BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانانىڭ 20 جىلدىعىنىڭ ۇزدىك لوگوتيپىنە بايگە جاريالاندى

2017 جىلدىڭ 7 قاراشاسىندا قازاقستان رەسپۋبليكاسىنىڭ ەلورداسى – استانا قالاسىنىڭ 20 جىلدىعىنا وراي، ۇزدىك برەندبۋك (brandbook) كونكۋرسى بويىنشا ٴباسپاسوز ٴماجىلىسى وتەدى، دەپ حابارلايدى baq.kz اقپارات اگەنتتىگى.

قازاقستان رەسپۋبليكاسىنىڭ ەلورداسى – استانا قالاسىنىڭ 20 جىلدىعىن دايىنداۋ جانە وتكىزۋ جونىندە شتابتىڭ وتىرىسىندا كونكۋرستى وتكىزۋ تۋرالى ٴبىرقاتار ۇسىنىستار قاراستىرىلىپ، 2017 جىلدىڭ 6 قاراشاسى مەن 27 قاراشا ارالىعىندا 22 كۇنتىزبەلىك كۇنگە سوزىلاتىن كونكۋرس جاريالاۋ تۋرالى ورتاق پىكىر قابىلداندى. كونكۋرسقا وتىنىمدەر جەكە جانە زاڭدى تۇلعالاردان قابىلداناتىن بولادى (شىعارماشىلىق توپتار، جارناما اگەنتتىكتەرى مەن فيرمالار، سۋرەتشىلەر، ساۋلەتشىلەر، جوبالىق ۇيىمدار، اۆتورلىق ۇجىمدار).

سونىمەن قاتار، ۇزدىك برەندبۋكتى (brandbook) تاڭدايتىن ساراپتاۋ كوميسسياسى (بۇدان ٴارى – كوميسسيا) قۇرىلدى.

كونكۋرستىڭ ماقساتى – قازاقستان رەسپۋبليكاسىنىڭ ەلورداسى – استانا قالاسىنىڭ 20 جىلدىعىنا وراي تاريحي-مادەني ساباقتاستىقتى، سونىمەن قاتار رەسپۋبليكا استاناسىنىڭ بولاشاق دامۋىنىڭ تەندەنسيالارىن ەسكەرەتىن، قالا ٴيميدجىنىڭ جاڭارۋىنا جانە ونىڭ وزىندىك ەرەكشەلىكتەرىنىڭ بەكۋىنە اسەرىن تيگىزەتىن، برەند-بۋك، لوگوتيپ پەن ۇران جاساۋ بويىنشا جاقسى كونسەپتۋالدى جوبالاردى انىقتاۋ.

ۇزدىك دەپ تانىلعان لوگوتيپ پەن ۇران قازاقستان رەسپۋبليكاسىنىڭ ەلورداسى – استانا قالاسىنىڭ 20 جىلدىعىن اتاپ ٴوتۋ، اقپاراتتىق سەبەپتى قالىپتاستىرۋعا باعىتتالعان جارنامالىق، ماركەتينگتىك جانە باسقا دا شارالاردا ٴارى قالانىڭ مادەني، تۋريستىك جانە الەۋمەتتىك پوتەنسيالىن جاقسارتۋعا پايدالانىلادى.

كونكۋرستىڭ قورىتىندىسى بويىنشا كوميسسيا ۇزدىك برەنبۋكتى تاڭداپ، جەڭىمپازعا 8 000 000 (سەگىز ميلليون) تەڭگە تابىستايدى.

بايقاۋ ەرەجەسىمەن مىنا جەردە تانىسۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي