BAQ.kz - Қазақстан жаңалықтары USD 377.62 BAQ.kz - Қазақстан жаңалықтары EUR 426.03 BAQ.kz - Қазақстан жаңалықтары RUB 5.67
استانا:

سوفيادا استانا كوشەسى اشىلدى

استانا، baq.kz. ەلوردانىڭ 20 جىلدىق مەرەيتويىنا وراي سوفيادا «استانا» كوشەسىنىڭ اشىلۋىنا ارنالعان سالتاناتتى ٴىس-شارا ٴوتتى.

ٴىس-شاراعا بولگاريا سىرتقى ىستەر مينيسترلىگىنىڭ وكىلدەرى، «قازاقستانمەن دوستىق ٴۇشىن» پارلامەنتتىك توبىنىڭ مۇشەسى - دەپۋتات بوريس يانچەۆ، سوفيا قالاسى مەرىنىڭ ورىنباسارى دونچو باربالوۆ، سوفيا وبلىسىنىڭ مەرى يليان تودوروۆ، قالالىق ماسليحات كەڭەسشىسى سيمەون سلاۆچەۆ، قازاقستان ۇلتتىق فۋتبول قۇراما كومانداسىنىڭ جاتتىقتىرۋشىسى ستانيمير ستويلوۆ، بوكستان الەم چەمپيونى كۋبرات پۋلەۆ، ديپلوماتيالىق كورپۋس، بولگاريانىڭ ىسكەر، عىلىمي، ساراپشلىق توپتارىنىڭ جانە باق-تار جانە قازاق دياسپورانىڭ وكىلدەرى قاتىستى.

ٴىس-شارا بارىسىندا قر بولگارياداعى ديپلوماتيالىق ميسسياسىنىڭ باسشىسى تەمىرتاي ٴىزباستين استانا قالاسىنىڭ دامۋ تاريحى تۋرالى جان-جاقتى ايتىپ بەردى. ٴوز كەزەگىندە، سوفيا قالاسى مەرىنىڭ ورىنباسارى د.باربالوۆ «استانا» كوشەسى سوفيانىڭ ەڭ ادەمى ورىندارىنىڭ بىرىندە ورنالاسقاندىعىن اتاپ ٴوتتى.

سالتاناتتى ٴىس-شارا اياسىندا بەلگىلى بولگار كومپوزيتورى مەن ٴانشىسى ورلين گورانوۆتىڭ ورىنداۋىندا «استانا» اتتى ٴانى شىرقالىپ، ٴاننىڭ cd ديسكتەرى مەن قر ديپلوماتيالىق ميسسياسى ازىرلەگەن قازاق-بولگار ٴتىلاشارلار تاراتىلدى.

اتاپ كەتەرلىك جايت، «استانا» كوشەسى سوفيا ورتالىعىندا «بولگاريا» داڭعىلىنىڭ قاسىندا ورنالاسقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي