BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە تاۋەلسىزدىك كۇنىنە وراي دارىگەرلەر پاتەرلى بولدى

استانا، baq.kz. اقتوبەدە تاۋەلسىزدىك كۇنىنە وراي اققاعاز دوسجانوۆا اتىنداعى كونفەرەنس-حوللدا دەنساۋلىق ساقتاۋ سالاسىنىڭ قىزمەتكەرلەرى دارىپتەلدى. شارانىڭ رەسمي بولىگىن وبلىس اكىمىنىڭ ورىنباسارى مارات توقجانوۆ اشتى. جينالعانداردى وبلىس باسشىلىعى اتىنان قۇتتىقتاعان ول مەديسينا جۇرتشىلىعىنىڭ ٴوڭىردىڭ دامۋىنا قوسقان ۇلەسىن اتاپ ٴوتتى. بۇل تۋرالى اقتوبە وبلىسى اكىمدىگىنىڭ ٴباسپاسوز قىزمەتى حابارلايدى.

«تاۋەلسىزدىك جىلدارى ىشىندە اقتوبە وبلىسىنىڭ دەنساۋلىق ساقتاۋ سالاسى ۇلكەن جەتىستىككە قول جەتكىزدى. ەكى جىل بۇرىن قۇرىلعان مەديسينالىق كلاستەردىڭ ارقاسىندا بۇكىل باتىس قازاقستان تۇرعىندارىنا كۇردەلى جوعارى تەحنولوگيالىق ارالاسۋلار قول جەتىمدى بولدى. بالالاردىڭ جۇرەگىنە اشىق وتا جاساۋ، ورگانداردى اۋىستىرۋ، بۋىنداردى ەندوپروتەزدەۋ ٴبىزدىڭ دارىگەرلەر ٴۇشىن ۇيرەنشىكتى جۇمىسقا اينالدى. مەديسينالىق قىزمەتتەر كورسەتۋدە وڭتۇستىك كورەيا، يزرايل، اقش جانە رەسەي سياقتى الەمدىك كوشباسشىلارمەن تىعىز ىنتىماقتاستىق ورناتىلدى. بارلىق ورتالىقتار وزىق جابدىقپەن جابدىقتالعان. وبلىس اكىمى بەردىبەك ساپاربايەۆتىڭ تاپسىرماسىمەن اۋىلداعى جۇمىستار جولعا قويىلدى. وڭىردە ٴبىر جىلدىڭ ىشىندە مجس اياسىندا 21 اۋىلدىق دارىگەرلىك امبۋلاتوريا سالىندى. سىزدەردىڭ ادام ومىرىنە اراشا بولۋداعى كۇندەلىكتى ەڭبەكتەرىڭىز ٴۇشىن باس يەمىن»، - دەدى م.توقجانوۆ.

سالتاناتتى شارا ماراپاتتاۋ راسىمىنە جالعاستى. اقتوبەلىك دارىگەرلەرگە بەرىلگەن ماراپاتتاردىڭ ىشىندە «دەنساۋلىق ساقتاۋ ٴىسىنىڭ ۇزدىگى» جانە «دەنساۋلىق ساقتاۋ ىسىنە قوسقان ۇلەسى ٴۇشىن» توسبەلگىلەرى، سونىمەن قاتار، «ەڭبەك ارداگەرى» مەدالى بار. ول ماراپتتارعا شيرەك عاسىردان استام ەڭبەك ٴوتىلى بار 14 مەديسينا قىزمەتكەرى يە بولدى.

التى مامان دەنساۋلىق ساقتاۋ مينيسترلىگى مەن فارماسەۆتيكا كوميتەتىنىڭ قۇرمەت گراموتالارىمەن ماراپاتتالدى. تاعى 11 دارىگەر دياگنوستيكاعا زاماناۋي تەحنولوگيالار ەنگىزگەنى جانە ناۋقاستاردى ەمدەگەنى ٴۇشىن قر دەنساۋلىق ساقتاۋ مينيسترلىگى مەن اقتوبە وبلىسى اكىمىنىڭ العىس حاتتارىن يەلەندى. مەديسينا ساڭلاقتارىنىڭ ٴبىرسىپىراسى «نۇر وتان» پارتياسىنىڭ وبلىستىق فيليالى مەن «سەنىم» مەديسينا قىزمەتكەرلەرى كاسىپوداعىنىڭ رەسپۋبليكالىق قوعامدىق بىرلەستىگى اتىنان ماراپاتتالدى.

كوپتەن كۇتكەن ٴسات – پاتەر كىلتتەرىن تابىستاۋ شاراسى بولدى. ەندوكرينولوگ ٴمولدىر توماروۆا، بالالار حيرۋرگى اسحات باتىروۆ پەن انەستەزيولوگ نۇرمۇحامبەت بيگيەۆ سىندى جاس ماماندار باسپانالى بولدى.

«ديپلومىمدى العان سوڭ ەڭبەك جولىمدى اقتوبە مەديسينالىق ورتالىعىندا تەراپەۆت بولىپ باستادىم. سونىمەن قاتار، رەزيدەنتۋرادا تار شەڭبەرلى بىلىكتىلىك الدىم. ەندوكرينولوگيالىق بولىمدە جۇمىس ىستەپ جاتقانىما ەكى جىل بولدى. بىزدەرگە مۇندا ناۋقاستاردى ەمدەۋ ٴۇشىن بارلىق جاعداي جاسالعان. پاتەر الام دەپ ويلاماپپىن دا. وبلىس باسشىلىعىنا مەرەكە قارساڭىندا جاساعان سىيى ٴۇشىن راحمەت! تۋىستارىم مەن ارىپتەستەرىم تاڭەرتەڭنەن بەرى حابارلاسىپ، قۇتتىقتاپ جاتىر. بۇل مەنىڭ ومىرىمدەگى ەڭ تولقىنىستى كۇن بولدى»، - دەدى ٴمولدىر توماروۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي