BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

25 جىلدا ۇقك تاۋەلسىزدىكتى نىعايتۋعا، تىنىشتىقتى ساقتاۋعا ەلەۋلى ۇلەس قوستى – ەلباسى

ۇلتتىق قاۋىپسىزدىك كوميتەتى 25 جىلدىڭ ىشىندە وتانىمىزدىڭ تۇتاستىعىن قامتاماسىز ەتۋگە، تاۋەلسىزدىكتى نىعايتۋعا جانە حالقىمىزدىڭ تىنىشتىعىن ساقتاۋعا ەلەۋلى ۇلەس قوستى. بۇل تۋرالى ۇلتتىق قاۋىپسىزدىك كوميتەتىنىڭ 25 جىلدىعىنا ارنالعان مەرەكەلىك كونسەرتتە ەلباسى نۇرسۇلتان نازاربايەۆ مالىمدەدى، دەپ حابارلايدى baq.kz ٴتىلشىسى.

«قۇرمەتتى ۇلتتىق قاۋىپسىزدىك قىزمەتكەرلەرى، تۋرا شيرەك عاسىر بۇرىن مەنىڭ جارلىعىممەن قازاقستاننىڭ تاۋەلسىز قاۋىپسىزدىك ورگاندارى قۇرىلدى. بارشاڭىزدى وسى ايتۋلى وقيعامەن، كاسىبي مەرەكەلەرىڭىزبەن شىن جۇرەكتەن قۇتتىقتايمىن»، - دەدى ەلباسى.

مەملەكەت باسشىسى ۇلتتىق قاۋىپسىزدىك كوميتەتىنىڭ 25 جىل ىشىندە اتقارعان قىزمەتىنە جوعارى باعا بەردى.

«ٴبىزدىڭ ەلىمىزدە مۇنداي ورگان العاش رەت قۇرىلدى. ارينە، بۇرىن دا بولعان. ٴبىراق تا ٴبىز ورتالىقتىڭ ٴبىر بولشەگى عانا بولاتىنبىز. جۇمىسىمىزدىڭ بارلىعى ولارمەن كەلىسىلمەي ىستەلمەيتىن.ٴقازىر تاۋەلسىز ەلدىڭ ورگاندارى بار. تاۋەلسىزدىك جىلدارىندا ەلىمىزدىڭ قاۋىپسىزدىگىن قامتاماسىز ەتەتىن بەرىك جۇيە قالىپتاستى. ونىڭ ىشىندە ۇلتتىق قاۋىپسىزدىك ورگاندارىنىڭ ماڭىزى وتە زور. سىزدەر وتانىمىزدىڭ تۇتاستىعىن قامتاماسىز ەتۋگە، تاۋەلسىزدىكتى نىعايتۋعا جانە حالقىمىزدىڭ تىنىشتىعىن ساقتاۋعا 25 جىل ىشىندە ەلەۋلى ۇلەس قوستىڭىزدار. سول ٴۇشىن ريزاشىلىعىمدى بىلدىرەمىن»، - دەدى ەلباسى.

ەستەرىڭىزگە سالا كەتەيىك، 1992 جىلدىڭ 13 شىلدەسى كۇنى قر پرەزيدەنتى نۇرسۇلتان نازاربايەۆتىڭ جارلىعىمەن قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى قۇرىلدى.

25 جىل ىشىندە ۇقك قالىپتاسىپ قانا قويماي، جۇرگىزىلگەن رەفورمالاردىڭ ناتيجەسىندە تۇراقتى دامىپ وتىردى. كوميتەت قۇرىلىمىنداعى بارلىق وزگەرىس الەمدەگى جانە ەلدەگى احۋالمەن تىعىز بايلانىستى.

رەفورمالار كوميتەتكە جۇكتەلگەن مىندەتتەردى ٴتيىمدى شەشۋدى، تاۋەلسىز قازاقستاننىڭ مۇددەسىن قورعاۋدى كوزدەدى. ٴقازىر ۇلتتىق قاۋىپسىزدىك كوميتەتى – كەز كەلگەن قاتەر مەن سىناققا شۇعىل جاۋاپ بەرە الاتىن يكەمدى، ٴارى جوعارى بىلىكتى ارنايى قىزمەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي