BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باۋىرجان بايبەك: كونستيتۋسيا الەۋەتىن ٴتيىمدى پايدالانۋدىڭ باستى جولى – سانانى جاڭعىرتۋ

كونستيتۋسيا الەۋەتىن ٴتيىمدى پايدالانۋدىڭ باستى جولى – سانانى جاڭعىرتۋ. الماتى اكىمى باۋىرجان بايبەك اباي اتىنداعى مەملەكەتتىك وپەرا جانە بالەت تەاترىندا كونستيتۋسيا كۇنىنە ارنالعان سالتاناتتى جيىندا وسىلاي دەدى. شاراعا قالا جۇرتشىلىعى، ٴماسليحات دەپۋتاتتارى، ەتنومادەني بىرلەستىكتەردىڭ وكىلدەرى قاتىستى، دەپ حابارلايدى baq.kz اقپارات اگەنتتىگى.

باۋىرجان بايبەك كونستيتۋسيا مەملەكەتتىڭ نەگىزىن نىعايتقانىن، ەكونوميكالىق نارىقتى دامىتۋ ٴۇشىن بارلىق جاعدايلاردى جاساعانىن، «ورتا تاپتىڭ» پايدا بولۋىنا ىقپال ەتكەنىن، ەڭ باستىسى اتا زاڭىمىزدىڭ ارقاسىندا كوپ ەتنيكالى، كوپ كونفەسسيونالدى مەملەكەتىمىزدە تۇراقتىلىقتىڭ سالتانات قۇرعانىن اتاپ ٴوتتى.

«پرەزيدەنتىمىزدىڭ ساليقالى ساياساتى ارقاسىندا ەلىمىز تاۋەلسىزدىك العاننان بەرى بىرلىكتى تۋ ەتىپ، ازاماتتىق سايكەستىك نەگىزىندە ٴبىرتۇتاس ۇلتتى قالىپتاستىردى. وزدەرىڭىز بىلەسىزدەر، ەلباسىنىڭ بەس ينستيتۋسيونالدى رەفورماسىن كەڭىنەن تالقىلاۋ بارىسىندا كونستيتۋسياعا اۋقىمدى وزگەرىستەر ەنگىزىلدى. ال بۇل زاڭنىڭ مۇلتىكسىز ورىندالۋىن قامتاماسىز ەتۋ ٴۇشىن جۇيەلى شارالار قابىلداۋعا، ازاماتتارعا نەگىزدەلگەن مەملەكەتتىك اپپاراتتى قالىپتاستىرۋعا، مەملەكەتتىك ماڭىزدى شەشىمدەردى قابىلداۋعا ازاماتتىق قوعامنىڭ بەلسەندى تۇردە قاتىسۋىنا جانە ٴتيىمدى باقىلاۋدى جۇزەگە اسىرۋعا مۇمكىندىك بەرەدى. اتقارۋشى ورگانداردىڭ جانە ساياسي پارتيالاردىڭ جاۋاپكەرشىلىگىن ارتتىردى. رەفورمانىڭ تۇپكى ماقساتى – قاراپايىم قازاقستاندىقتاردىڭ ٴومىرىن تۇبەگەيلى جاقسارتۋ»، - دەپ اتاپ ٴوتتى باۋىرجان بايبەك.

الماتى اكىمى ساياسي جانە ەكونوميكالىق قايتا قۇرۋدىڭ جانە كونستيتۋسيا الەۋەتىن ٴتيىمدى پايدالانۋدىڭ باستى جولى – سانانى جاڭعىرتۋ ەكەنىن قاداپ ايتتى. ەلباسى ٴوزىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا: «وسىلايشا، ٴبىز قايتا تۇلەۋدىڭ ايرىقشا ماڭىزدى ەكى پروسەسى - ساياسي رەفورما مەن ەكونوميكالىق جاڭعىرۋدى قولعا الدىق. ٴبىزدىڭ ماقساتىمىز ايقىن، باعىتىمىز بەلگىلى» دەگەن بولاتىن.

قالا اكىمى قىسقا ۋاقىتتىڭ ىشىندە الماتىنىڭ قۋاتتى قارجى ورتالىعىنا اينالعانىن، بيزنەستىڭ جەدەل دامىعانىن، اۋقىمدى جۇمىس ورىندارىنىڭ اشىلعانىن، قالا تۇرعىندارىنىڭ تۇرمىس جاعدايلارىنىڭ جاسقارعانىن ايتتى. وسىنىڭ بارلىعىنا مەملەكەت باسشىسىنىڭ 20 جىل بۇرىن باس قالانى استاناعا كوشىرۋ جونىندەگى شەشىمى وڭ ىقپال ەتتى. حالىقارالىق تاجىريبە مىقتى ساياسي ورتالىق پەن ليبەرالدى قالانى ۇيلەستىرۋ الدىڭعى قاتارلى مەملەكەتتەردىڭ تۇراقتى دامۋىنا اسەر ەتەتىنىن كورسەتتى.

«قارجى جانە ەكونوميكالىق ماگنيت رەتىندە الماتى ەلىمىزدىڭ ساياسي ورتالىعى استانانى تولىقتىرا تۇسۋدە. استانانى كوشىرۋ كەزىندە ەلباسى «الماتى مەملەكەتىمىزدىڭ ٴىرى قارجى-ەكونوميكالىق، عىلىمي، الەۋمەتتىك- مادەني ورتالىعى بولىپ قالا بەرەدى جانە ٴوزىنىڭ تارتىمدىلىق ماڭىزىن ەشقاشان جويمايدى» دەگەن بولاتىن. ٴبىز بۇگىن ەلباسى شەشىمىنىڭ ومىرشەڭدىگىن كورىپ وتىرمىز. مىسالى، الماتى ەلىمىز ەكونوميكاسىنىڭ بەستەن ٴبىرىن، سالىق جانە سالىقتىق ەمەس ٴتۇسىمنىڭ ۇشتەن ٴبىرىن بەرۋدە، بارلىق ساۋدا وپەراسيالارىنىڭ 40%-دان استامىن، جۇمىسپەن قامتۋدىڭ 15%- ىن قامتاماسىز ەتۋدە»، - دەدى بايبەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي