BAQ.kz - Қазақстан жаңалықтары USD 379.29 BAQ.kz - Қазақстан жаңалықтары EUR 426.4 BAQ.kz - Қазақстан жаңалықтары RUB 5.93
استانا:

« ۇلى دالا سازى» اتتى كونسەرت وتەدى 

استانا، baq.kz. 2 قاراشا كۇنى ساعات 19:00-دە «قازاقستان» ورتالىق كونسەرت زالىنىڭ كامەرالىق زالىندا استانانىڭ 20 جىلدىعىنا وراي «استانا سازى» فولكلورلىق-ەتنوگرافيالىق ٴانسامبلىنىڭ « ۇلى دالا سازى» اتتى كونسەرتى وتەدى.

«استانا سازى» – اتا-بابامىزدان قالعان باي مادەني مۇرانى ساقتاپ، قازاق ەلىنىڭ ٴتول ٴداستۇرىن تەرەڭ مەڭگەرىپ، حالىق مۋزىكاسى ارقىلى ۇلتتىق قۇندىلىقتاردى جاڭعىرتىپ جۇرگەن بىرەگەي ۇجىم. «قازاقكونسەرت» كونسەرتتىك ۇيىمىنىڭ قۇرامىنداعى ٴانسامبلدىڭ باستى ماقساتى – xالىق مۋزىكاسىنىڭ كوركەمدىگى مەن تەرەڭدىگىن، رۋحاني بولمىسى مەن اسقاقتىعىن دارىپتەۋ، جاڭادان جاڭعىرتۋ.

كونسەرتتە كورەرمەندەر «استانا سازى» ۇجىمىنىڭ ورىنداۋىنداعى اتاقتى كۇيلەر مەن زاماناۋي كومپوزيسيالاردى تىڭداي الادى. فولكلورلىق انسامبل عاسىردان-عاسىرعا جەتكەن اۋەننىڭ اۋەزدىلىگىن سەزىندىرەتىن، حالىق كومپوزيتورلارىنىڭ تۋىندىلارىن ٴارتۇرلى اسپاپتا ورىنداپ، ەستەن كەتپەس كەش سىيلايدى.

كونسەرتتە فولكلورلىق انسامبلمەن قاتار، قر مادەنيەت قايراتكەرى ەربولات شالدىبەكوۆ، ٴانسامبلدىڭ كوركەمدىك جەتەكشىسى، «شابىت» حالىقارالىق فەستيۆالىنىڭ ديپلومانتى، اتاقتى كومپوزيتور باۋىرجان اكتايەۆ، سونىمەن قاتار حالىقارالىق جانە رەسپۋبليكالىق كونكۋرستارىنىڭ يەگەرلەرى ۆەنەرا تابىس، اسىلبەك گۇلميرا (جەتىگەن)، مۇڭايتپاس ايان (سىبىزعى)، جۇرتەكينا نۇربانۋ (ساز سىرناي) ونەر كورسەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي