BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەسەيدىڭ بىرنەشە قالاسىندا استانا كۇنى وتەدى

استانا، baq.kz. استانا اكىمى باقىت سۇلتانوۆ جانە رەسەيدىڭ قازاقستانداعى توتەنشە جانە وكىلەتتى ەلشىسى الەكسەي بوروداۆكين 2019 جىلعا جوسپارلانعان سانكت-پەتەربۋرگ پەن چەليابينسك وبلىسىندا وتەتىن استانا كۇندەرىن تالقىلادى.

استانا اكىمدىگىندە قالا اكىمىنىڭ رەسەيدىڭ قازاقستانداعى توتەنشە جانە وكىلەتتى ەلشىسىمەن كەزدەسۋى ٴوتتى. تاراپتار استانا جانە ماسكەۋ قالالارىنىڭ ۇكىمەتى اراسىنداعى 2018 جىلدىڭ جەلتوقسانىندا اياقتالاتىن ەكى جىلدىق ارىپتەستىك باعدارلاماسىنىڭ ىسكە اسىرىلۋ قورىتىندىسىن الدىن الا تالقىلادى.

بوروداۆكين مىرزا رەسەيدىڭ تاراپىنان ەكى استانانىڭ «جۇيەلى جانە جوسپارلى ارىپتەستىكتىڭ» جالعاسۋىنا مۇددەلى ەكەندىگىن، تاياۋ جىلدارعا ٴوزارا بىرلەسىپ جۇمىس ىستەيتىن جاڭا باعدارلاما ازىرلەۋدى ۇسىندى.

«ەلشىلىك استانا مەن ماسكەۋدىڭ اراسىنداعى دوستىق بايلانىستى دامىتىپ جانە نىعايتۋعا بار كۇشىن سالادى»، - دەپ ۋادە بەردى رەسەيدىڭ قازاقستانداعى توتەنشە جانە وكىلەتتى ەلشىسى.

باقىت سۇلتانوۆ ەلشى مىرزانىڭ ۇسىنىسىن قولدادى.

«مەملەكەت باسشىسىنىڭ تاپسىرماسىمەن ٴبىز استانانى 2050 جىلعا دەيىن دامىتۋ ستراتەگياسىن ازىرلەۋگە كىرىستىك. وسى ستراتەگيانى ىسكە اسىرۋ شەڭبەرىندە ٴبىز الەمنىڭ ٴتۇرلى قالالارىنىڭ حالىقارالىق ۋربانيستيكالىق دامۋ تاجىريبەسىن زەرتتەيمىز. بىزگە ٴىرى مەگاپوليس رەتىندە ماسكەۋدىڭ تاجىريبەسى وتە قىزىقتى» - دەدى اكىم.

اكىم سونداي-اق زاماناۋي الەمدە باسەكەلەس ەلدەر عانا ەمەس، قالالاردىڭ دا باسەكەلەسىپ جاتقان تەندەنسياسىنىڭ بايقالاتىنىن ايتا كەتتى.

«بۇل جەردە تەك باسەكە تۋرالى ەمەس، ٴوزارا ەكى جاققا دا ٴتيىمدى كووپەراسيا بار»، - دەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي