ كوشپەلى ستۋديالارى استانانىڭ كورىكتى جەرلەرىنەن ەفيرگە شىقتى. اتاپ وتەتىن جايت، بەلگىلى جۇرگىزۋشىلەر حالىق كوپ جينالعان ٴتۇرلى جەرلەردەن تىكەلەي ەفيرگە قوسىلۋدى وتاندىق ارنالاردىڭ ىشىندە «قازاقستان» العاشقى بولىپ جاسادى. ۇلتتىق ارنا وسى ارقىلى قازاقستاندىق تەلەجۋرناليستيكانى live فورماتىندا جۇمىس ىستەۋ پراكتيكاسىن ٴجيى قولدانۋعا ترەند قالىپتاستىرۋى مۇمكىن. ەڭ ماڭىزدى تۇسى، وسىنداي قىزىقتى ٴارى كرەاتيۆتى تەحنولوگيالاردى پايدالانۋعا 24 ساعات بويى تەك قازاق تىلىندە اقپارات تاراتاتىن ۇلتتىق ارنا باستاماشى بولدى. بۇل جالپى قازاق ٴتىلدى تەلەجۋرناليستيكاسىنىڭ ساپاسىنىڭ وسكەنىن كورسەتسە كەرەك. تەلەديدار مەن الەۋمەتتىك جەلى باسەكەلەستىككە تۇسكەن زاماندا، الەۋمەتتىك جەلىلەردەگى تىكەلەي ەفيرلەردەن قالىس قالۋعا بولماس. تىكەلەي ەفيرگە شىعۋ تەلەارنانى شىندايدى، دەڭگەيىن كوتەرىپ، جۋرناليستەردى قامشىلاپ وتىرادى. «قازاقستان» ۇلتتىق ارناسى الداعى ۋاقىتتا، وسىنداي اۋقىمدى شارالاردى تىكەلەي ەفير ارقىلى كورسەتۋدى قالىپتى جاعدايعا اينالدىراتىن سياقتى.

«قازاقستان» رترك باسقارما ٴتوراعاسى ەرلان قارين ٴوزىنىڭ فەيسبۋكتەگى رەسمي پاراقشاسىندا ارىپتەستەرىنىڭ جۇمىسىنا وسىنداي باعا بەردى.

«مەنىڭ ارىپتەستەرىم جارادى! بۇگىن تاعى دا كاسىبي شەبەرلىكتەرىنىڭ جوعارعى دارەجەدە ەكەنىن كورسەتتى. بۇگىنگى دەمالىسقا قاراماي، مەرەكە كۇندەرىن قيىپ، جۇمىسىنا ادالدىعىن تانىتقان ۇلتتىق ارنانىڭ جۇرگىزۋشىلەرى مەن جۋرناليستەرى، وپەراتورلارى، تەحنيكالىق قىزمەتكەرلەرى ارنايى حالىقپەن بىرگە مەرەكەلىك شارالارعا قاتىسىپ، تىكەلەي ەفيرگە كۇنى بويى شىعىپ وتىردى. ارىپتەستەرىمدى بۇگىنگى مەرەكەمەن، تاماشا اتقارىلعان جۇمىسپەن قۇتتىقتاپ، شىن جۇرەكتەن العىس ايتقىم كەلەدى!»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي