نازاربايەۆ: دومبىرا - قازاقتىڭ برەندى مەن پاسپورتى - ەل جۇرەگى - استانا|01 شىلدە 2018، 13:31
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ: دومبىرا - قازاقتىڭ برەندى مەن پاسپورتى

فوتو: Нұржас Жақсыбай

دومبىرا - قازاقتىڭ برەندى مەن پاسپورتى، ەشكىمگە ۇقسامايتىن قايتالانباس كەلبەتى. قازاقستان پرەزيدەنتى نۇرسۇلتان نازاربايەۆ مەرەكەلىك كونسەرتتە وسىلاي ايتتى، دەپ حابارلايدى baq.kz ٴتىلشىسى.

" ۇلى مۇرامىزدى ۇلىقتايتىن بۇگىنگى ۇلتتىق دومبىرا كۇنىمەن شىن جۇرەگىمنەن قۇتتىقتايمىن. مەنىڭ جارلىعىممەن جىل سايىن وسى ايدىڭ جەكسەنبى كۇنى دومبىرا كۇنى دەپ اتالاتىن مەرەكە بولدى. سول جارلىققا بايلانىست تەك قانا استانادا ەمەس، قازاقستاننىڭ بارلىق تۇكپىرىندە، وبلىس ورتالىقتارى، قالالار، اۋداندار مەن اۋىلداردا بۇگىن دəل وسىلاي دومبىرا مەرەكەسى بولىپ جاتىر. دومبىرا قازاقتىڭ جانى، رۋحى، تاريحى، ٴسالت-داستۇرى، بۇكىل ٴبىتىم-بولمىسى دەپ ايتۋعا بولادى. ول ۇلى دالانىڭ توسىندە ەرتە زاماننان بەرى حالقىمىزبەن بىرگە جاساپ كەلە جاتىر. ٴبىر كەزدە مايتوبەنىڭ تۇسىنان دومبىرانىڭ سۋرەتى بار تاڭبالى تاس تابىلعانىن ٴبارىمىز بىلەمىز. عالىمدار ول سۋرەت بەرىسى 4 مىڭ، ارىسى 6 مىڭ جىل بۇرىن بەدەرلەنگەنىن دالەلدەپ وتىر. ارال ماڭىندا دومبىرا ۇستاعان ادامنىڭ ٴمۇسىنى ٴبىزدىڭ داۋىرىمىزدەن 4 عاسىردىڭ مۇراسى بولىپ، ال التايدان تابىلعان اتا دومبىرا ٴبىزدىڭ داۋىرىمىزدەن 5 عاسىرعا تيەسىلى. كورىپ وتىرسىزدار ما، التايدان اتىراۋعا دەيىن بۇكىل قازاقستاننىڭ دالاسى 4 مىڭ، 5 مىڭ جىلدان بەرى وسى دومبىرانىڭ ٴۇنىن ەستىپ، قۋانىشتا دا، وكىنىشتە دە، دومبىراسىمىن كەلە جاتىر. ول بۇكىل ٴبىزدىڭ دالامىزدىڭ، بارلىق قازاقتىڭ ٴبىر ەكەنىن، قانىمىزدىڭ دا، جانىمىزدىڭ دا ٴبىر ەكەنىن دالەلدەيتىن وتە ناقتى نارسە. اسپاپ سوناۋ كۇلتەگىن زامانىنان بەرى كەلە جاتىر. ودان بەرى قيلى زامانداردىڭ ٴبارى دومبىرانىڭ كومەيىنەن كۇي بولىپ توگىلىپ، تاريحتان سىر شەرتەدى. تىڭداۋشىسىنان جىگەرلەندىرەتىن توكپە كۇيلەر مەن سىرشىل شەرتپە كۇيلەر قازاقتىڭ تابيعاتىن تانىتادى. كۇمىس كومەي انشىلەرىمىز دومبىرانى قولعا الىپ، سايىن دالانى جاڭعىرتىپ، اۋەلەتىپ ٴان سالعان. قاستەرلى اسپاپ بۇگىندە سيمفونيا مەن وپەراعا ٴار بەرىپ، كلاسسيكالىق ونەردىڭ اجىراماس بولشەگىنە اينالىپ كەلەدى. ول قازاقتىڭ برەندى مەن پاسپورتى، ەشكىمگە ۇقسامايتىن قايتالانباس كەلبەتى"، - دەدى نازاربايەۆ.

ەلباسىنىڭ ايتۋىنشا، "رۋحاني جاڭعىرۋ" باعدارلاماسى ارقىلى ۇلتتىق مادەنيەتىمىزدى الەمگە تانىتۋعا دومبىرا ەرەكشە ۇلەس قوسادى. قۇرمانعازى مەن داۋلەتكەرەيدىڭ، تاتتىمبەت پەن سۇگىردىڭ، قازانعاپ پەن دينانىڭ كۇيلەرى ٴتول مادەنيەتىمىزدىڭ بىرەگەي ۇلگىلەرى.

"كەشەگى ارامىزدان وتكەن نۇرعيسا تىلەنديەۆ دومبىرا ارقىلى ٴوزىنىڭ وشپەس ونەرىن قالدىردى. ولاردىڭ ٴبارى ۇرپاقتان ۇرپاققا مۇرا بولىپ جالعاسىپ، حالىقتىڭ جادىندا ساقتالىپ كەلەدى. يۋنەسكو شەشىمىمەن دومبىرا مەن كۇي ادامزاتتىڭ ماتەريالدىق ەمەس مادەني مۇرالارىنىڭ تىزىمىنە ەندى. ەلىمىزدە قاسيەتتى قارا دومبىراعا دەگەن قۇرمەت ەشقاشان تومەندەگەن ەمەس. وسىدان ٴبىراز جىل بۇرىن استانادا كۇي اتاسى قۇرمانعازىنىڭ ەسكەرتكىشى بوي كوتەردى. الماتىدا ايگىلى كۇيشى نۇرعيسا تىلەنديەۆتىڭ ەڭسەلى ەسكەرتكىشى ورناتىلدى. وسىنىڭ ٴبارى دومبىرا مەن كۇي ونەرىنىڭ عاسىرلار بويى دالامىزدى سازبەن تەربەتكەن كۇيشىلەردى قادىرلەۋدىڭ كورىنىسى بولىپ تابىلادى"، - دەدى مەملەكەت باسشىسى.

ەلباسى بەلگىلى اقىن قادىر ٴمىرزəلىنىڭ "دومبىرا" اتتى ولەڭىندە "ەكى ىشەكتىڭ ٴبىرىن قاتتى، ٴبىرىن سəل-پəل كەم بۇرا. ناعىز قازاق - قازاق ەمەس، ناعىز قازاق - دومبىرا" دەپ ايتقان قاناتتى ٴسوزىن كەلتىردى. پرەزيدەنتتىڭ ايتۋىنشا، بۇل - قازاقتىڭ قارا دومبىراسىنا، قارا ولەڭىنە قويىلعان ۇلى ەسكەرتكىش.

"دومبىرا قازاق ٴۇشىن جاي عانا مۋزىكالىق اسپاپ ەمەس، ودان əلدەقايدا بيىك تۇرعان كيەلى قۇندىلىق. حالقىمىز دومبىراعا ۇكى تاعىپ، تورىنە ىلگەن، كۇيشىلەردى تورەدەي كۇتىپ، توبەسىنە كوتەرگەن. وسى يگى ٴۇردىس ٴقازىر دە جالعاسىپ كەلەدى. بۇگىن رۋحاني جاڭعىرۋعا بەت بۇرعان حالقىمىز قاسيەتتى دومبىرامەن قۇدىرەتتى كۇيدى قانشالىقتى قادىرلەيتىنىن بۇكىل ەلىمىزگە، بۇكىل دۇنيەگە پاش ەتىپ وتىرمىز. وسى جەردە كۇمبىرلەگەن كۇيلەر ٴبىزدىڭ بىرەگەيلىگىمىز بەن رۋحاني تۇتاستىعىمىزدى بىلدىرەدى. لايىم، əر ۋاقىتتا بىزگە، ەلىمىزگە جاراتقان بىرلىك بەرسىن. وسى كۇيدىڭ بىرلىگىندەي بىرلىك بەرىپ، قازاقتىڭ تاتۋلىعى مەن ەلدىڭ بولاشاعىن جارقىن ەتسىن. بۇگىنگى شارا وسكەلەڭ ۇرپاقتى قاسيەتتى دومبىراعا، ۇلتتىق ونەرگە دەگەن قۇلشىنىسىن ارتتىرا تۇسەدى دەپ بىلەمىن. دومبىرانى تەرەڭ ٴتۇسىنىپ، ماعىناسىن ٴتۇسىنۋ ٴۇشىن مەنىڭشە ناعىز قازاق بولىپ تۋۋ كەرەك. اۋىلدا ەڭ ٴبىرىنشى ەستىگەن دىبىسى دومبىرانىڭ ٴۇنى بولسا، ٴومىر باقي ول ادام باقىتتى بولادى، كوڭىلى جادىرالى، كوتەرىڭكى بولادى، سول مۋزىكاعا ساي بولادى. ەلىمىزدىڭ اشىق اسپانى بەيبىت زامانىن دəرىپتەيتىن كۇمبىرلى كۇيلەرگە بالانا بەرسىن. بولاشاعىمىز جارقىن بولسىن. ۇرپاقتارىمىز دا بىزدەي دومبىرانى ٴسۇيىپ، العا باستاي بەرسىن"، - دەدى نۇرسۇلتان نازاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي