BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىلىقتار ايرىقشا سىيلىققا يە بولادى

الماتىدا 2017 جىلدىڭ 10 جەلتوقسان كۇنى استانانىڭ 20 جىلدىعىنا وراي «استانا – ارداعىم» سىيلىعىن سالتاناتتى تاپسىرۋ ٴراسىمى وتەدى، دەپ حابارلايدى baq.kz اقپارات اگەنتتىگى.

«استانا – ارداعىم» مەرەكەلىك سىيلىعىمەن استانانىڭ قالىپتاسۋىنا ۇلەس قوسقان جانە پرەزيدەنتتىڭ ەلىمىزدىڭ باس قالاسىن كوشىرۋ تۋرالى شەشىمىنە بارىنشا قولداۋ كورسەتكەن، ٴومىرىنىڭ باسىم بولىگىن الماتى قالاسىندا وتكىزگەن الماتىلىقتار مەن قايراتكەرلەر ماراپاتتالادى.

سىيلىق 20 نوميناسيا بويىنشا بەلگىلەنگەن، ولار: ٴبىلىم مەن عىلىم، ساۋلەت پەن قۇرىلىس، دەنساۋلىق ساقتاۋ، سپورت، ونەر كينەماتوگرافيا، جۋرناليستيكا، ادەبيەت سالالارى، شارا بىرنەشە كەزەڭدەردەن تۇرادى، ياعني نومينانتتار ۇسىنىلادى، قالالىقتار ەلەكتروندى تۇردە داۋىس بەرەدى ونىڭ قورىتىندىسى بويىنشا مارەگە 20 فيناليست شىعادى، جەڭىمپازدار ماراپتتالادى.

«ىرىكتەۋ كونكۋرستىق كوميسسيانىڭ قاتىسۋىمەن ينتەرنەت ارقىلى اشىق داۋىس بەرۋ ارقىلى بيىلعى جىلدىڭ 1 جەلتوقسانىنان باستاپ جۇمىسىن باستايتىن ارنايى سايتتا 2017 جىلدىڭ 5-8 جەلتوقسان ارالىعىندا جۇزەگە اسادى» - دەيدى ۇيىمداستىرۋشىلار.

شارانى 10 جەلتوقساندا وتكىزۋدىڭ دە وزىندىك ٴمانى بار، ويتكەنى 1997 جىلدىڭ ٴدال وسى كۇنى مەملەكەت باسشىسىنىڭ شەشىمىمەن استانانى رەسمي كوشىرۋ باستالعان بولاتىن.

ايتا كەتەرلىگى،«استانا – ارداعىم» سىيلىعى 2018 جىلدىڭ 6 شىلدەسىنە دەيىن استانانىڭ مەرەيلى مەرەكەسىنە وراي وتەتىن القالى شارالاردىڭ العاشقىسى بولماقشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي