BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسىندا 215 الەۋمەتتىك نىسان مەن تۇرعىن ٴۇي سالىنۋدا

استانا. 10 تامىز baq.kz - تالدىقورعان قالاسىندا الماتى وبلىسىنداعى قۇرىلىس سالاسىنىڭ ۇزدىكتەرى ماراپاتتالدى.

قۇرىلىسشىلاردى كاسىبي مەرەكەسىمەن قۇتتىقتاعان ول وبلىس اكىمىنىڭ ورىنباسارى عالىمجان ٴابدىرايىموۆ:
- جىل سايىن ەلىمىزدە، تۇرعىن ۇيلەر، وندىرىستىك، ٴبىلىم بەرۋ، دەنساۋلىق ساقتاۋ جانە مادەني-تۇرمىستىق باعىتتاعى نىساندار پايدالانۋعا بەرىلىپ، ەسكىلەرى جاڭعىرتىلىپ، ماتەريالدىق-تەحنيكالىق بازاسى نىعايا تۇسۋدە. قۇرىلىس جۇمىستارىنا وزىق تەحنولوگيالار، ىلگەرى جاڭاشىلدىقتار مەن جاڭا كونسترۋكتورلىق شەشىمدەر ەنگىزىلۋدە. ەلىمىزدەگى قۇرىلىس سالاسىنىڭ دامۋىندا، وڭىرلەردىڭ الەۋمەتتىك-ەكونوميكالىق الەۋەتىن دامىتۋ ٴۇشىن جاعداي جاساۋدا ەلباسىمىزدىڭ «نۇرلى جول»، «وڭىرلەردى دامىتۋدىڭ 2020» باعدارلامالارىن باسشىلىققا الامىز، - دەدى.

جيىن بارىسىندا وبلىستىق قۇرىلىس باسقارماسىنىڭ باسشىسى تەمىرلان بەكتاسوۆ بايانداما جاساپ، وبلىستاعى قۇرىلىس سالاسىنىڭ دامۋ جاعدايىنا توقتالىپ ٴوتتى. ت. بەكتاسوۆتىڭ ايتۋىنشا، 2015 جىلى باسقارمانىڭ بيۋدجەتى 45،5 ملرد تەڭگەنى قۇراعان. اتاپ ايتقاندا، رەسپۋبليكالىق بيۋدجەتتەن 13،4 ملرد تەڭگە، جەرگىلىكتى قازىنادان 27،9 ملرد تەڭگە، ۇلتتىق قوردان 4،2 ملرد تەڭگە بولىنگەن.

سالتاناتتى باسقوسۋدا قازاقستان رەسپۋبليكاسىنىڭ جانە ورتا ازيانىڭ قۇرىلىسشىلار وداعىنىڭ ۆيسە-پرەزيدەنتى امانجول شورماقوۆ، «اسك اۋىل قۇرىلىس» جشس ديرەكتورى اناتوليي ريابينين ارىپتەستەرىن قۇتتىقتادى.

مۇنان كەيىنگى ماراپاتتاۋ راسىمىندە قۇرىلىس سالاسىنىڭ 11 مامانىنا «قازاقستان رەسپۋبليكاسىنىڭ قۇرمەتتى قۇرىلىسشىسى» توسبەلگىلى بەرىلدى. سول سياقتى ٴبىرقاتار ازاماتتارعا وبلىس اكىمىنىڭ، ۇلتتىق ەكونوميكا مينيسترلىگىنىڭ، قازاقستان رەسپۋبليكاسىنىڭ جانە ورتا ازيانىڭ قۇرىلىسشىلار وداعىنىڭ، وبلىستىق قۇرىلىس باسقارماسىنىڭ العىس حاتتارى مەن قۇرمەت گراموتالارى تاپسىرىلدى.

سونىمەن قاتار وبلىس اكىمىنىڭ قۇرمەت گراموتاسىمەن «الماتى وبلىسىنىڭ ۇزدىك سىلاقشىسى، تاس قالاۋشىسى، تاس قاشاۋشىسى» اتالىمدارى بويىنشا وتكەن بايقاۋدىڭ جەڭىمپازدارى «يۋت - com» جشس جۇمىسشىلارى مۇرات ناعاشپايەۆ، مەدەلحان قىستاۋبايەۆ، باقداۋلەت ەسپولعانوۆ ماراپاتتالدى.

جالپى، بيىلعى جىلى الماتى وبلىسىندا 215 الەۋمەتتىك نىسان مەن تۇرعىن ۇيلەردىڭ قۇرىلىسى ٴجۇرىپ جاتىر. ونىڭ ٴ197-سىن وسى جىلى ىسكە قوسۋ جوسپارلانعان. ولاردىڭ ٴ97-سى - تۇرعىن ٴۇي، ٴ32-سى - ٴبىلىم بەرۋ نىسانى، ٴ11-ى - دەنساۋلىق ساقتاۋ نىسانى، 30-ى ينجەنەرلىك-كوممۋنيكاسيالىق جۇيەلەر، ٴ27-سى - الەۋمەتتىك نىساندار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي