BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋدا «ەلباسى جولى» ٴفيلمىنىڭ كورسەتىلىمى بولدى

استانا، baq.kz. قۇرمانعازى اتىنداعى مادەنيەت ۇيىندە وتكەن كينوفيلم كورسەتىلىمىن 200-گە جۋىق كورەرمەن تاماشالادى. بۇل تۋرالى اتىراۋ وبلىسىنىڭ وڭىرلىك كوممۋنيكاسيالار قىزمەتى حابارلادى.

كورەرمەندەر ٴفيلمدى كورگەننەن كەيىن اسەرلەرىمەن ٴبولىستى.

«سول كەزدەگى تاريحي جاعداي، ەلباسىنىڭ استانا اۋىسقان كەزدەگى باستى باعدارى قانداي بولدى، قانداي قيىندىقتار كەزدەستى، سونىڭ ٴبارىن فيلمنەن كوردىك. استانا – xx، xxi عاسىرلارداعى سالىنعان الەمدەگى بىرەگەي استانا، ادەمى دە جايلى قالا. فيلم ارقىلى ەلوردانىڭ قالاي سالىنىپ، قالىپتاسقانىنا كۋا بولدىق»، - دەيدى اتىراۋ قالاسىنىڭ تۇرعىنى مايرا تاۋكەەۆا.

ٴفيلمنىڭ العاشقى كورسەتىلىمىنە قاتىسقان اتىراۋ وبلىسىنىڭ اكىمى نۇرلان نوعايەۆ اسەرىمەن ٴبولىستى.

«بۇل فيلمدە جاڭا استانا سالىنعان كەزدەگى بارلىق قيىنشىلىقتار، وسى جولداعى ەلباسىمىزدىڭ قول جەتكىزگەن تابىستارى جايلى ايتىلادى. مەن كينوفيلمنەن كەرەمەت اسەر الدىم، ونىڭ ٴبارىن سوزبەن جەتكىزۋ مۇمكىن ەمەس. مەملەكەت باسشىسىنىڭ استانانى اۋىستىرۋ تۋرالى شەشىمى الىستى بولجاعان وتە اقىلدى قادام بولدى، بۇگىنگى استانا الەم استانالارى اراسىندا ەڭ ادەمى، قازىرگى زامانعى ەلوردا رەتىندە بەلگىلى. باس قالاداعى ساۋلەتتى عيماراتتاردى اتىراۋدا دا سالۋ جوسپاردا بار. بارشاڭىزعا ۋاقىت تاۋىپ وسى كورسەتىلىمگە كەلگەندەرىڭىز ٴۇشىن العىس ايتامىن، فيلم وتە قىزىقتى بولدى»، - دەدى وبلىس اكىمى نۇرلان نوعايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي