BAQ.kz - Қазақстан жаңалықтары USD 377.33 BAQ.kz - Қазақстан жаңалықтары EUR 424.68 BAQ.kz - Қазақстан жаңалықтары RUB 5.92
استانا:

استانادا جامبىل وبلىسىنىڭ جارمەڭكەسى وتۋدە 

فوتو: Нұржас Жақсыбай

ەلورداداعى "قازاقستان" سپورت كەشەنى اۋماعىندا جامبىل وبلىسىنىڭ اۋىل شارۋاشىلىعى ونىمدەرىنىڭ كورمە-جارمەڭكەسى ٴوتىپ جاتىر، دەپ حابارلايدى baq.kz ٴتىلشىسى.

"بۇگىن استانا قالاسىنىڭ 20 جىلدىعىنا وراي ەلوردادا جامبىل وبلىسىنىڭ اۋىل شارۋاشىلىعى ونىمدەرىنىڭ كورمە-جارمەڭكەسى ۇيىمداستىرىلىپ وتىر. وزدەرىڭىز كورىپ وتىرعانداي، ادامدار كوپتەپ كەلۋدە. ناقتى ٴبىزدىڭ وبلىستان 365 تونناعا جۋىق اۋىل شارۋاشىلىعى تاۋارلارىن الىپ كەلدىك. ونىڭ ىشىندە، 30 توننا ەت، 200 توننادان اسا وڭىردە وسىرىلگەن كوكونىس پەن باقشا داقىلدارى بار. مۇنداي جارمەڭكە وبلىستىڭ تاۋار وندىرۋشىلەرىنە ٴوز تاۋارلارىن دەلدالسىز، تىكەلەي تۇتىنۋشىلارعا ساتۋعا مۇمكىندىك بەرىپ وتىر"، - دەدى جامبىل وبلىسى اۋىل شارۋاشىلىعى باسقارماسىنىڭ باسشىسى بەرىك نىعماشەۆ.

جارمەڭكە اۋماعىنا كىرەبەرىستە ساتىلىمداعى جامبىلدىق ازىق-تۇلىكتىڭ باعاسى جازىلعان باعانا ورنالاستىرىلعان. بۇل ساۋدا بارىسىندا تاۋار باعاسىنىڭ بۇرمالانۋىنا جول بەرمەيدى جانە جارمەڭكەنىڭ اشىقتىعىن كورسەتىپ وتىر.

فوتو: نۇرجاس جاقسىباي

ايتا كەتۋ كەرەك، جارمەڭكەدە جامبىلدىق تاۋار وندىرۋشىلەر قۇرىلعان پالاتالاردا ساۋدا جاساپ جاتسا، ورتا تۇستا استانالىق تاۋار وندىرۋشىلەر ورنالاسقان. باسقارما باسشىسى نىعماشەۆ بۇل استانا قالاسى اكىمدىگىنىڭ شەشىمى ەكەنىن جانە ول ازىق-تۇلىك باعاسىن جامبىلدىق باسقارما رەتتەمەيتىنىن ايتتى.

"جارمەڭكە وتكىزۋ داستۇرگە اينالعان شارا. ەشقاشان ٴبىزدىڭ تاۋارلار وتپەي قالىپ، كەرى قايتقان ەمەس. سەبەبى، قالا حالقى جامبىلدىقتار ناقتى ٴوز تاۋارلارىن اكەلەتىنىنە ۇيرەنگەن. بارلىق باعا شەكتەۋلى قويىلعان. ال، استانالىق تاۋار وندىرۋشىلەردىڭ دە جارمەڭكەگە قاتىستىرىلۋى مەنىڭ قۇزىرىمداعى ماسەلە ەمەس. بۇل استانا قالاسى اكىمدىگىنىڭ شەشىمى. ٴارى دەسە، بارلىق تاۋار جامبىلدان شىقپايدى، سوندىقتان، مۇنىڭ ٴبارى تۇتىنۋشىنىڭ قاجەتتىلىگىنە وراي قاراستىرىلىپ وتىر دەپ سانايمىن" - دەگەن نىعماشەۆ ەلوردا جۇرتىن 4-5 تامىز ارالىعىندا وتەتىن جارمەڭكەگە شاقىردى.

جامبىل وبلىسى اۋىل شارۋاشىلىعى باسقارماسى بەرگەن اقپاراتقا سايكەس، جارمەڭكەدە جالپى قۇنى 121،6 ملن. تەڭگەنى قۇرايتىن 365،7 توننا اۋىل شارۋاشىلىعى تاۋارلارى ۇسىنىلۋدا. اتاپ ايتقاندا 30 توننا ەت (جىلقى، سيىر، قوي، شوشقا جانە تاۋىق ەتى)، 19 توننا ٴسۇت ونىمدەرى، 5 توننا شۇجىق ونىمدەرى، 5 مىڭ دانا جۇمىرتقا، 5 توننا قاراقۇمىق، 5 توننا كۇرىش، 20 توننا قانت، 6 توننا وسىمدىك مايى، 5 توننا بالىق، 2،5 توننا بال، 1،5 توننا كونديتەرلىك ونىمدەر مەن 2 توننا ماكارون ونىمدەرى، 0،5 توننا تۇز، 2 توننا كەپتىرىلگەن جەمىس جانە 257،2 توننا جەمىس-جيدەك پەن كوكونىس ونىمدەرى بار.

فوتو: نۇرجاس جاقسىباي

جارمەڭكەدە تاۋار وندىرۋشىلەردىڭ ٴوز تاۋارلارىن دەلدالسىز، تىكەلەي تۇتىنۋشىلارعا ساتۋى ناتيجەسىندە جارمەڭكەدەگى تاۋارلاردىڭ باعاسى نارىق باعامىنان 10-20 پروسەنتكە تومەن بولىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي