BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارمەنيا پرەزيدەنتى قازاق حالقىن تاۋەلسىزدىك كۇنىمەن قۇتتىقتادى

استانا، baq.kz. قازاقستان رەسپۋبليكاسىنىڭ تاۋەلسىزدىگىنىڭ 27 جىلدىعىنا وراي، كازاقستاننىڭ ارمەنياداعى ەلشىسى تيمۋر ورازايەۆ ارمەنيا پرەزيدەنتى ارمەن ساركيسيانمەن كەزدەستى.

كەزدەسۋ بارىسىندا ا. ساركيسيان قازاقستان پرەزيدەنتى نۇرسۇلتان نازاربايەۆقا ٴوزىنىڭ جىلى قۇتتىقتاۋىن جولداي وتىرا، ونىڭ ەگەمەن جانە زاماناۋي قازاقستاننىڭ قالاۋشىسى رەتىندەگى قوسقان ماڭىزدى ۇلەسىن اتاپ ٴوتتى. سونداي-اق ارمەنيا پرەزيدەنتى ەلباسى ن. نازاربايەۆتىڭ دانا باسشىلىعىمەن قازاقستان حالقىنا قۇت-بەرەكە مەن وركەندەۋ تىلەكتەرىن جەتكىزدى.

قازاقستاندىق ديپلومات ەلىمىزدىڭ مەملەكەتتىك كۇرۋ جولىنداعى جاڭا قادامدارى مەن ەكونوميكالىق سالاداعى جەتىستىكتەرى جانە جۋىردا جاريالانعان مەملەكەت باسشىسى ن. نازاربايەۆتىڭ « ۇلى دالانىڭ جەتى قىرى» ماقالاسىندا باياندالعان ەلىمىزدىڭ باي مۇراسىن ىسكە اسىرۋدىڭ قازىرگى زامانعى كوزقاراسى تۋرالى اڭگىمەلەپ، ا. ساركيسيانعا اتالعان ماقالانىڭ ارميان تىلىنە اۋدارىلعان ٴماتىنىن تابىس ەتتى.

اڭگىمە بارىسىندا تاراپتار ەكىجاقتى قارىم-قاتىناستاردىڭ بولاشاعىن، اتاپ ايتقاندا جاڭا تەحنولوگيالار سالاسىنداعى جوبالاردى، ٴوزارا ٴتيىمدى ساياسي ديالوگتى، ونىڭ ىشىندە ەۋرازيا ەكونوميكالىق وداعى مەن بۇۇ شەڭبەرىندە ٴوزارا ارەكەتتەسۋ ماسەلەلەردى تالقىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي