BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانانىڭ 20 جىلدىعىنا ارنالعان ۇزدىك برەندبۋك اتانۋعا سەگىز جوبا ٴۇمىتتى

استانانىڭ جيىرما جىلدىعىنا ارنالعان ۇزدىك برەندبۋكتى انىقتاۋ بايقاۋىنا ٴوتىنىم قابىلداۋ اياقتالدى. ناتيجەسىندە ۇزدىك 8 لوگوتيپ جوباسى ىرىكتەلدى، دەپ حابارلايدى baq.kz اقپارات اگەنتتىگى ەلوردا اكىمدىگىنىڭ مەديا ورتالىعىنا سىلتەمە جاساپ.

«بايقاۋعا ەلوردا مەن ەلىمىزدىڭ باسقا ايماقتارىندا جۇمىس ىستەپ جاتقان زاڭدى جانە جەكە تۇلعالاردان 61 ٴوتىنىم (150-دەن استام جۇمىس) كەلىپ ٴتۇستى. قاتىسۋشىلار اراسىندا مەكتەپ وقۋشىلارى مەن الەمنىڭ بەدەلدى ۋنيۆەرسيتەتتەرىنىڭ تۇلەكتەرى – ديزاينەرلەر بار. جاستاردىڭ ازاماتتىق ۇستانىمدارىن كورسەتۋتە بەلسەندىلىك تانىتقانى قۋانتادى»، — دەدى استانا قالاسىنىڭ ىشكى ساياسات باسقارماسىنىڭ باسشىسى جانە ۇزدىك برەندبۋكتى انىقتاۋ كوميسسياسى ٴتوراعاسىنىڭ ورىنباسارى ەرلان كاناليموۆ.

بايقاۋدىڭ يدەولوگيالىق ماڭىزىن ەسكەرە وتىرىپ، ۇيىمداستىرۋشىلار جۇمىس توبىنىڭ ٴانونويمدى داۋىس بەرۋى ٴۇشىن ارنايى پاراقشالار ازىرلەدى. جوبا اۆتورلارىنا ٴوز جۇمىستارىن تانىستىرۋ مۇمكىندىگى بەرىلدى. جۇمىس توبىنىڭ داۋىس بەرۋ ناتيجەسىندە بايقاۋدىڭ ۇزدىك 8 جۇمىسى ىرىكتەلدى.

ايتا كەتەيىك، ۇزدىك برەندبۋك بايقاۋىنا وتىنىمدەر 6-27 قاراشا ارالىعىندا قابىلداندى. ەلوردانىڭ 20 جىلدىق مەرەكەسىنە ارنالعان لوگوتيپتى انىقتاۋ بايقاۋىن استانا قالاسىنىڭ ىشكى ساياسات باسقارماسى وتكىزدى.

ۇزدىك دەپ تانىلعان لوگوتيپ پەن ۇران قازاقستان رەسپۋبليكاسىنىڭ ەلورداسى – استانا قالاسىنىڭ 20 جىلدىعىن اتاپ ٴوتۋ، اقپاراتتىق سەبەپتى قالىپتاستىرۋعا باعىتتالعان جارنامالىق، ماركەتينگتىك جانە باسقا دا شارالاردا ٴارى قالانىڭ مادەني، تۋريستىك جانە الەۋمەتتىك پوتەنسيالىن جاقسارتۋعا پايدالانىلادى.

كونكۋرستىڭ قورىتىندىسى بويىنشا كوميسسيا ۇزدىك برەنبۋكتى تاڭداپ، جەڭىمپازعا 8 000 000 (سەگىز ميلليون) تەڭگە تابىستايدى.
ەسكە سالا كەتسەك، وسىعان دەيىن استانانىڭ 20 جىلدىعىنا وراي ۇزدىك لوگوتيپىنە بايگە جاريالانعانىن حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي