BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا حقكو قىزمەتكەرلەرى بۇلدىرشىندەردى مەرەكەمەن قۇتتىقتادى

الماتى، baq.kz. الماتىنىڭ ماركوۆ كوشەسىندەگى حالىققا قىزمەت كورسەتۋ ورتالىعىندا بۇلدىرشىندەردىڭ تىلەك حاتتارى ىلىنگەن شىرشا ورناتىلدى.

قايىرىمدىلىق شاراسىن قوعامدىق ۇيىمدار، تانىمال تۇلعالار، اتاقتى سپورتشىلار، ەسترادا جۇلدىزدارى، كاسىپكەرلەر قولداپ كەلدى. اياز اتاعا 30-عا جۋىق بالا حات جازىپتى. ولاردىڭ ەڭ كىشىسى -2 جاستا، ەڭ ۇلكەنى – 16 جاستا. بالالاردىڭ ٴبارى ەرتەگىدەگى اتاعا سەنبەسە دە، تىلەكتەرى ورىندالادى دەپ ۇمىتتەنەدى. قايىرىمدىلىق جاساپ، بۇلدىرشىندەردىڭ ارمانىن ورىنداۋشى «سيقىرشى جاندار» «تىلەكتەر شىرشاسىندا» بالالارمەن بىرگە كوڭىل كوتەردى.

كورپوراسيانىڭ الماتىداعى فيليالىنىڭ pr-مەنەدجەرى جاڭىل اپەتوۆانىڭ ايتۋىنشا، «تىلەكتەر شىرشاسى» – قالا تۇرعىندارىنىڭ تولىق ەمەس جانە از قامتىلعان وتباسىلارىنان شىققان بالالارعا قۋانىش سىيلاۋعا مۇمكىندىك بەرەتىن شارا.

«بالالاردىڭ قالاۋى ٴارتۇرلى. ولار ويىن نوۋتبۋگىن، ترانسفورمەر ماشينا، سومكە، ۆەلوسيپەد، دوپ، كونسترۋكتور، شانا، ساعات،سويلەيتىن قۋىرشاق سەكىلدى بالا ويىنشىقتارىن سۇراسا، ەندى ٴبىرى دەنيس تەن سەكىلدى اتاقتى كونكيشى بولۋ ارمانىن ورىنداۋعا، كونكيي سىيلاۋدى سۇراپتى. تاعى ٴبىرى ٴۇي ىشىندەگى كوپ بالانىڭ بارىنە بىردەي قالاعان كيىمىن الىپ بەرۋگە اناسىنىڭ شاماسى جەتپەيتىنىن ايتىپ، جاقسى كەۋدەشە، كويلەك، باس كيىم سىيلاۋدى سۇراعان. تىلەك حاتتاردىڭ ىشىندە ەكراننان كورىپ جۇرگەن سۇيىكتى اكتەرلەرى فارحات ابدرايموۆپەن، ايگىلى بوكسشى قانات يسلاممەن كەزدەسىپ، فوتوعا ٴتۇسۋدى ارماندايتىندارىن ايتقان. ارينە، ٴبىز ولاردىڭ بارلىق تىلەگىن قاناعاتتاندىرۋعا تىرىستىق»، -دەيدى ج. امانتايقىزى.

شاراعا قازاقتىڭ كاسىپقوي بوكسشىسى قانات يسلام، كينوسۇيەر قاۋىمنىڭ تابىنۋشىسىنا اينالعان تانىمال اكتەر، پروديۋسەر فارحات ابدرايموۆ، تانىمال ەسترادا ٴانشىسى رومان مايعازيەۆ، حالىقارالىق «جاناشىر» قورىنىڭ وكىلى جازيرا امانتايقىزى قاتىسىپ، بالالاردىڭ تىلەكتەرىن ورىنداپ، سىيلىقتار تاپسىرا وتىرىپ، ان-كۇيلەرىن پاش ەتتى.

ولار بۇلدىرشىندەردى شات-شادىمان اسەرگە بولەپ قانا قويماي، جان جىلۋىمەن ٴبولىسىپ، بالا ٴۇمىتىن اقتاپ، ارماندارىنا قانات ٴبىتىردى.

سونداي-اق، اياز اتا مەن اقشاقار مەيرامنىڭ ٴسانىن كەلتىرىپ، بۇلدىرشىندەردىڭ كوڭىل حوشىن كوتەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي