BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە فاريزا وڭعارسىنوۆانىڭ قۇرمەتىنە ەسكەرتكىش تاقتا ورناتىلدى

استانا، baq.kz. تاۋەلسىزدىك كۇنى قارساڭىندا اقتوبە قالاسىنداعى №41 مەكتەپ-گيمنازياسىنىڭ عيماراتىندا اتاقتى اقىن، قر حالىق جازۋشىسى، مەملەكەتتىك سىيلىقتىڭ لاۋرەاتى فاريزا وڭعارسىنوۆانىڭ قۇرمەتىنە ەسكەرتكىش تاقتا ورناتىلدى.

سالتاناتتى شاراعا اقتوبە وبلىسىنىڭ اكىمى بەردىبەك ساپاربايەۆ، اقىننىڭ ۇلى - الماس وڭعارسىنوۆ، قوعام قايراتكەرى ٴارى جازۋشى ٴابىش كەكىلبايەۆتىڭ جۇبايى – كلارا جۇمابايەۆا، قالا تۇرعىندارى مەن قوناقتارى قاتىستى.

وبلىس اكىمى تاۋەلسىزدىكتىڭ 27 جىلى ىشىندە حالىقتىڭ ٴال-اۋقاتىن كوتەرىپ، ٴبىلىم، دەنساۋلىق، مادەنيەت، سپورت، تۇرعىن ٴۇي قۇرىلىسى، اۋىل شارۋاشىلىعى سالالارىن دامىتۋ ٴۇشىن قازاقستاندا ەڭ ٴتيىمدى شارالار قابىلدانعانىن اتاپ ٴوتتى.

«وسى جەتىستىكتەردىڭ ٴبارى – مەملەكەت باسشىسىنىڭ كورەگەن ساياساتىنىڭ ناتيجەسى. تاۋەلسىز ەلىمىزدىڭ قالىپتاسۋىندا قازاق حالىقىنىڭ داڭقتى قىزى فاريزا وڭعارسىنوۆانىڭ ٴرولى ماڭىزدى. ول قازاق پوەزياسىن دامىتۋعا ەلەۋلى ۇلەس قوسىپ، ادەبيەتكە وشپەس ٴىزىن قالدىردى: ونىڭ قالامىنان ماحاباتتى، ەرلىك ىستەردى، ادامداردىڭ قايسارلىعىن جىرلايتىن جۇزدەگەن شىعارمالار شىقتى. سوندىقتان مەملەكەتىمىزدىڭ ماڭىزدى مەرەكەسى قارساڭىندا اتاقتى اقىن قىزدىڭ ەسىمى بەرىلگەن مەكتەپتە ەسكەرتكىش تاقتا ورناتىلدى»، - دەدى ٴوڭىر باسشىسى.

سونداي-اق، مەكتەپتە ف.وڭعارسىنوۆا اتىنداعى مۇراجاي اشىلدى. مۇندا وقۋشىلار اتاقتى اقىن قىزدىڭ ومىربايانىمەن جانە شاعىرماشىلىعىمەن تانىسا الادى. الماس وڭعارسىنوۆ مۇراجايعا قر حالىق جازۋشىسىنىڭ 12 تومدىق شىعارمالار جيناعىن سىيعا تارتتى.

ايتا كەتەيىك، اقىن، قر حالىق جازۋشىسى فاريزا وڭعارسىنوۆا اتىنداعى 600 ورىندىق جالپى ٴبىلىم بەرەتىن مەكتەپ-گيمنازياسى وسى جىلدىڭ تامىز ايىندا اشىلعان. الاڭى 10،3 مىڭ شارشى مەترلىك وقۋ ورنىنىڭ ٴۇش قاباتتى عيماراتى بالالاردىڭ وقۋعا جانە دەمالۋعا، سونىمەن قاتار، مادەني جانە سپورتتىق بىلىمگە دەگەن قاجەتتىلىگىن ەسكەرە وتىرا جوبالانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي