BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسىندا «تۇڭعىش پرەزيدەنت كۇنى» قارساڭىندا ٴبىرقاتار مەرەكەلىك شارا ٴوتتى

استانا، baq.kz. بۇگىن الماتى وبلىسىنىڭ پوليسيا دەپارتامەنتىندە «1 جەلتوقسان – تۇڭعىش پرەزيدەنت كۇنى» مەرەكەسىنە وراي مەرەكەلىك سالتاناتتى جيىن ٴوتتى.

ٴىس-شارادا قىزمەتىندە ۇزدىك ناتيجە كورسەتكەن ٴتارتىپ ساقشىلارى قر ىشكى ىستەر مينيسترلىگىنىڭ جانە دەپارتامەنت باسشىلىعىنىڭ ديپلومدارىمەن ماراپاتتالدى. سونداي-اق، جيىندا قىزمەتكە جاڭا كەلگەن جاس پوليسەيلەر ادال قىزمەت ەتۋگە سالتاناتتى تۇردە انت قابىلدادى.

مەرەكەگە بايلانىستى ٴبىرقاتار ٴىس-شارالار ۇيىمداستىرىلدى.

اتاپ ايتار بولساق، پوليسيا دەپارتامەنتىنىڭ جەكە قۇرامى «نۇر وتان» پارتياسى الماتى وبلىستىق فيليالى ٴتوراعاسىنىڭ ٴبىرىنشى ورىنباسارى عالياسقار سارىبايەۆپەن كەزدەستى. پارتيا وكىلى ەلباسىمىزدىڭ ٴومىرى مەن ونىڭ تۇلعا بولىپ قالىپتاسۋى، سارالى ساياساتى تۋرالى بايانداما جاسادى. كەزدەسۋدە تۇڭعىش پرەزيدەنتتىڭ ٴومىر جولى تۋرالى فيلم كورسەتىلدى.

مەرەكە قارساڭىندا ٴتارتىپ ساقشىلارى بالالارعا ارناپ «اشىق ەسىك كۇنىن» وتكىزدى. مەكتەپ وقۋشىلارى پوليسەيلەردىڭ قىزمەتىنىڭ قىر-سىرىمەن تانىسىپ، ولاردىڭ كولىك تۇرلەرىن، قىزمەتتىك يتتەرىن تاماشالادى. دەپارتامەنتتەگى مۇراجايدى ارالاعان وقۋشىلار تاڭدانىسىن جاسىرا المادى. كەيبىرى بولاشاقتا پوليسەي بولىپ، ەلگە قىزمەت ەتۋدى ارماندايتىنىن ايتتى.

تالدىقورعان قالاسىنداعى «دينامو» سپورت كەشەنىندە پوليسيا دەپارتامەنتىنىڭ باستاماسىمەن الماتى وبلىسىنداعى كۇشتىك قۇرىلىمدار اراسىندا ۆولەيبولدان جارىس ۇيىمداستىرىلدى. دوپ دوداسىنا توتەنشە جاعدايلار دەپارتمەنتىنىڭ، قىلمىستىق-اتقارۋ جۇيەسى دەپارتامەنتىنىڭ، ارنايى كۇزەت قىزمەتى باسقارماسىنىڭ، الماتى وبلىسى ۇقكد، وبلىستىق سىبايلاس جەمقورلىققا قارسى كۇرەس باسقارماسى جانە پوليسيا دەپارتامەنتىنىڭ كوماندالارى قاتىستى.

تارتىستى وتكەن جارىستا الماتى وبلىسى پوليسيا دەپارتامەنتىنىڭ كومانداسى 1-ورىندى، ۇلتتىق قاۋىپسىزدىك كوميتەتى الماتى وبلىستىق دەپارتامەنتىنىڭ كومانداسى 2-ورىندى يەلەنسە، الماتى وبلىسى ارنايى كۇزەت قىزمەتى باسقارماسىنىڭ ۆولەيبولشىلارى ۇشتىكتى تۇيىندەدى.

ٴوز كەزەگىندە، الماتى وبلىسى پوليسيا دەپارتامەنتىنىڭ باسشىلىعى بارلىق قازاقستاندىقتاردى مەرەكەمەن قۇتتىقتاپ، وتباسىلارىنا اماندىق، ەلىمىزگە تىنىشتىق تىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي