BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەگەمەندىكپەن بايلانىستى ەسىمدەر

فوتو: ашық дереккөзден

قىزىلوردا، baq.kz ٴتىلشىسى. بيىل تاۋەلسىزدىككە 27 جىل تولىپ وتىر. وسى ۋاقىت بويى حالقىمىز الاشتىڭ ازاتتىعىنا شۇكىر ەتىپ كەلەدى. ٴتىپتى كەي اعايىن سابيلەرىنە ەگەمەندىكتى ايشىقتايتىن ەسىمدەر دە بەردى. ەندى بىرەۋلەرى قايرات، ٴلاززات سىندى - جۇرەكتى جەلتوقسانشىلاردىڭ اتتارىن قويدى.

ماسەلەن، «قىزىلوردا – اقيقات ايناسى» قوعامدىق بىرلەستىگىنىڭ جاستار باعىتى بويىنشا مەدياكوورديناتورى بولىپ جۇمىس ىستەيتىن ەركىن قۇسان ٴوزىنىڭ ەسىمىن ەگەمەندىكپەن بايلانىستىرىپ قويعانىن ايتادى.

Еркін Құсан, «Қызылорда – Ақиқат айнасы» қоғамдық бірлестігінің жастар бағыты бойынша медиакоординаторы

ەركىن قۇسان، «قىزىلوردا – اقيقات ايناسى» قوعامدىق بىرلەستىگىنىڭ جاستار باعىتى بويىنشا مەدياكوورديناتورى

«ەسىمىمدى اكەمنىڭ اعاسى ەدىگە قويدى. قازاق قاي كەزدە دە ەركىندىكتى سۇيگەن عوي. ۇلتىمىز كەڭ دالا توسىندە ات ارقاسىندا ەركىن شاۋىپ، بوستاندىق بايراعىن بەكەم ۇستاۋعا ۇمتىلدى. قايسار حالقىمىز اڭساعان ازاتتىعىنا جەتتى. مەنىڭ وتباسىم دا ەل ەگەمەندىك العاندا ەرەكشە قۋانعان. 1996 جىلى مەن دۇنيەگە كەلگەندە، تۋعاندارىم ەركىن ەلدىڭ ەرتەڭى بولسىن، ەلدىكتىڭ تۋىن جوعارى ۇستاسىن دەگەن نيەتپەن اتىمدى ەركىن قويعانىن ايتادى. بالا كەزىمنەن تاۋەلسىزدىكتىڭ قالاي كەلگەندىگىن اتا-انام جادىما ٴسىڭىرىپ ٴوسىردى. ماعان ۇلكەن ۇمىتتەن تۋعان ەسىمدى بەرگەننەن كەيىن وسال بولۋىما استە بولمايتىنىن ۇقتىم»، – دەيدى ەركىن.

ٴقازىر ەركىن وبلىستاعى بەلسەندى جاستاردىڭ ٴبىرى. شىعىستىڭ جارىق جۇلدىزى «عاني مۇراتبايەۆ» مەدالىنىڭ يەگەرى اتانعان.

1995 جىلى دۇنيەگە كەلگەن ازات تولەبايدىڭ ەسىمىن اكەسى «ازات ەلدىڭ اسقاق ازاماتى بولسىن» دەپ ىرىمداپ قويعان ەكەن. ول بۇگىندە قىزىلوردا قالاسىنداعى ى.التىنسارين اتىنداعى №10 مەكتەپ-ليسەيدىڭ دەنە شىنىقتىرۋ ٴپانى ٴمۇعالىمى بولىپ جۇمىس ىستەيدى.

Азат Төлебай, Қызылорда қаласындағы Ы.Алтынсарин атындағы №10 мектеп-лицейдің дене шынықтыру пәні мұғалімі

فوتو: اۆتور

ازات تولەباي، قىزىلوردا قالاسىنداعى ى.التىنسارين اتىنداعى №10 مەكتەپ-ليسەيدىڭ دەنە شىنىقتىرۋ ٴپانى ٴمۇعالىمى

«اكەم ەلىمىز تاۋەلسىزدىك العان جىلدارى بالالى بولسام، ەسىمىن ازات قويامىن دەپ جوسپارلاعان ەكەن. قۇدايدىڭ قالاۋىمەن 5 جىلدان كەيىن ومىرگە كەلىپپىن. اكەم «قازاقتىڭ ازاتتىعى ماڭگى بولسىن» دەگەن نيەتپەن، ارتىق سوزگە كەلمەي وسى ەسىمدى بەردى.

قازاق ەلىنىڭ پاتريوتى رەتىندە 1986 جىلعى جەلتوقساندا بولعان قاندى وقيعاعا بەي-جاي قاراي المايمىن. جاستىق جىگەرى جالىنداپ تۇرعان شاعىندا ولار ەرتەڭگى كۇندى الىستان بولجاي ٴبىلدى. جاساعان ەرلىكتەرىنىڭ بارلىعى ٴبىزدىڭ ازات ەلدە ەر جەتۋىمىز ٴۇشىن ەكەنىن بىلەمىن. بۇگىندە وقۋ ورداسىندا جاس بالالاردى سالاۋاتتى ٴومىر سالتىن ۇستانۋعا سەپتىگىمدى تيگىزىپ كەلەمىن»، – دەيدى ازات.

ايتا كەتۋ كەرەك، جەلتوقسان وقيعاسىندا ۇلتتىق مۇددەنى تۋ ەتكەن قاھارمان قىزداردىڭ ٴبىرى – ٴلاززات اسانوۆا. قاندى قىرعىندا كەتكەن جۇرەكتى جەلتوقسانشى ەل جادىنان ەشقاشان وشپەيدى. ونىڭ ٴبىر دالەلى – بۇگىندە ونىڭ قۇرمەتىنە قويىلعان ەسىمدەر مىڭداپ سانالادى. ماسەلەن، قىزىلورداداعى «intellectum» وقۋ ورتالىعىنىڭ اعىلشىن ٴپانى ٴمۇعالىمى ٴلاززات ٴابسادىقوۆا دا ٴلاززاتتاي بولعىسى كەلەدى.

Ләззат Әбсадықова, Қызылордадағы «Intellectum» оқу орталығының ағылшын пәні мұғалімі

فوتو: اۆتور

ٴلاززات ٴابسادىقوۆا، قىزىلورداداعى «intellectum» وقۋ ورتالىعىنىڭ اعىلشىن ٴپانى ٴمۇعالىمى

«قازاقتار! كىرىپتارلىق قۇلدىقتا ٴومىر سۇرگەنىمىز جەتەدى! ٴبىز ەلىمىزدىڭ تاۋەلسىزدىگىن جەڭىپ العان كەزدە عانا ازات بولا الامىز!» دەگەن ٴسوزدى الماتىداعى قازىرگى رەسپۋبليكا الاڭىندا ۇران ەتكەن جاننىڭ ٴبىرى ٴلاززات اسانوۆا ەدى. مۇنى ماعان باتىر قىزدىڭ ەسىمىن بەرگەن اپام ايتىپ بەردى. سول كىسى سەكىلدى ۇلتجاندى، جۇرەكتى بولسىن دەگەنى شىعار. مەن ەسىمىمدى ماقتان تۇتامىن. ۇلتىمىزدىڭ ۇلىقتالىپ، ەلدىڭ كەمەلدەنۋىنە ايانباي ەڭبەك ەتكىم كەلەدى. ٴقازىر قازاق بالالارىنا شەت ٴتىلىن ۇيرەتۋ ارقىلى ولاردىڭ دۇنيەتانىمى مەن ٴبىلىمىن تەرەڭدەتۋگە قىزمەت جاساپ ٴجۇرمىن»، – دەدى ٴلاززات ٴابسادىقوۆا.

ال قۇرىلىس كومپانياسىندا قىزمەت ىستەيتىن قايرات لەكەروۆ بولسا، قايرات رىسقۇلبەكوۆكە ەلىكتەپ وسكەنىن ايتادى.

«ەس بىلگەلى اتامنىڭ تاربيەسىندە بولدىم. مال شارۋاشىلىعىمەن اينالىساتىن ول مەنى جانىنان ٴبىر ەلى تاستامادى. مال باعۋعا شىققاندا الدىنا مىنگەستىرىپ الىپ، جول بويى ماعىنالى، ٴماندى اڭگىمەسىن ايتىپ بەرەدى. اتام جەلتوقسانشى قايرات رىسقۇلبەكوۆ جايىندا كوپ ايتاتىن ەدى. ونىڭ بويىنداعى وجەت، ۇلتقا ماحاببات، ٴبىرسوزدى مىنەزى اتامنىڭ اڭگىمەسى ارقىلى بويىما ٴسىڭدى. مەن دۇنيە ەسىگىن اشقان كۇنى ات قويۋ ماسەلەسىنە دە كوپ ويلانباعان. قايرات اعامداي بولسىن دەپ، سول كىسىنىڭ ەسىمىن بەرگەن»، – دەيدى.

بۇگىنگى كەيىپكەرلەر ەسىمدەرىنە لايىق ٴىس جاساۋدى ماقسات ەتەدى. ولاردىڭ نيەتى قابىل بولسىن دەپ تىلەدىك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي