BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاۋەلسىزدىك كۇنى قارساڭىندا 116 ەڭبەك وزاتى ماراپاتتالدى

فوتو: Нұржас Жақсыбай

استانا، baq.kz ٴتىلشىسى. ٴقازىر ەلوردادا «اۋىل» حالىقارالىق دەموكراتيالىق پاتريوتتىق پارتياسىنىڭ ۇيىمداستىرۋىمەن ەڭبەك وزاتتارىنىڭ ٴىىى فورۋمى ٴوتىپ جاتىر.

ەلىمىزدىڭ باستى مەرەكەسى تاۋەلسىزدىك كۇنىنە ورايلاستىرىلعان فورۋمعا اۋىل ەڭبەككەرلەرى، پارتيا بەلسەندىلەرى جانە قوعام ٴومىرىنىڭ ٴار سالاسىندا ۇزاق جىل قىزمەت ەتكەن ازامات قاتىسىپ جاتىر.

ەڭبەك ادامدارىنىڭ قوعام ومىرىنە ۇلەس بولىپ قوسىلعان ونەگەلى قىزمەتتەرى مەن تاعىلىمدى تاجىريبەلەرى ارىپتەستەرى مەن جاس بۋىن ٴۇشىن ٴارقاشان ۇلگى. «اۋىل» پارتياسى ەلباسى ن.ٴا. نازاربايەۆتىڭ «ەلىمىزدى ىلگەرى جەتەلەۋشى كۇش – ەڭبەك ادامى» دەگەن قاعيدالى ۇستانىمدا قولداۋ كورسەتىپ، قاجىرلى ەڭبەگىمەن ەل دامۋىنا سۇبەلى ۇلەس قوسقان كاسىپ يەلەرىن سالتاناتتى جيىندا مەملەكەتتىك جانە ۆەدومستۆولىق ناگرادالارمەن ماراپاتتادى.

«اۋىل» حالىقتىق-دەموكراتيالىق پارتياسىنىڭ ٴتوراعاسى ٴالي بەكتايەۆ بۇگىنگى جيىننىڭ ماڭىزىن اتاپ ٴوتتى.

«بۇل فورۋم سوڭعى ٴۇش جىلدا داستۇرگە اينالدى. بۇگىنگى ماراپاتتىڭ مەرەكە قارساڭىندا ٴوتۋىنىڭ ساياسي-الەۋمەتتىك ٴمانى وتە جوعارى. سەبەبى، ٴبىزدىڭ ەڭبەك وزاتتارى تاۋەلسىز قازاقستانعا سىڭىرگەن ەڭبەگىن سەزىنۋ كەرەك دەپ ەسەپتەيمىن. قازاقستاننىڭ بارلىق ايماعىنداعى پارتيا بەلسەندىلەرى باس قوسىپ وسى شاراعا قاتىستى. ونىڭ ىشىندە اۋىل شارۋاشىلىعىنىڭ ۇجىمى عانا ەمەس، اۋىلداعى ەكونوميكا، ٴبىلىم جانە دەنساۋلىق سالاسىنداعى بەلسەندى مۇشەلەرى دە كەلدى. ولار ٴوز تاجىريبيەسىمەن ٴبولىسىپ، ەڭبەكتەرىنە ساي باعالاندى. بۇگىن 100-دەن استاپ ەڭبەك وزاتتارى ماراپاتتالىپ، جاسالعان جۇمىستارى اتاپ ٴوتىلدى. ەلباسىمىزعا ەرەكشە العىس ايتقىم كەلەدى. سەبەبى ول كىسى ەڭبەكتە كوزگە تۇسكەن ازاماتتاردى ماراپاتتاپ، كوتەرىپ ەلگە تانىتىپ جاتقىنى ٴبىزدى قۋانتادى»، - دەدى ول.

«اۋىل» xالىقتىق-دەموكراتيالىق پاتريوتتىق پارتياسىنىڭ 2 مۇشەسى قۇرمەت وردەنىمەن ماراپاتتالدى.

قازاقستان رەسپۋبليكاسى پرەزيدەنتىنىڭ جارلىعىمەن مەملەكتتىك جانە قوعامدىق قىزمەتكە سىڭىرگەن ەڭبەگى جانە الەۋمەتتىك-ەكونوميكالىق، مادەني دامۋىنا ۇلەس قوسقانى ٴۇشىن «اۋىل» پارتياسىنىڭ ٴتوراعاسىنىڭ ورىنباسارى الماتى قالاسى سىدىقوۆ تولەگەن جانە «اۋىل» پارتياسىنىڭ بەلدى مۇشەسى، قوستاناي قالاسى ازيمۋت جشس ديرەكتورى ۆالەنتين حودۋنوۆيچ قۇرمەت وردەنىمەن ماراپاتتالدى.

اتالمىش فورۋم «اۋىل» پارتياسىنىڭ باستاماسىمەن بيىل ٴۇشىنشى رەت ۇيىمداستىرىلدى. العاش ەكى جىلدا 200-دەن استام ادام ماراپاتتالسا، بيىلعى فورۋمدا 116 ەڭبەك وزاتىنا ناگرادالار تابىستالادى.

فوتو/ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي