BAQ.kz - Қазақстан жаңалықтары USD 378.17 BAQ.kz - Қазақстан жаңалықтары EUR 429.11 BAQ.kz - Қазақстан жаңалықтары RUB 5.88
استانا:

يسەكەشەۆ ەلباسىعا استانانىڭ 20 جىلدىعىنا دايىندىعىن ايتىپ بەردى

مەملەكەت باسشىسى استانا قالاسىنىڭ اكىمى اسەت يسەكەشەۆتى قابىلدادى، دەپ حابارلايدى ۆaq.kz اقپارات اگەنتتىگى اقوردانىڭ ٴباسپاسوز قىزمەتىنە سىلتەمە جاساپ.

كەزدەسۋدە قازاقستان پرەزيدەنتىنە ەلوردانىڭ الەۋمەتتىك-ەكونوميكالىق دامۋى جانە استانانىڭ 20 جىلدىعىن مەرەكەلەۋگە دايىندىق بارىسى جونىندە مالىمدەلدى.

– 2017 جىلدىڭ قورىتىندىسى بويىنشا قالانىڭ الەۋمەتتىك-ەكونوميكالىق دامۋ كورسەتكىشى 2 ەسەگە جۋىق ارتتى. ونەركاسىپ 7 پايىزعا ٴوستى. سوڭعى بەس جىل ىشىندە 46 يندۋستريالدىق جوبا ٴبىر تريلليون تەڭگە كىرىس اكەلدى، – دەدى اسەت يسەكەشەۆ.

سونداي-اق، نۇرسۇلتان نازاربايەۆقا نەگىزگى كاپيتالعا تارتىلعان جەكە ينۆەستيسيالار كولەمى ۇلعايىپ، ەسەپتى كەزەڭ ىشىندە ونىڭ ۇلەسى 70 پايىز بولعانى تۋرالى باياندالدى.

– وتكەن جىلى 2،4 ميلليون شارشى مەتر تۇرعىن ٴۇي سالىنىپ، رەكوردتىق كورسەتكىشكە قول جەتكىزىلگەن ەدى. ٴبىز ٴقازىر جەكە ينۆەستورلار مەن ۇلتتىق كومپانيالار ەسەبىنەن قالانىڭ ٴتورت اۋدانىندا قۇرىلىس جۇمىستارىن جۇرگىزىپ جاتىرمىز، – دەدى استانا قالاسىنىڭ اكىمى.

ٴا.يسەكەشەۆ نۇرسۇلتان نازاربايەۆقا ەلورداداعى ينفراقۇرىلىمدىق جوبالاردىڭ ىسكە اسىرىلۋ بارىسى مەن استانا ماڭىندا جاڭا جولدار سالۋ جوسپارى جونىندە مالىمدەدى.

مەملەكەت باسشىسى ەلوردادا باسقا وڭىرلەردىڭ اكىمدىكتەرىمەن بىرلەسىپ سالىنعان ٴبىرقاتار الەۋمەتتىك نىساننىڭ قۇرىلىسىنا قاتىستى جۇمىستاردى وڭ باعالادى.

قازاقستان پرەزيدەنتى كەزدەسۋ سوڭىندا ناقتى تاپسىرمالار بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي