BAQ.kz - Қазақстан жаңалықтары USD 377.33 BAQ.kz - Қазақстан жаңалықтары EUR 424.68 BAQ.kz - Қазақстан жаңалықтары RUB 5.92
استانا:

استاناعا «تمد ارۋى-2018» بايقاۋىنىڭ قاتىسۋشىلارى جينالدى

استاناعا «تمد ارۋى-2018» اتاعى ٴۇشىن باسەكەلەسۋگە 10 ەلدەن 18 جاستان 27 جاس ارالىعىنداعى 19 قاتىسۋشى جينالدى، دەپ حابارلايدى baq.kz اقپارات اگەنتتىگى.

بايقاۋ وتكىزىلىپ كەلە جاتقان ۋاقىت ىشىندە (22 جىلدا) العاش رەت استانادا ۇيىمداستىرىلىپ وتىر جانە ول ەلوردانىڭ 20 جىلدىعىنا ورايلاستىرىلدى.

بايقاۋدىڭ ماقساتى - قاتىسۋشى ەلدەر اراسىندا تۋريزم مەن مادەنيەتتى دامىتۋ.

كونكۋرستا ٴوز ەلىن تانىستىرىپ، قۇرمەت كورسەتۋ ٴۇشىن قاتىسۋشىلار بىرنەشە كەزەڭنەن تۇراتىن كەشەندى ىرىكتەۋدەن ٴوتتى.

قاتىسۋشىلار اقتىق سايىسقا بىرنەشە كۇن قالعان كەزدە استانادا جينالىپ وتىر. وسى ۋاقىت ارالىعىندا ولار قازاق حالقىنىڭ سالت-داستۇرلەرى مەن ادەت-عۇرىپتارىمەن تانىسادى، سونداي-اق استانانىڭ كورىكتى جەرلەرىن ارالاپ، مەرەيتويلىق مەرەكەلەر مەن قايىرىمدىلىق شارالارعا قاتىسادى.

ناقتىراق ايتقاندا، بايقاۋعا قاتىسۋشىلار «نۇرلى جۇرەك» پسيحونەۆرولويالىق ديسپانسەردە، بۋراباي كۋرورتتىق ايماعىندا بولىپ ۇلگەردى. الداعى كۇندەرى «استانا-ارەنا» ستاديونىنداعى جولداستىق ماتچقا، ارمەنيا ەلشىلىگىندە ۇيىمداستىرىلاتىن قابىلداۋ كەشكە قاتىسادى.

ەستەرىڭىزگە سالا كەتەيىك، 2017 جىلى «تمد ارۋى» بايقاۋى ارمەنيا استاناسى ەرەۆاندا ٴوتتى. ال 27 شىلدە ساعات 19.00-دە «كازمەديا ورتالىعى» كينوكونسەرت زالىنىڭ ساحناسىندا بايقاۋدىڭ اقتىق مارەسى وتەدى.

بايقاۋعا قاتىسۋشىلار ٴوز ۇلتتىق كيىمدەرىن، سونداي-اق كەشكى كويلەكتەرىن بار سان-سالتاناتىمەن كيىپ شىعادى. ەكسكليۋزيۆتى شوۋ باعدارلاماعا سونىمەن قاتار الەمدىك ساحنا جۇلدىزى، دارىندى سۋرەتشىلەر مەن كورنەكتى ديزاينەرلەر قاتىسادى.

بايقاۋعا قاتىسۋشىلار ٴۇشىن وتكىزىلىپ وتىرعان شارا - الەمگە ايگىلى مودەلدىك اگەنتتىكتەرمەن، وندىرىستىك ورتالىقتار مەن رەجيسسەرلەرمەن ىنتىماقتاستىق ورناتۋ ٴۇشىن ۇلكەن مۇمكىندىك.

«ميسس تمد» بايقاۋى 1996 جىلدان باستاپ جىل سايىن وتكىزىلىپ كەلەدى. «تمد ارۋى-2018» بايقاۋى «تمد ارۋى» حالىقارالىق بايقاۋىنىڭ باس ديرەكتورى جانە نەگىزىن قالاۋشىسى نايري مناساكانيان مەن «velada حالىقارالىق مودەل اگەنتتىگىنىڭ تىكەلەي قولداۋىمەن وتكىزىلىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي