BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴاليا نازاربايەۆا پرەزيدەنتتىڭ قولىنان ناگرادا الدى

فوتو: Бауыржан Жуасбаев

استانا، baq.kz ٴتىلشىسى. بۇگىن اقوردادا قر پرەزيدەنتى نۇرسۇلتان نازاربايەۆ 2018 جىلعى قر ادەبيەت پەن ونەر سالاسىنداعى مەملەكەتتىك سىيلىق يەگەرلەرىن ماراپاتتادى. ولاردىڭ اراسىندا «اناعا اپارار جول» ٴفيلمىنىڭ پروديۋسەرى ٴاليا نازاربايەۆا بار.

قازاقستان رەسپۋبليكاسىنىڭ 2018 جىلعى ادەبيەت پەن ونەر سالاسىنداعى مەملەكەتتىك سىيلىق اقىن تىنىشتىقبەك ابدىكاكىموۆكە – «القوڭىر دۇنيە» ولەڭدەر مەن باللادالار جيناعى ٴۇشىن; اۆتورلار ۇجىمىنا تولەۋبەك نىعمەت ۇلى الپيەۆكە، الان اسقار ۇلى بورىبايەۆقا، سۇندەت ٴابدىراحمان ۇلى بايعوجينگە، «استانا وپەرا» مەملەكەتتىك وپەرا جانە بالەت تەاترى» كوممەرسيالىق ەمەس اكسيونەرلىك قوعامىنىڭ شىعارماشىلىق ۇجىمىنا – «اباي» وپەراسى ٴۇشىن; اۆتورلار ۇجىمىنا: اقان قارعامباي ۇلى ساتايەۆقا، ٴاليا نۇرسۇلتانقىزى نازاربايەۆاعا، تيمۋر قازبەك ۇلى جاقسىلىقوۆقا، التىناي باۋىرجانقىزى نوگەربەككە، ٴادىل ەرالى ۇلى احمەتوۆكە – «اناعا اپارار جول» تولىقمەترلى كوركەم ٴفيلمى ٴۇشىن; اقىن اقۇشتاپ باقتىگەرەيقىزى باقتىگەرەەۆاعا – «انا سىرى» ولەڭدەر مەن باللادالار جيناعى ٴۇشىن; اقىن وتەگەن ورالباي ۇلى ورالبايەۆقا – «شۋاقتى شاق» جىر جيناعى ٴۇشىن بەرىلدى.

مەملەكەت باسشىسى ماراپاتتاۋ راسىمىندە قازاقستاندىقتاردى تاۋەلسىزدىك كۇنىمەن قۇتتىقتادى.

«بۇل ەگەمەن ەلىمىزدى دۇنيەجۇزىنە تانىتىپ، بار جاقسىلىقتىڭ باستاۋى بولعان قازاق ٴۇشىن قاسيەتتى مەيرام. ٴبىز 27 جىل بۇرىن ازاتتىق جالاۋىن جەلبىرەتىپ، بەرەكە-بىرلىگىمىزدىڭ ارقاسىندا مەرەيلى مەملەكەتكە اينالدىق. بيىل تاۋەلسىزدىكتىڭ سيمۆولىنا اينالعان استانانىڭ 20 جىلدىق مەرەيتويىن ابىرويمەن اتاپ وتتىك. يگى ٴداستۇر بويىنشا تاۋەلسىزدىك كۇنى قارساڭىندا ەرەن ەڭبەگىمەن دارالانعان ەل ازاماتتارىنا قوشەمەت كورسەتەمىز. سىزدەر وسىنداي مەرەكەلى ٴساتتى جوعارى ماراپات پەن مارتەبەلى اتاققا يە بولدىڭىزدار. ٴارقايسىڭىز كوپشىلىكتىڭ قۇرمەتىنە بولەنىپ، ونەگەلى ىستەرىڭىزبەن جاڭا قازاقستاندى جاڭعىرتۋعا ات سالىسىپ جۇمىس ىستەدىڭىزدەر، سوندىقتان اقوردا تورىنە جينالعان بارشاڭىز ٴۇشىن بۇگىن ەرەكشە مەرەيلى كۇن دەپ سانايمىز»، - دەدى قر پرەزيدەنتى.

بيىل تاۋەلسىزدىك كۇنى قارساڭىندا مەملەكەتتىك ناگرادا 1600 ادامعا بەرىلىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي