BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە ۇلتتىق ۇلاننىڭ 33 جاۋىنگەرىنە پاتەر كىلتى تاپسىرىلدى

استانا، baq.kz. تاۋەلسىزدىك كۇنىنە وراي اقتوبە قالاسىندا 6655-اسكەري ٴبولىمنىڭ 33 جاۋىنگەرلەرىنە پاتەر كىلتى تاپسىرىلدى. بۇل تۋرالى قر ۇلتتىق ۇلانى «باتىس» وڭىرلىك قولباسشىلىعىنىڭ ٴباسپاسوز قىزمەتى حابارلايدى.

33 اسكەري وتباسى «نۇر اقتوبە» جاڭا شاعىن اۋدانىنداعى كوتتەدج ۇيلەرىنە يە بولدى. پاتەر يەلەرىنە اقتوبە قالاسىنىڭ اكىمى ٴىلياس يسپانوۆ كىلتتەرىن تابىس ەتتى. ونىڭ سوزىنە قاراعاندا، ەلباسى تاپسىرماسىنا سايكەس قازاقستاندا اسكەري قىزمەتكەرلەردى دە باسپانامەن قامتۋ جۇزەگە اسىرىلىپ كەلەدى. ولار «اسكەري باسپانا» جانە «نۇرلى جەر» مەملەكەتتىك باعدارلاماسى بويىنشا «تۇرعىن ٴۇي قۇرىلىس جيناق بانكى» ارقىلى تومەن پايىزبەن باسپاناعا قول جەتكىزۋدە. اي سايىنعى تولەماقىلار وسى ماقساتقا قورعانىس مينيسترلىگىنەن قاراستىرىلعان تولەمدەردىڭ ەسەبىنەن وتەلەتىن بولادى. بارلىق ۇيلەرگە ينجەنەرلىك جەلى تارتىلىپ، اۋلالارى اباتتاندىرىلعان.

شاراعا قاتىسقان 6655-اسكەري ٴبولىم كومانديرى، پودپولكوۆنيك ميراس تۇردالين ۇزاق جىل وسى سالادا قىزمەت ەتكەن جانداردىڭ كوپتەن كۇتكەن قۋانىشتارىنا قول جەتكىزگەنىن اتاپ ٴوتتى.

كەلىسىمشارتپەن قىزمەت ەتەتىن ستارشينا، كوپ بالالى اكە ايدار قاراشولاقوۆ وسىنىڭ ٴبارى ۇلى مارتەبەلى تاۋەلسىزدىكتىڭ ارقاسى ەكەندىگىن ٴمالىم ەتتى.

«مەنىڭ جۇبايىم 6655-اسكەري بولىمىندە كەلىسىمشارتپەن ون جىلدان استام ۋاقىت بويى قىزمەت ەتىپ كەلەدى. ۇلىق مەيرام قارساڭىندا قونىس تويىن تويلاپ جاتقانىمىزعا قۋانىشتىمىز»، - دەدى اسكەري قىزمەتكەرلەردىڭ ٴبىرىنىڭ زايىبى اسىلزات ەرماعامبەتوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي