BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «توعىز جولدىڭ تورابىنداعى استانا» اتتى فوتو-قۇجاتتىق كورمە اشىلدى

استانانىڭ 20 جىلدىعىنا وراي مەملەكەتتىك ارحيۆتە «توعىز جولدىڭ تورابىنداعى استانا» اتتى فوتو-دەرەكتى كورمە اشىلدى، دەپ حابارلايدى baq.kz ٴتىلشىسى.

قازاقستان ەلورداسىنىڭ ارقا توسىنە اۋىسۋ تاريحىمەن تانىسقىسى كەلەتىندەر ٴۇشىن مەملەكەتتىك ارحيۆ پەن قر ورتالىق مەملەكەتتىك ٴارحيۆى، قر ۇلتتىق ٴارحيۆى ٴبىرىنشى رەت بىرەگەي قۇجاتتار مەن سۋرەتتەردى جاريالاپ وتىر.
كورمەگە قر پارلامەنتى ٴماجىلىسىنىڭ دەپۋتاتى باقىتجان ەرتايەۆ، بەلارۋس رەسپۋبليكاسىنىڭ ەلشىسى اناتوليي نيچكاسوۆ، رەسەي فەدەراسياسى ەلشىلىگىنىڭ اتتاشەسى سوفيا گالچينا كەلدى.

« ۇلى مەملەكەتتەر مەن ۇلى بيلەۋشىلەردىڭ عانا جاڭا استانا سالادى. ساۋلەتشى رەتىندە استانادا ەلشى رەتىندە جۇمىس ىستەپ جاتقانىمدى ماقتانىش ەتەمىن. استانا تۇرعىندارىنا جانە وسىناۋ عالامات يدەيا اۆتورى نۇرسۇلتان نازاربايەۆقا زور دەنساۋلىق، شىعارماشىلىق تابىس تىلەيمىن»، - دەيدى بەلارۋس رەسپۋبليكاسىنىڭ ەلشىسى اناتوليي نيچكاسوۆ.

مەملەكەتتىك ٴارحيۆتىڭ كوللەكسيالار قاتارى استانا قالاسى اكىمدىگىنىڭ ٴتۇرلى دەلەگاسيالاردان كەلگەن كادەسىي جانە سىيلىقتارىمەن تولىقتىرىلدى. استانا قالاسىنىڭ تۇڭعىش اكىمى ادىلبەك جاقسىبەكوۆتىڭ جەكە قورىنان الىنعان قۇجاتتار، ناگرادالار، ەڭبەكتەرى مەن اقمولا قالاسى ورتالىق ورگانى مەن جوعارى ديسلوكاسيا بويىنشا رەسپۋبليكالىق مەملەكەتتىك كوميسسيانىڭ ٴتوراعاسى فاريت گاليموۆتىڭ جەكە قورىنان الىنعان فوتوماتەريالدار – كورمەنىڭ باستى قۇندىلىعى.

ايتا كەستەك، «توعىز جولدىڭ تورابىنداعى استانا» اتتى فوتو-قۇجاتتىق كورمە جەلتوقسان ايىنىڭ سوڭىنا دەيىن جالعاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي